USU MƐNƆ 21:7 - WE NU GALE 1995

⁷ Wi kɛ a kunu sila a kɔ ngamɛnɔ gbaa we hɔ ndɔti nɛ, nɛ mi hã sɛ dia mɛ gɛ hã a: Mi sɛ a Gale 'da a, nɛ a sɛ a be 'da mi.

USU MƐNƆ 21:7 Iomraidhean Croise

Ndo Nyanga Dɛ Mɔ 17:8

Nɛ nù Kanana, kɛ mɔ ɔ ngɔ nɛ nɛ gɛnɛ gɛ, mi hã sɛ hã mɔ. Nɛ wele nɛ sɛ a mɔ́ mɔ do obe zã mɔ fai, nɛ mi sɛ a Gale 'da wa.”

2 SAMUƐLƐ 7:14

Mi ɔ sɛ nɛ baa a, nɛ a ɔ nɛ be 'da mi ni. Fala a dɛ 'dã mɔ, nɛ mi hã sɛ etumbu hã a, ɔ nɛ kɛ baa be hã do etumbu hã be 'da a ni.

Zumanɔ 89:26

Mi dɛ sɛ 'bɔ na, a e mbula ngɔ nùi, yolo nu gba lì gbaa we hɔ nu fua lìnɔ.

GBA WENƆ 3:35

Owi hã zãnɔ, wa kpa sɛ dɔ̀lɔ̀ li, nɛ nde Owi bi gbãlã zãnɔ, wa kpa sɛ sape.

Ezai 65:9

Mi wele sɛ nu mi tɛ obe zã Yakɔbɔ, kɛ wa a nu kpala Yuda ni, nɛ obe zã wa sɛ a Owele nù ngɔ kalanɔ 'da mi. Nɛ owinɔ 'da mi, kɛ mi saka wa, nɛ wa dɛ to hã mi ni, wa ɔ sɛ dɛ di ni.

ZAKARIA 8:8

nɛ mi gese sɛ wa dɛ kɔ le Yeruzalɛmɛ na, wa ɔ dɛ di ni. Nɛ wa sɛ a owinɔ 'da mi, nɛ mi sɛ a Gale 'da wa. Nɛ mi dungu sɛ nwa ngɔ wa do bɔlɔ nɛ, do dia zã.

MATIE 19:29

Wi kɛ a la tɔa 'da a, do onya a, do baa a, do naa a, do obenɔ 'da a, do fɔnɔ 'da a we duzu mi, nɛ a kpa sɛ mbé mɔ fala kama nɛ ngɔ kɛ a zi do ma dati ni. Nɛ do 'do, nɛ a kpa sɛ kpasi kɛ ma é gɔ ni fai.

MATIE 25:21

Nɛ nwa 'da a tɔ̃ hã a na: ‘Ma de wena. Mɔ a dia wi dɛa to, mɔ dɛ mɔ do wala olo nɛ. Ɔ nɛ kɛ mɔ dɛa be mɛnɔ do wala olo nɛ ni, mi e sɛ mɔ ngɔ ogã mɔ wena. Kɔ mɔ tɛ́ we dɛ yangga fala nɛ kpo do mi.’

MATIE 25:34

Nɛ mi tɔ̃ sɛ hã wanɔ si ngɔ ngawili kɔ̃ mi ni na: ‘Baa mi wila zɛ́ nu a tɛ nɛ ia! Nɛ tɛ́, kɔ nɛ le kɔ le nwa 'da a, kɛ a 'dafa zɛ́ ma hã nɛ dati ndo nyanga dɛ nùi ni.

MARKO 10:17

Nɛ 'do nɛ, nɛ Yezu ma ngɔ la nɛ, nɛ mbe wele kpo gɔnɔ ti a do yu, nɛ a gu nu ti a, nɛ a aka a na: “Aa wi be mɔ, mɔ a dia wi, mɔ tɔ̃́ hã mi sɛ! Mɛ mi wia tɛ dɛ nɛ, takɔ mi kpa kpasi kɛ ma é sɛ gɔ ni a ge nde?”

ROMA 8:14

Mba gɔ, owinɔ kɛ Hi Wi 'da Gale kã wa fi dungi 'da wa ni, wa a benɔ 'da Gale.

ROMA 8:19

Mɛnɔ nyanga nza gɛ vɛ kɛ Gale dɛa ni, ma do wɔ wena we zɔ ngba soe kɛ Gale nɛ hã do dɔ̃lɔ̃ fi hã obenɔ 'da a ni.

2 KORINTƐ 6:16

We mɔ́ kpikima tɛ tɔa 'da Gale boe nde? Tɔa 'da Gale wele kpasi, wi a lɛ, ɔ nɛ kɛ a ngboo a tɔ̃a na: “Mi ɔ sɛ dɛ sanga winɔ 'da mi, nɛ mi yɛnggɛ sɛ fala nɛ kpo do wa. Mi sɛ a Gale 'da wa, nɛ wa sɛ a winɔ 'da mi” ni.

2 KORINTƐ 6:18

Mi sɛ a baa nɛ, nɛ nɛ sɛ a benɔ 'da mi. Mi Nwa Gale, kɛ mi do nganda vɛ̃ ni, mi tɔ̃a ni.”

OHEBRE 8:10

Nɛ Nwa tɔ̃a 'bɔ na: “Mbé gba tɔkɛ mi gba sɛ do Oisraɛlɛ ni, ma kɛ: Do ngba soenɔ ni, nɛ mi dɛ sɛ na mbulanɔ 'da mi le dɛ zu wa, nɛ mi kɔmɔ sɛ ma dɛ kɔ sila wa. Mi sɛ a Gale 'da wa, nɛ wa sɛ a winɔ 'da mi.

1 PETRO 3:9

Wele dɛ 'dã mɔ dɛ 'da nɛ, nɛ nɛ tɛ gèsè 'dã mɔ do nɛ hã a gɔ. Tabi a dã nɛ nde, nɛ nɛ tɛ dã̀ a gɔ, nɛ nde nɛ wélé nu nɛ tɛ a. Mba gɔ, 'da fala kɛ Gale sa zi mɔ hã nɛ ni, nɛ a kpua zi mbulu na, ɛ wele sɛ nu ɛ tɛ nɛ.

USU MƐNƆ 2:11

“Wi kɛ zala a boe, nɛ a zélé wenɔ kɛ Hi Wi Santo tɔ̃ hã oeklezianɔ ni. Wi kɛ a kunu sila a kɔ ngamɛnɔ gbaa we hɔ ndɔti nɛ, nɛ a fé sɛ fio fala bɔa gɔ.”

USU MƐNƆ 2:17

“Wi kɛ zala a boe, nɛ a zélé wenɔ kɛ Hi Wi Santo tɔ̃ hã oeklezianɔ ni. Wi kɛ a kunu sila a kɔ ngamɛnɔ gbaa we hɔ ndɔti nɛ, nɛ mi hã sɛ mana kɛ ma usu tɛ̃ ɛ ni hã a na a nyɔngɔ. Nɛ mi hã sɛ 'bɔ fɛ̃a ta kɛ mi kɔma mbé li wele ngɔ nɛ ni hã a. Nɛ gele wele ĩ́ sɛ ti gulu li ni gɔ, tati a wi kpa ma iko.”

USU MƐNƆ 2:25

Nɛ nde sila nɛ nɔ́ dɛ tɛ mɛnɔ nɛ yambala ni, gbaa we 'bɔ do 'da hɔa 'da mi.

USU MƐNƆ 2:7

“Wi kɛ zala a boe, nɛ a zélé wenɔ kɛ Hi Wi Santo tɔ̃ hã oeklezianɔ ni. Wi kɛ a kunu sila a kɔ ngamɛnɔ gbaa we hɔ ndɔti nɛ, nɛ mi hã sɛ wala hã a na, a nyɔngɔ wala te kɛ ma hã kpasi, nɛ ma kɔ fɔ Paradizo 'da Gale ni.”

USU MƐNƆ 21:3

Nɛ mi zele giti gɛlɛ wele tɛ fala kpongbo nwa ni, ma wila nganda wena na: “Nɛ zɔ́, Gale dɛa fala ɔi 'da a dɛ sanga winɔ. A ɔ sɛ do wa fala nɛ kpo, nɛ wa sɛ a owinɔ 'da a. Gale ngboo sɛ fala nɛ kpo do wa.

1 SAMUƐLƐ 2:8

Wi kɛ a ɔ dɛ bulu nù, nɛ nwa ba a dɛ ngɔ, a fo wi sã ngɔ zubu do'do, nɛ a hã fala hã a sanga ogã winɔ, nɛ a e 'bɔ a ngɔ kpongbo nwa. We kɛ wele nùi gɛ vɛ̃ a mɔ́ NWA, wi a a hã a zĩ nyanga nɛ nganda wena.