USU MƐNƆ 20:8 - WE NU GALE 1995

⁸ Nɛ a la sɛ 'bɔ we ɔlɔ owinɔ, kɛ wa pɛsɛ do nyanga nzanɔ vɛ̃, nɛ li wa a Gɔgɛ do Magɔgɛ ni. A mba sɛ li wa, takɔ wa nɛ bolo. Wa dɛlɛ sɛ wena ɔ nɛ kɛnzɛ nu gba lì ni.

USU MƐNƆ 20:8 Iomraidhean Croise

USU MƐNƆ 16:14

Wa a o'dã hi winɔ kɛ wa yula 'da Satana, nɛ wa do ngawi we dɛ ogba sɔ̃ mɔ. Nɛ wa nɛa 'da Onwanɔ ngɔ nù gɛ vɛ, takɔ wa mba li wa, we bi bolo do li gã ngba soe 'da Gale, kɛ a do nganda vɛ ni.

EZEKIƐLƐ 38:1

NWA wila we hã mi na:

USU MƐNƆ 20:10

Nɛ wa ba Satana, kɛ a ɔlɔ wa ni, nɛ wa da a li gba nyɛa we, kɛ ma nyɛ gile gile ni. Mɛ a fala kɛ wa da zi 'bɔ do sa'de, do wi gba do nu Gale do bɛlɛ tɛ nɛ ni. I mɔ ni, wa zɔ sɛ ngamɔ tũ do gba wese kɔ sabɛlɛ do sabɛlɛ.

USU MƐNƆ 20:3

Nɛ anzɛ da a kɔ gba 'du kɔ̃ɛ, nɛ a kpe nu a do fungula, nɛ a lɔ nu nɛ na, da dɛ kɔ a hɔ́ nza, kɔ a ɔlɔ owinɔ ngɔ nù gɛ gɔ, gbaa ndɔti nɛ a kɛ sabɛlɛ kote kpo ni ma we sɛ. Nɛ 'do nɛ, nɛ wa da sɛ kɔ̃ wa tɛ a we be kɔ̃ tũ sĩ.

OHEBRE 11:12

Gulu nɛ hã yolo tɛ wi wili kpo, kɛ a 'bɔ zi fie iko ni, obe wa sanza, nɛ wa dɛla nɛ́ osɔlanɔ li nza, tabi ogbãlã kɛnzɛnɔ nu gba lì, kɛ wele wè tɛ tɔlɔ ma gɔ ni.

Yeremi 33:22

Mi dɛ sɛ na, obe zã wi toe 'da mi Davidi, do obe zã Levi, wa dɛlɛ ɔ nɛ osɔlanɔ tɛ li nza, tabi gbãlã kɛnzɛ nu gba lì, kɛ wa wè we tɔlɔ ma gɔ ni.”

Ezai 10:22

Gɛnɛ kɔ obe Israɛlɛ wa dɛlɛ zi ɔ nɛ kɛnzɛ nu gba lì, nɛ nde wanɔ kɛ wa 'bana sɛ nza, nɛ wa si dɛ 'da NWA ni, wa dɛ́lɛ́ sɛ gɔ. NWA gɔnɔ we do wala olo nɛ, obe Israɛlɛ wa kumu sɛ ɔ nɛ kɛ a 'bili ni.

1 SAMUƐLƐ 13:5

Nɛ osoda Filisti wa mba tɛ mɛ 'bɔ ngba wa we bi bolo do obe Israɛlɛ. Wa do ongilingili bolo 'bu koto talɛ, owi kũ mbalata koto gazɛlɛ. Nɛ osodanɔ wa dɛlɛ zi nɛ kɛnzɛ nu lì ni. Wa nɛa, nɛ wa hɔ tɛ Mikmasi, le kɛ mɔ yolo Bɛtɛ-Avɛnɛ, nɛ nde ma si 'biti gba wese. Nɛ wa 'dafa fala ɔi 'da wa dɛ di ni.

Owi kpe dati 7:12

Nɛ nde Omadianɛ, do Oamalɛkɛ, do wanɔ kɛ wa yula li gba zɔ̃ i ni, wa pɛsɛ do nyanga kala ni vɛ̃ ɔ nɛ tia odɔla ni. Nɛ osamonɔ 'da wa wa dɛlɛ ɔ nɛ ogbãlã kɛnzɛ nu gba lì ni.

1 Onwanɔ 4:20

Owi ngɔ nù Yuda, do wanɔ ngɔ nù Israɛlɛ wa dɛlɛ zi wena. Wa dɛlɛ zi ɔ nɛ gbãlã kɛnzɛ nu gba lì, kɛ wa wè tɛ tɔlɔ nɛ, nɛ ma e gɔ ni. Gɛnɛ kɔ na mɛ ni, nɛ nde wa zɔ̀lɔ̀ zi nyɔngɔmɔ, do nɔa mɔ gɔ, nɛ wa dungu zi do yangga.

EZEKIƐLƐ 7:2

“Aa mɔ, be 'da wele, mɔ zélé we mi NWA Gale, mi tɔ̃ hã obe Israɛlɛ gɛ. Mi na: Le 'da nɛ 'danga ia. Ma 'danga sɛ vɛ̃, yolo si gbãlã ngɔ we hɔ ba gɔtɔ, yolo si 'biti gba wese we hɔ 'biti gɛ̃a wese.

EZEKIƐLƐ 38:2

“Aa mɔ, be 'da wele, mɔ síkí li mɔ dɛ tɛ Gɔgɛ, gã nwa ngɔ onu kɔnggɔ Tubalɛ do Mesɛkɛ, tɛ ngɔ nù Magɔgɛ, nɛ mɔ dãlã dɛ tɛ̃ a do zu li mi.

EZEKIƐLƐ 39:1

Nɛ NWA tɔ̃ hã mi na: “Mɔ, be 'da wele, mɔ nɛ́ kɔ mɔ dãlã dɛ tɛ nwa Gɔgɛ do zu li mi. Nɛ mɔ gbá nu we mi NWA Gale, mi tɔ̃ gɛ hã a na: Mɔ, Gɔgɛ, gã nwa ngɔ onu kɔnggɔ Mesɛkɛ do Tubalɛ, mi nɛ siki li mi dɛ tɛ mɔ.

EZEKIƐLƐ 39:6

Mi fi sɛ we tɛ nù Magɔgɛ do olenɔ nu lì, tɛ fala winɔ wa ɔ tɛ nɛ, nɛ nde wa lénggé mɔ gɔɛ ni. Nɛ winɔ vɛ̃ wa ĩ sɛ na, mi a NWA.

USU MƐNƆ 7:1

Nɛ 'do ki ni, nɛ mi nɛ ka mɔ, nɛ mi zɔ oanzɛ nalɛ, wa yula si 'biti nyanga nza nalɛ, nɛ wa ga bũi kɛ ma yolo si 'biti nyanga nza nalɛ ni na, da dɛ kɔ ma fí ngɔ nù gɛ, tabi ngɔ gba lì gɔ, nɛ dɔ ma yáká 'bɔ nwá zu te kpo gɔ.

USU MƐNƆ 12:9

Nɛ wa da wa dɛ nù nga. Gba sɔ̃ sa'de ni a ã gɔ̃ɛ zɛ́ belee, kɛ wa sa li a na Zabulu tabi Satana, nɛ a yɛnggɛ tɛ ɔlɔ winɔ ngɔ nù gɛ ni.

2 Sakonɔ 18:21

Nɛ a gese na: ‘Mi nɛ sɛ, nɛ mi dɛ na, Owi gba olo nu Gale vɛ̃ wa 'bili bɛlɛ hã Akabɛ.’ Nɛ nwa gese hã a na: ‘Ki ni a dia wala we ɔkɔlɔ a. Mɔ nɛ́, nɛ mɔ dɛ́ na mɛ ni!’ ”