USU MƐNƆ 21:8 - WE NU GALE 1995

⁸ Nɛ nde owi yu ngamɛnɔ, do owi bɛ̃ we nu Gale, owi dɛ mɔ sapenɔ, owi gbɛ winɔ, owi yɛnggɛ vĩ zu yɛlinɔ, owi dɛ sɔ̃nɔ, Owi dɔnggɔ kpikimanɔ, do owi 'bili bɛlɛnɔ vɛ, wa da sɛ wa li gba nyɛa we, kɛ ma nyɛ gile gile ni. Ki ni a bɔa fie hã ni.”

USU MƐNƆ 21:8 Iomraidhean Croise

GBA WENƆ 19:5

Temɔɛ kɛ a 'bili bele ni, a te sɛ do ngbangga, nɛ a zɔ́lɔ́ sɛ kpa etumbu gɔ.

GBA WENƆ 19:9

Temɔɛ kɛ a 'bili bele ni, a 'danga kili tɛ̃ a wele nɛ, nɛ a zɔ́lɔ́ sɛ kpa etumbu gɔ.

Ezai 51:12

NWA tɔ̃a na: “Aa nɛ, owinɔ 'da mi, mi a mi hã ngawi hã nɛ. Kɔ gulu kɛ nɛ dɛ kili wele, kɛ a fe sɛ, nɛ a mbulu ɔ nɛ wɔkɔsɔ iko ni we ge nde?

Ezai 57:11

NWA Gale tɔ̃a na: “Ogalenɔ kɛ wa a kili tɛ nɛ, takɔ nɛ 'bili bɛlɛ hã mi, nɛ ta zu nɛ ele ngɔ mi vɛ̃ gɛ a wio nde? Ã kɛ zi belee ni, mi tɔ̃ zi we hã nɛ gɔ. Gulu nɛ hã nɛ dɔ́nggɔ́ 'bɔ mi gɔɛ ni.

Ezai 9:15

Owi zɔ mɔ tɛ obe Israɛlɛ, wa ba 'dã wala, nɛ wa yɔa wala do wa do'do.

MALAKI 3:5

NWA ngɔ mɔ nyanga nza vɛ̃ tɔ̃a na: “Mi tɛ sɛ, nɛ mi dungu dɛ sanga nɛ we gɔnɔ ngbangga 'da nɛ. Nɛ winɔ mi gɔnɔ sɛ ngbangga 'da wa dati, wi a Owi dɛ sɔ̃nɔ, do owinɔ kɛ wa ɔ do wukonɔ 'da ngba wa, do wanɔ kɛ wa ba kombo tɛ wa do bɛlɛ, do wanɔ kɛ wa 'bili nu mbili 'da owi dɛa tonɔ 'da wa, do wanɔ kɛ wa zɛlɛ tɛ wi fio wilinɔ do obe gulanɔ, do wanɔ kɛ wa dɛ 'dã mɔ do ogɛnɛnɔ, do owinɔ kɛ wa dɛ́ kili mi gɔ ni. Mi NWA ngɔ mɔ nyanga nza vɛ̃, mi tɔ̃a ní.

MATIE 10:28

“Nɛ tɛ dɛ̀ kili winɔ kɛ wa gbɛ kili tɛ wi, nɛ nde wa wè tɛ gbɛ hi wi gɔ ni gɔ. Nɛ dɛ́ kili Gale kɛ a wia we mba hi wi do kili tɛ wi, nɛ a gbɛ li gba nyɛa we ni.

MATIE 25:25

Ma kɛ mi dɛa zi kili, nɛ mi usu mbili 'da mɔ kɔ kɔ̃. Kɔ mɔ zɔ́, mbili 'da mɔ ma kɛ.’

MATIE 8:26

Nɛ Yezu kulu ngɔ, nɛ a tɔ̃ hã wa na: “Gulu kɛ nɛ dɛ kili ní we ge nde? Kɔ̃a we 'da nɛ ma gã̀ gɔ ni we ge nde?” Nɛ a ga bũi do ngele lì, nɛ ngɔ tɛ nɛ gɛ̃ kpi kpi kpi.

MARKO 9:44

I mɔ ni, mɛ a fala kɛ dɔkɔnɔ wa nyɔngɔ kili tɛ winɔ, nɛ nde dɔkɔnɔ ni wa fé gɔ, nɛ we ma dɔ winɔ ni, ma bí 'bɔ gɔ.]

YOANƐ 8:44

Baa nɛ, wi a Satana, nɛ nɛ kɔ̃a we dɛ mɛnɔ kɛ zã Satana kɔ̃a ni. Zɛ́ belee, a a wi gbɛ wi fai, nɛ a kɔ̃̀ mbe gɛnɛ gbãlã we fala kpo gɔ, we kɛ fo gbãlã we kɔ a bina. Kɔ fala kɛ a 'bili bɛlɛnɔ, nɛ nde mɛ a tɛlɛ tɛ̃ a hã ni, we kɛ a a wele bɛlɛ. Bɛlɛnɔ vɛ̃ yula kɔ a.

Mbulanɔ 20:8

Nɛ ogã wi ngɔ sodanɔ ni, wa tɔ̃ sɛ 'bɔ hã sodanɔ na: ‘Sanga nɛ gɛ, wi kɛ sila a 'bɔa, nɛ a do kili we nɛ bole ni, a boe nde? Kɔ fala kɛ wele ɔ ni boe, nɛ a si dɛ nu tɔa 'da a na, da dɛ kɔ a vĩ́ zu tala ogele sodanɔ gɔ.’

2 TƐSALONIKƐ 2:9

Wi sɛnɛ Gale a tɛ sɛ do ngawi 'da Satana, nɛ a dɛ sɛ ogba sɔ̃ mɔ, omɔ ɔ ɔngba, do mɔ hã kili kpi do kpi we ɔlɔ do owele.

1 TIMOTE 4:2

Wi vĩ sɛ zu wa, wi a owi ɔlɔ winɔ do owi 'bili bɛlɛnɔ, kɛ sila wa do linggamɔ zu wa ma 'danga ɔ nɛ kɛ wa dɔa ma do bawe mɔ bolo ni.

TITO 1:16

Wa tɔ̃ do nu wa na, lo ĩ ti Gale, nɛ nde dɛa to tɛ wa vɛ̃ be na, wa Ĩ ti Gale gɔ. Wa a o'dã wele ngboo, Owi nga zu, nɛ wa ĩ́ ti dɛ mbe dia mɔ kpo gɔ.

OHEBRE 12:24

Nɛ nɛ hɔa 'bɔ dati Yezu, kɛ a yula sanga tɛ ngba lɛ do Gale, nɛ a 'dafa mbé gba tɔkɔ sanga lɛ ni. Tɔkɔ tɛ Yezu ma a nù, nɛ ma wele we de nɛ ngɔ kɛ 'da Abɛlɛ.

OHEBRE 13:4

E kɔ owinɔ wa ba ngba wa do wala do nɛ. Ma wia na, wi wili mba ngɔ mɔ ɔi tati nɛ do wuke 'da a ngboo, nɛ wuko mba ngɔ mɔ ɔi tati nɛ do wili a ngboo. Mba gɔ, Gale a 'bili sɛ ngbangga dɛ ngɔ owi yɛnggɛ vĩ zu yɛli, do owi ɔ do wili tabi wuko 'da ngba wa.

1 YOANƐ 2:22

Wi 'bili bɛlɛ a wio nde? Wi a wele kɛ a kafa na, Yezu a Mɛsiya kɛ Gale saka a ni gɔ ni. Wi ni a wi sɛnɛ Yezu. A bɛa gɛnɛ Baa lɛ Gale, nɛ a bɛ̃ 'bɔ gɛnɛ Yezu, Be 'da Gale.

1 YOANƐ 3:15

Wi kɛ a sɛnɛ ngba a ni, a a wi gbɛ wi. Nɛ nɛ ĩ na, wi gbɛ wi do kpasi kɛ ma é gɔ ni bina.

1 YOANƐ 5:10

Na mɛ ni, wi kɛ a kɔ̃ zu li Be 'da Gale ni, a ĩ do kɔ sila a na, we kɛ Gale tɔ̃a ni a gbãlã we. Nɛ nde wi kɛ a kɔ̃̀ we nu Gale gɔ ni, a ba Gale do wi 'bili bɛlɛ, we duzu kɛ a kɔ̃̀ we kɛ Gale tɔ̃a ngɔ Be 'da a ni gɔ.

USU MƐNƆ 14:10

a nɔ sɛ dɔ̃ nɔ̃lɔ̃ zã 'da Gale. A nɔ sɛ nga dɔ̃ɛ ni, nɛ ma e kɔ bila nɛ vɛ. Winɔ kɛ wa dɛ mɛnɔ ní ni, tɛ wa ma zɛlɛ sɛ li gba nyɛa we, dɛ li oanzɛ santonɔ, do li Be Bata.

USU MƐNƆ 19:20

Nɛ wa bi gbaa, nɛ wa ba sa'de ni, nɛ wa ba 'bɔ wi gba olo nu Gale do bɛlɛ, kɛ a dɛ zi gba sɔ̃ mɛnɔ dɛ li sa'de, nɛ ma ɔlɔ winɔ, nɛ wa gɔnɔ zi dã 'da sa'de dati wa, nɛ wa dɔnggɔ hi a ni. Nɛ wa da wa bɔa nɛ do tunu li wa dɛ li gba nyɛa we, kɛ ma nyɛ gile gile ni.

USU MƐNƆ 2:11

“Wi kɛ zala a boe, nɛ a zélé wenɔ kɛ Hi Wi Santo tɔ̃ hã oeklezianɔ ni. Wi kɛ a kunu sila a kɔ ngamɛnɔ gbaa we hɔ ndɔti nɛ, nɛ a fé sɛ fio fala bɔa gɔ.”

USU MƐNƆ 2:2

Mi ĩ ti dɛa mɔ tɛ nɛ vɛ, nɛ mi ĩ ti ngamɛ kɛ nɛ kpa ma, do tɛlɛ tɛ kɛ nɛ kunu do sila nɛ ni. Mi ĩ na, nɛ kɔ̃̀ na, o'dã winɔ wa 'bana dɛ sanga nɛ ni gɔ, nɛ nɛ yamba zi sila owinɔ kɛ wa tɔ̃ na, lo a owi nɛ tonɔ 'da Gale ni, nɛ nɛ kpa na, wa a wi 'bili bɛlɛ.

USU MƐNƆ 21:27

Nɛ mɔ ndi kpo lé sɛ kɔ le ni gɔ, nɛ wele kɛ a hã tɛ a we dɛ mɔ sape, tabi we 'bili bɛlɛ ni, a lé sɛ di ni gɔ. Nɛ nde winɔ kɛ wa le sɛ i mɔ ni, wi tati a wanɔ kɛ Gale kɔma zɛ́ li wa kɔ 'Buku Kpasi 'da Be Bata ia ni.

USU MƐNƆ 22:15

Nɛ nde owi ndinɔ, kɛ wa a owi dɛ sɔ̃, owi yɛnggɛ vĩ zu yɛli, owi gbɛ wi, owi dɔnggɔ kpikima, owi 'bili bɛlɛ, do owi dɛ mɔ do bɛlɛ ni, wa vɛ wa 'bana sɛ dɛ 'do le.

USU MƐNƆ 9:17

Mi zɔa ombalatanɔ do owi kũ ngɔ wa ni do li yalɛ, nɛ nde wa hi'da tulu mɔ bolo dɛ ngu'du wa. Tuli ni fila nɛ́ we ni, nɛ tɛ nɛ ɔ 'bɔ nɛ tũ li nza ni, nɛ ma ɔ 'bɔ yee nɛ tɛ fila bɔ̃ ni. Nɛ zu mbalatanɔ ɔ nɛ zu ogbɔgbɔ ni, nɛ nde kɔ nu wa ma hɔ do gba nyɛa we, do zɛ̃ we, do kalĩ we.

USU MƐNƆ 9:21

Owinɔ ni wa là 'bɔ fala gbɛ winɔ, do dɛ sɔ̃nɔ, do yɛnggɛ vĩ zu yɛlinɔ, do zũ mɛnɔ gɔ.

Owi kpe dati 7:3

Kɔ mɔ nɛ, hã mɔ tɔ̃ hã owinɔ 'da mɔ na, wele kɛ a do kili, nɛ a kulu ngɔ, nɛ a gbili do li wala kɛ nyanga kala Galadɛ hã a si.” Nɛ Zedeoni dɛa ɔ nɛ kɛ NWA tɔ̃a hã a ni, nɛ osoda koto 'bu wa bɔa ngɔ wa bɔa wa kpula tɛ wa, nɛ wanɔ kɛ wa 'bana do Zedeoni ngɔ kala Galadɛ i ni, wa zi a osoda koto 'bu iko.