USU MƐNƆ 21:4 - WE NU GALE 1995

⁴ A dili sɛ mili kɔ̃a li wa. Fo sɛ fio bina! Nɛ fo sɛ 'bɔ dungu gɛla, do hia kɔ̃a, do ngamɔ bina, we kɛ omɛnɔ zi dati ni ma la ia.”

USU MƐNƆ 21:4 Iomraidhean Croise

Zumanɔ 144:4

Kpasi 'da wele la ɔ nɛ bũ ni, nɛ tũ dungu nza 'da a la dɔ̃ ɔ nɛ gɔ̃lɔ̃ ni.

Ezai 25:8

NWA Gale a fo sɛ fio ngɔ nù gɛ do'do, nɛ mbé fio gbɛ́ sɛ 'bɔ wele gɔ. A dili sɛ mili kɔ̃a li owinɔ vɛ̃, nɛ sape kɛ owinɔ 'da a wa kpa zi ma ngɔ nù gɛ ni, a fo sɛ ma do'do. Nɛ zɔ, mbuli kɛ NWA kpua ma gɛ a ni.

Ezai 30:19

Aa nɛ, owi Yeruzalɛmɛ, nɛ hé sɛ 'bɔ kɔ̃a mbé nɛ gɔ. Nɛ sa sɛ mɔ hã NWA, nɛ a zele sɛ, nɛ a gese nu nɛ, we kɛ a do mbɔkɔ li wena.

Ezai 35:10

Wa si sɛ do zuma, wa zɛ sɛ kaliã, nɛ wa le sɛ dɛ Sioni do yangga. Wa dɛ́ sɛ 'bɔ 'bako gɔ, nɛ wa ámá sɛ gba ama gɔ. Wa dɛ sɛ yangga 'da fala fai.

Ezai 51:11

NWA a kpasa sɛ owinɔ 'da a, nɛ wa si sɛ do zuma. Wa zɛ sɛ kaliã, nɛ wa le sɛ dɛ Yeruzalɛmɛ do yangga. Wa dɛ́ sɛ 'bɔ 'bako gɔ, nɛ wa ámá sɛ gba ama gɔ.

Ezai 60:20

Sa fala 'da nɛ ma bí sɛ tũ gɔ. Mba gɔ, mi NWA, mi sɛ a sa fala 'da nɛ 'da fala fai. Nɛ sa fala ni ma bí sɛ tũ ɔ nɛ wese tabi zɛkɛ gɔ. Mɛ sɛ a Sɔkpɔ tũ 'bakoe 'da nɛ.

Ezai 61:3

nɛ mi hã yangga hã owi Sioni kɛ wa tɛ dungu gɛla ni. Mi kifi 'bakoe 'da wa do yangga, nɛ mi kifi 'bɔ zuma ala nui 'da wa do zuma dɔnggɔ NWA. Mi kpolo sɛ tulu gɛla 'da wa do tulu ɛngga. Wa ɔ sɛ nɛ odia te kɛ NWA do tɛ̃ a ngboo a mi ma ni. Wa dɛ sɛ mɔ vɛ̃ do bɔlɔ nɛ, nɛ wa hã sɛ dɔ̃lɔ̃ li hã NWA.

Yeremi 31:12

Nɛ wa kpolo sɛ tɛ wa dɛ ngɔ kala Sioni, do zuma yangga nu wa, mi hã sɛ ble, dɔ̃, nɔ, obata, odua, do ongɔmbɔ hã wa, nɛ bula li wa sɛ do yangga we nɛ. Wa ɔ sɛ nɛ kpalɛ li fɔ kɛ ma 'bɔ de wena ni, nɛ tɛ wa zɛ́lɛ́ sɛ 'bɔ mbé nɛ gɔ.

Yeremi 31:13

Obe zɔnga benɔ 'da wa wa yɔ sɛ yɔla yangga, nɛ ozagbãlãnɔ do ogbɛlɛnɔ wa mba sɛ do wa. Wa dúngú sɛ 'bɔ gɛla gɔ, nɛ fo sɛ 'bɔ 'bako bina, we kɛ mi mbɔkɔ sila wa, nɛ mi hã yangga hã wa.

OZE 13:14

Mi NWA, mi kpasa sɛ nɛ Oisraɛlɛ li ngawi 'da fio nde? Aa fio, mɔ kálá bolo 'da mɔ, nɛ mɔ tɛ́ nɛ. Mɔ bé ngawi 'da mɔ hã wa, nɛ mɔ kumu wa. Mi ĩ́ sɛ 'bako hã wa gɔ.

MATIE 24:35

Li nza do nùi ma 'danga sɛ, nɛ nde we nu mi ma 'bana sɛ fai.

1 KORINTƐ 15:26

Nɛ ndɔti wi sɛnɛ wi kɛ Gale nɛ kumu sɛ a ni, wi sɛ a fio.

1 KORINTƐ 7:31

Nɛ owinɔ kɛ wa kpasa do mɛnɔ nù gɛ ni, wa tɛ à linggamɛnɔ 'da wa vɛ́ dɛ ngɔ nɛ gɔ. Mba gɔ, nùi lɛ zɔ gɛ, ma kɔla la nɛ ia.

2 KORINTƐ 5:17

Fala kɛ wele hɔ wi 'da Kristo, nɛ nde a hɔa mbé wele ia. Ã mɛnɔ zi ni ma la, nɛ mbé mɛnɔ ma hɔa.

2 KORINTƐ 6:17

We duzu ma, Nwa Gale tɔ̃a na: “Nɛ yú wa, nɛ nɛ fó tɛ nɛ sanga wa. Nɛ tɛ kɔ̀lɔ̀ do mɔ ndinɔ 'da wa gɔ. Nɛ dɛ́ na mɛ ni, nɛ mi kɔ̃ sɛ gɛnɛ nɛ.

OHEBRE 12:27

Kɔ we Gale tɔ̃a na: “'Bɔ mbé nɛ fala kpo” ni, ma be na, mɛnɔ vɛ kɛ a dɛa zɛ́, nɛ ma ta tana ni, ma tana sɛ, nɛ ma busu sɛ, takɔ mɛ kɛ ma wè tɛ tana nɛ gɔ ni, ma 'bana fai.

2 PETRO 3:10

Nɛ nde tũ kɛ Nwa nɛ tɛ sɛ nɛ ni, ma gbanga sɛ nɛ ɔ nɛ wi zũ ni. Do ngba soe ni, nɛ giti li nza ma dɔ̃lɔ̃ sɛ nganda wena, nɛ ma bisi. Nɛ omɛnɔ li nza i ni ma ngutu sɛ vɛ̃, nɛ nùi do mɛnɔ ngɔ nɛ vɛ ma 'danga sɛ.

1 YOANƐ 2:17

Nùi gɛ ma la la, nɛ mɛnɔ vɛ̃ kɛ winɔ wa dɛ wɔ tɛ nɛ nɛ ge nde ni, ma la 'bɔ la. Nɛ nde wi kɛ a dɛ mɛ kɛ zã Gale kɔ̃a ni, a 'bana sɛ fai.

USU MƐNƆ 20:13

Nɛ gba lì gisa owinɔ vɛ kɛ wa fia zɛ́ 'dɔ nɛ ni, nɛ fio do le 'da ofionɔ, wa gisa 'bɔ owinɔ wa fia zɛ́ ni. Nɛ Gale 'bili we 'da wa vɛ, wele do wele do 'da dɛa tonɔ a dɛa zi ni.

USU MƐNƆ 20:14

Nɛ 'do nɛ, nɛ wa ba fio do le 'da fionɔ, nɛ wa da wa li gba nyɛa we. Gba nyɛa we ni a bɔa fie hã ni.

USU MƐNƆ 21:1

'Do ki ni, nɛ mi zɔa mbé li nza, do mbé nù, we kɛ kuti li nza do kuti nùi ma bisi do'do, nɛ gba lì 'bɔ bina.

USU MƐNƆ 22:3

Nɛ mɔ kɛ Gale fɔmbɔ ma ni sɛ 'bɔ di ni bina. Kpongbo nwa 'da Gale do Be Bata, ma ɔ sɛ dɛ kɔ gã le ni, nɛ Owi dɛa tonɔ 'da Gale wa dɔnggɔ sɛ a.

USU MƐNƆ 7:17

We duzu kɛ Be Bata dɛ gbogbo kpongbe ni sɛ a wi zɔ mɔ tɛ wa, nɛ a kã sɛ wa tɛ nu 'de kɛ ma hã kpasi ni. Nɛ Gale a dili sɛ mili kɔ̃a li wa vɛ.”