USU MƐNƆ 21:5 - WE NU GALE 1995

⁵ Nɛ wi dungu ngɔ kpongbo nwa ni tɔ̃ na: “Nɛ zɔ́, mi kpula mɛnɔ vɛ̃do mbé nɛ.” Nɛ a tɔ̃ 'bɔ hã mi na: “Mɔ kɔ́mɔ́ wenɔ gɛ do mbɛti, we kɛ mɛ a ngbongbo we, nɛ wele wia we e sila a ngɔ nɛ.”

USU MƐNƆ 21:5 Iomraidhean Croise

Ezai 42:9

Wenɔ kɛ mi tɔ̃a zi ni, ma dɛa tɛ̃ ɛ ia. Ngangga ni, mi nɛ tɔ̃ 'bɔ mbé we hã mɔ, dati kɛ na ma dɛ tɛ̃ ɛ ni.”

Ezai 43:19

Mba gɔ, mi dɛ sɛ mbé mɔ, nɛ mi kɔla dɔ̃ɔ we dɛ ma ia. Nɛ zɔ sɛ ma ngangga gɛ. Mi gba sɛ wala tɛ li go, nɛ mi dɛ sɛ 'bɔ na, gba lì fo do ngɔ nga nùnɔ.

LUKA 5:38

Kɔ ma wia na, wa a mbé dɔ̃ kɔ mbé daka ndala!

2 KORINTƐ 5:17

Fala kɛ wele hɔ wi 'da Kristo, nɛ nde a hɔa mbé wele ia. Ã mɛnɔ zi ni ma la, nɛ mbé mɛnɔ ma hɔa.

OHEBRE 12:27

Kɔ we Gale tɔ̃a na: “'Bɔ mbé nɛ fala kpo” ni, ma be na, mɛnɔ vɛ kɛ a dɛa zɛ́, nɛ ma ta tana ni, ma tana sɛ, nɛ ma busu sɛ, takɔ mɛ kɛ ma wè tɛ tana nɛ gɔ ni, ma 'bana fai.

USU MƐNƆ 1:11

tɛ tɔ̃ hã mi na: “Mɔ kɔ́mɔ́ mɛnɔ mɔ zɔ gɛ do mbɛti, nɛ mɔ tómbó ma hã oeklezianɔ kɔ lenɔ sambo gɛ: Efɛzɛ, Smirnɛ, Pɛrgamɛ, Tiatirɛ, Sardɛ, Filadɛlfi do Laodise.”

USU MƐNƆ 1:19

Kɔ mɔ kɔ́mɔ́ mɛnɔ mɔ zɔa ni, do kɛnɔ ma tɛ la nɛ ngangga ni, do kɛnɔ ma hɔ sɛ ni.

USU MƐNƆ 19:9

Nɛ anzɛ tɔ̃ hã mi na: “Mɔ kɔ́mɔ́ wenɔ gɛ do mbɛti! Winɔ kɛ wa sa mɔ hã wa we nyɔngɔ mɔ dɔ ba ngba wi 'da Be Bata ni, wa a wi yangga.” Nɛ a tɔ̃ 'bɔ na: “Wenɔ gɛ ma yula nu Gale ngboo.”

USU MƐNƆ 20:11

Nɛ 'do ki ni, nɛ mi zɔ gba fɛa kpongbo nwa do wele dɛ ngɔ nɛ. Nɛ nùi do li nza yu wi ni, nɛ wa zɔ̀ 'bɔ do nɛ gɔ.

USU MƐNƆ 22:19

Nɛ wi kɛ a fo tɛ wenɔ kɔ 'buki gɛ ni, nɛ Gale a bɛ̃ sɛ na, a tɛ nyɔ̀ngɔ̀ wala te kɛ ma hã kpasi ni gɔ, nɛ a tɛ lè kɔ le santoe kɛ wa tɔ̃ we nɛ kɔ 'buki gɛ ni gɔ.

USU MƐNƆ 22:6

Nɛ 'do ki ni, nɛ anzɛ tɔ̃ hã mi na: “Wenɔ gɛ a gbãlã we ngboo, nɛ wele wia we e sila ɛ ngɔ nɛ. Nwa Gale kɛ a hã Hi Wi 'da a hã owi gba olo nu a ni, a tumba anzɛ 'da a we be mɛnɔ, kɛ ma hɔ sɛ ngangga gɛ ni hã owi dɛa tonɔ 'da a.”

USU MƐNƆ 4:2

Nɛ do ti, nɛ ngawi 'da Hi Wi Santo ba mi la do mi, nɛ mi zɔa kpongbo nwa li nza i, nɛ nde wele dungu ngɔ nɛ.

USU MƐNƆ 4:9

Nɛ Otunu li mɛnɔ ni wa tɛ ga zuma hã wi kɛ a dungu ngɔ kpongbo nwa, nɛ a do kpasi kɔ sabɛlɛ do sabɛlɛ ni. Nɛ wa dɔnggɔ a, nɛ wa tɔ̃ de zu li a, nɛ wa hã iɔ̃nae hã a.

USU MƐNƆ 5:1

Nɛ mi ka mɔ, nɛ mi zɔ wi dungu ngɔ kpongbo nwa ni, nɛ nde a 'bia kasa 'buku do ngawili kɔ̃ a. Wa kɔma mbɛti li nɛ do 'do nɛ, nɛ wa nãlã nu nɛ do ndaka fala sambo.