USU MƐNƆ 20:9 - WE NU GALE 1995

⁹ Nɛ mi ka mɔ, nɛ mi zɔ owinɔ ni wa tɛ yɛ'bɛ ngɔ nùi vɛ, nɛ wa linggi fala ɔi 'da winɔ 'da Gale, mba do gãle kɛ Gale kɔ̃a gɛnɛ nɛ nɛ ge nde ni. Nɛ gba nyɛa we yula li nza i, nɛ ma tia ngɔ wa, nɛ ma bɛlɛ wa vɛ.

USU MƐNƆ 20:9 Iomraidhean Croise

Ndo Nyanga Dɛ Mɔ 19:24

Nɛ NWA tumba gba nyɛa we, nɛ ma ala dɛ ngɔ le Sodɔmɛ do Gomɔrɛ ɔ nɛ tɛa kolo ni.

2 Onwanɔ 6:15

Fala sa do titole belee, nɛ wi toe 'da Elize kulu ngɔ, nɛ a hɔ dɛ 'do le nza i. Nɛ a zɔ osodanɔ, nɛ nde wa linggi le do ombalatanɔ, do ongilingilinɔ 'da wa. Nɛ a si 'do, nɛ a he mɔ hã Elize na: “Aa nwa, ngamɔ boe! Lɛ nɛ dɛ nɛ nɛ nde?”

YƆBƆ 38:18

Mɔ ĩ ti 'da gã li nùi gɛ nde? Mɔ ĩ ti mɛnɔ ni ĩ ngboo, nɛ mɔ be gulu nɛ hã mi.

Zumanɔ 106:18

Nɛ mɔ tumba gba nyɛa we dɛ ngɔ Owi bɛ̃ wenɔ ni, nɛ ma bɛlɛ wa vɛ̃.

Zumanɔ 87:2

A kɔ̃a gɛnɛ le Yeruzalɛmɛ wena, a kɔ̃a ma nɛa ngɔ otala lenɔ ngɔ nù Israɛlɛ gɛ vɛ̃.

Zumanɔ 97:3

Nyɛa we kpe dati a, nɛ ma bɛlɛ Owi sɛnɛ a kɛ zã a do'do.

Ezai 30:33

Wa 'dafa zi fala we dɔ do nwa ngɔ nù Asiri belee ia. Fala ni, wa zã ma korr gã wena, nɛ ma 'du wena. Wa a ogua kɔ nɛ dɛlɛ wena, nɛ wa fi sɛ we tɛ nɛ we dɔ do a. NWA a fi sɛ gba bũ, nɛ ma ufu we ni, nɛ ma nyɛ vɛ vɛ vɛ.

Ezai 37:36

'Do nɛ, nɛ anzɛ 'da NWA nɛa tɛ fala ɔi 'da osoda Asiri, nɛ a gbɛ wa koto kama do 'bu wa ngbɛ'dɛ'dɛ ngɔ wa mɔlɔ. Nɛ fala sa do titole, nɛ Owi Yeruzalɛmɛ wa kulu ngɔ, nɛ wa gbanga wɔlɔ owinɔ ni vɛ̃ do li wa.

EZEKIƐLƐ 38:16

Mɔ tɛ sɛ we bi winɔ 'da mi, Oisraɛlɛ, nɛ nɛ kpe sɛ ngɔ nùi 'da mi ɔ nɛ gba kutu ni. Ma dɛ̃ sɛ tɛ̃ ɛ dɔ̃ gɛ gɔ, nɛ nde ngba soe ni ma we, nɛ mi tombo sɛ mɔ we bi winɔ 'da mi. Mi dɛ sɛ na mɛ ni, we be hã ogele winɔ na, mi a Gale santo. Nɛ mi be sɛ ma hã wa ní do wala 'da mɔ.

EZEKIƐLƐ 38:22

Mi tombo sɛ etumbunɔ gɛ dɛ ngɔ mɔ: 'Dã zɛlɛ ma ba sɛ mɔ. Tɔkɔ tɛ Owele ma a sɛ nù. Gba kolo ma tɛ sɛ, nɛ gbãlã mũlũ mba do ogba kalĩ we, ma ala sɛ dɛ ngɔ mɔ, do sodanɔ 'da mɔ, do gba gili ogele winɔ kɛ wa mba do mɔ ni.

EZEKIƐLƐ 38:9

Nɛ nde mɔ, Gɔgɛ do osodanɔ 'da mɔ, do gba gili winɔ wa mba do mɔ ni, nɛ bi sɛ obe Israɛlɛ, nɛ nɛ fi sɛ do ngɔ wa ɔ nɛ gba bũ kamba ni. Nɛ nɛ kpe sɛ ngɔ nùi 'da wa kpã kpã ɔ nɛ gba kutu ni.

EZEKIƐLƐ 39:6

Mi fi sɛ we tɛ nù Magɔgɛ do olenɔ nu lì, tɛ fala winɔ wa ɔ tɛ nɛ, nɛ nde wa lénggé mɔ gɔɛ ni. Nɛ winɔ vɛ̃ wa ĩ sɛ na, mi a NWA.

Mike 2:13

Ɛ NWA Gale 'da nɛ, ɛ kpe sɛ dati nɛ, nɛ ɛ fĩ sɛ wala hã nɛ na, nɛ hɔ́ nza kɔ ngbá. Ɛ fo sɛ nɛ kɔ ngamɔ, nɛ ɛ 'dɔlɔ sɛ zã ngbo nu le, nɛ nɛ hɔ do ma.

HABAKUKƐ 1:6

Mi nɛ hã ngawi hã owi Babilonia, takɔ wa hã zɛlɛ tɛ hã ogele winɔ. Wa do 'bako li wa bina, nɛ sila wa dɛ wɛ'dɛ wɛ'dɛ we bi bolo iko. Osodanɔ 'da wa wa yɛnggɛ ngɔ nu gɛ vɛ̃ we kala nùnɔ 'da ongba wa.

Tɔlɔ Mɔ 11:1

Ngba soe kpo, nɛ obe Israɛlɛ wa bi tɛ wa hã NWA wena. Kɔ NWA nɛa we zele bi tɛ wi 'da wa, nɛ zã a nɔ̃lã, nɛ a tombo we, nɛ ma bɛlɛ mɛnɔ tɛ mbe nu fala ɔi 'da wa.

Tɔlɔ Mɔ 16:35

'Do nɛ, nɛ NWA tumba nyɛa we, nɛ ma bɛlɛ owinɔ 250 kɛ wa dɔa zi fũ yɔmbɛ ni.

LUKA 17:29

Kɔ ngba soe Lɔtɛ hɔa nza kɔ le Sodɔmɛ ni, nɛ Gale fi we, nɛ ma ala dɛ ngɔ le ɔ nɛ gbãlã mũlũ ni, nɛ ma gbɛa winɔ vɛ̃.

LUKA 19:43

Nɛ ĩ́ na, ngba soenɔ kɛ ma tɛ sɛ 'do gɛ, nɛ owi sɛnɛ nɛ wa linggi sɛ le 'da nɛ, nɛ wa zĩ gba ngbo 'do nɛ, nɛ wa bi sɛ nɛ,

LUKA 21:20

“'Da fala kɛ nɛ zɔ sɛ Owi bolonɔ nɛ nde wa zĩ 'do le Yeruzalɛmɛ takpa, nɛ nɛ ĩ na, le Yeruzalɛmɛ kɔlɔ 'danga nɛ ia.

LUKA 9:54

Kɔ Owi yambala mɛnɔ, Zake do Yoanɛ wa zɔa ní, nɛ wa aka Yezu na: “Nwa, mɔ kɔ̃̀ na, lɛ hã nu lɛ hã nyɛa we yolo ngɔ i, kɔ ma zĩlĩ dɛ ngɔ winɔ gɛ, kɔ ma gbɛ wa vɛ̃ gɔ nde?”

2 TƐSALONIKƐ 1:8

Nwa 'da lɛ Yezu a zĩlĩ sɛ dɛ kɔ gba nyɛa we, takɔ a bili nu gbã hã owinɔ kɛ wa kɔ̃̀ we ĩ ti Gale gɔ, nɛ wa bɛa gɛnɛ Dia Sakoe ni.

OHEBRE 13:13

Ní a lɛ hɔ́ nza kɔ le, nɛ lɛ yɛ́lɛ́ dati a, kɔ lɛ kpa sape fala nɛ kpo do a.

USU MƐNƆ 11:5

Kɔ fala kɛ mbe wele fa we dɛ 'dã mɔ do wa nde, nɛ nyɛa we ma hɔ sɛ kɔ nu wa, nɛ ma bɛlɛ Owi sɛnɛ wa. Gbãlã we, wi kɛ a fa we dɛ 'dã mɔ do wa, nɛ wa gbɛ sɛ a na mɛ ni.

USU MƐNƆ 13:13

Bɔa sa'de ni dɛ ogba sɔ̃ mɔ gã wena. A dɛ, nɛ gba nyɛa we yolo li nza i, nɛ ma te dɛ li winɔ vɛ.