USU MƐNƆ 21:1 - WE NU GALE 1995

¹ 'Do ki ni, nɛ mi zɔa mbé li nza, do mbé nù, we kɛ kuti li nza do kuti nùi ma bisi do'do, nɛ gba lì 'bɔ bina.

USU MƐNƆ 21:1 Iomraidhean Croise

Ezai 27:1

Do ngba soe ni, NWA Gale a ba sɛ du kɔya 'da a, kɛ ma nganda wena, nɛ nu nɛ tɔ̃a wena ni. Nɛ a gbɛ sɛ gba sɔ̃ sa'de li a Leviatanɛ, do gba sɔ̃ gɔ̃ɛ kɛ a gu wena, do gba sɔ̃ sa'de kɛ a ɔ 'dɔ lì 'di ni.

Ezai 51:11

NWA a kpasa sɛ owinɔ 'da a, nɛ wa si sɛ do zuma. Wa zɛ sɛ kaliã, nɛ wa le sɛ dɛ Yeruzalɛmɛ do yangga. Wa dɛ́ sɛ 'bɔ 'bako gɔ, nɛ wa ámá sɛ gba ama gɔ.

Ezai 57:20

Nɛ nde Owi dɛ 'dã mɛnɔ wa sɛ do dungu fio bina. Wa ɔ sɛ nɛ gba lì kɛ ma dɛ ngele, nɛ nde ma do ngawi we yolo nù bina, nɛ lì ni ma kala ndinɔ, nɛ ma da ma dɛ nu kolo i ni.

Ezai 66:22

Nɛ NWA tɔ̃a 'bɔ na: “Mi dɛ sɛ na, li nɛ ma 'bana nza fai, nɛ obe zã nɛ, wa ɔ sɛ nɛ mbé nùi do mbé li nza kɛ mi dɛ sɛ ma ni, nɛ wa 'bana sɛ dati mi fai.

DANIƐLƐ 7:3

Nɛ ogã gba sɔ̃ sa'de nalɛ wa yolo 'dɔ gba lì ni, nɛ wa hɔ nza. Sa'de kpo kpo si tɛ̃ ɛ do ongba a.

ROMA 8:21

We kɛ kɔ̃ tũ nɛ ma hɔ sɛ, nɛ Gale a kpasa sɛ tɛ mɛ 'bɔ omɛnɔ nyanga nza gɛ na, dɔ ma 'dángá gɔ, nɛ ma kpa sɛ dɔ̃lɔ̃ fi ɔ nɛ kɛ benɔ 'da Gale wa kpa ni. Nɛ wa sɛ 'bɔ ti mbula bina.

2 PETRO 3:10

Nɛ nde tũ kɛ Nwa nɛ tɛ sɛ nɛ ni, ma gbanga sɛ nɛ ɔ nɛ wi zũ ni. Do ngba soe ni, nɛ giti li nza ma dɔ̃lɔ̃ sɛ nganda wena, nɛ ma bisi. Nɛ omɛnɔ li nza i ni ma ngutu sɛ vɛ̃, nɛ nùi do mɛnɔ ngɔ nɛ vɛ ma 'danga sɛ.

2 PETRO 3:13

Nɛ nde Gale kpua mbulu hã lɛ na, a dɛ sɛ mbé li nza do mbé nù. Nɛ owinɔ ngɔ mbé nùi ni sɛ tati a Owi dɛ bɔlɔ zu dɛa mɔ iko. Kɔ lɛ 'bɔ 'da mbé mɛnɔ a dɛ sɛ ni.

USU MƐNƆ 13:1

'Do ki ni, kɔ mi nɛ ka mɔ, nɛ mi zɔ sa'de kpo, a yula 'dɔ gba lì, kɔ a tɛ hɔ nza. Zu a sambo, nɛ zamba zu a 'bu, nɛ wa gu ndasa nwa ngɔ zamba zu a ni kpo kpo vɛ, nɛ wa kɔma 'dã li tɛ ozu a ni kpo kpo vɛ, we dã zu li Gale.

USU MƐNƆ 20:11

Nɛ 'do ki ni, nɛ mi zɔ gba fɛa kpongbo nwa do wele dɛ ngɔ nɛ. Nɛ nùi do li nza yu wi ni, nɛ wa zɔ̀ 'bɔ do nɛ gɔ.

USU MƐNƆ 21:5

Nɛ wi dungu ngɔ kpongbo nwa ni tɔ̃ na: “Nɛ zɔ́, mi kpula mɛnɔ vɛ̃do mbé nɛ.” Nɛ a tɔ̃ 'bɔ hã mi na: “Mɔ kɔ́mɔ́ wenɔ gɛ do mbɛti, we kɛ mɛ a ngbongbo we, nɛ wele wia we e sila a ngɔ nɛ.”

USU MƐNƆ 6:14

Nɛ li nza la ɔ nɛ wa kasa bunggu ni. Nɛ kalanɔ do ngolo lìnɔ vɛ̃, ma fua tɛ ɛ do'do.