USU MƐNƆ 20:4 - WE NU GALE 1995

⁴ Nɛ 'do ki ni, nɛ mi zɔ okpongbo nwa, nɛ owinɔ ngɔ nɛ ni wa do ngawi we 'bili we. Nɛ mi zɔ 'bɔ hi winɔ kɛ wa 'bili zi gɛlɛ wa, we kɛ wa bia gulu we 'da Yezu, do we nu Gale hã Owele ni. Wi a wanɔ kɛ wa dɔ̀nggɔ̀ zi sa'de ni gɔ, nɛ wa dɔ̀nggɔ̀ 'bɔ hi a gɔ, nɛ wa gɔ̀nɔ̀ zi dã 'da a dati wa, do tɛ kɔ̃ wa gɔ ni. Kɔ Gale tunu wa kɔ fio, nɛ wa dungu nwa fala nɛ kpo do Kristo gbaa we sabɛlɛ koto kpo.

USU MƐNƆ 20:4 Iomraidhean Croise

DANIƐLƐ 2:44

'Da fala 'da Onwanɔ ni, nɛ Gale tɛ li nza i, a 'dafa sɛ mbé nu kɔnggɔ wele kɛ wa kúmú sɛ fala kpo gɔ, nɛ gele nu fɛlɛ kula dúngú sɛ 'bɔ nwa ngɔ wa gɔ ni. Nɛ nu kɔnggɔ winɔ ni wa 'danga sɛ okɛnɔ dati ni vɛ̃, nɛ wa 'bana sɛ fai.

DANIƐLƐ 7:18

'Do nwanɔ nalɛ ni, nɛ owinɔ 'da Gale kɛ a gã nɛa ngɔ mɔ vɛ̃ ni, wa ba sɛ to nwa. Nɛ wa fɔmɔ sɛ ma gbaa, ndɔti nɛ sɛ bina.’

DANIƐLƐ 7:22

Nɛ kpasa wi wili tili, nɛ a gɔnɔ dia gulu we hã owinɔ 'da Gale, kɛ a gã nɛa ngɔ mɔ vɛ̃ ni. Nɛ 'do nɛ, nɛ ngba soe nɛ wia, nɛ owinɔ 'da Gale wa ba to nwa.

DANIƐLƐ 7:27

Wa hã sɛ ngawi hã owinɔ 'da Gale, kɛ a gã nɛa ngɔ mɔ vɛ̃ ni. Nɛ wa e sɛ wa do nwa, nɛ lenɔ ngɔ nù gɛ vɛ̃ sɛ ti mbula 'da wa. Dɛa to nwa 'da wa, ma ɔ sɛ fai, ndɔti nɛ sɛ bina. Nɛ owi ngawinɔ ngɔ nù gɛ, wa zele sɛ nu wa, nɛ wa dɛ to hã wa.’

DANIƐLƐ 7:9

“Mi 'bana tɛ ka mɔ tɛ nɛ, nɛ mi zɔ, nɛ nde wa 'dafa okpongbo nwa. Nɛ mbe kpasa wi wili dungu ngɔ mbe kpongbe ni kpo. A hi'da tulu, ma fɛnga nde nde ɔ nɛ gba kutu ni, nɛ mili zu a fɛnga ɔ nɛ tukia ni. Kpongbo dungi 'da a nyɛ do we, okolo nyanga nɛ yele ɔ nɛ gba nyɛa we ni,

MATIE 19:28

Nɛ Yezu gisa hã wa na: “Mi tɔ̃ hã nɛ do gbãlã we na, 'da fala kɛ omɛnɔ vɛ̃ ma kifi sɛ mbé nɛ ni, nɛ mi Be 'da Wele, mi dungu sɛ ngɔ kpongbo nwa tɛ fala dɔ̃lɔ̃ li, nɛ nɛ 'bu ngɔ nɛ bɔa kɛ lɛ yɛnggɛ do nɛ gɛ, nɛ dungu sɛ tɛ mɛ 'bɔ ngɔ kpongbo nwa 'bu ngɔ nɛ bɔa we 'bili we 'da onu kpala obe Israɛlɛ 'bu ngɔ nɛ bɔa ni.

MATIE 24:10

Do 'da fala ni, Owele wena wa la sɛ fala kɔ̃a we 'da wa. Wa vũ sɛ to tɛ ngba wa, nɛ wa sɛnɛ sɛ ngba wa wena.

MARKO 6:16

Kɔ Herodɛ nɛa we zele na mɛ ni, nɛ a na: “Wi a Yoanɛ wi batisa winɔ, wele kɛ mi ba zi nu mi na, wa 'bili gɛlɛ a ni, kɔ ma kɛ a za'da nza kɔ fie gɛ!”

MARKO 6:27

Nɛ a tumba mbe soda wi zɔ mɔ tɛ nu tɔa 'da a do ti na, a nɛ́, kɔ a 'bílí gɛlɛ Yoanɛ, kɔ a tɛ́ do ma. Nɛ soda ni nɛa, nɛ a le kɔ tɔa bɔlɔkɔ i, nɛ a ba Yoanɛ, nɛ a 'bili gɛlɛ a.

MARKO 9:11

Nɛ wa aka Yezu na: “Gulu kɛ Owi be mbulanɔ wa tɔ̃ na, Elia a tɛ sɛ dati, sɛ nɛ Mɛsiya tɛ de ni we ge nde?”

LUKA 1:17

A dɛ sɛ toe 'da Gale do ngawi 'da Hi Wi Santo, ɔ nɛ kpo kɛ 'da Elia, wi gba olo nu Gale ni. A 'dafa sɛ sanga obaa be do benɔ 'da wa. Nɛ a dɛ sɛ na, Owi nga zu wa hɔ owi bɔlɔ zu. Nɛ a 'dafa sɛ sila Owele na, wa 'bɔ 'da Nwa we dɛ to hã a.”

LUKA 14:14

Nɛ mɔ sɛ do yangga, we kɛ wa wé sɛ tɛ gese olo nɛ hã mɔ gɔ. Nɛ nde wi nɛ gese sɛ olo nɛ hã mɔ, wi a Gale, do 'da fala a tunu sɛ owi bɔlɔ zunɔ kɔ fio ni.”

LUKA 22:30

Nɛ nyɔngɔ sɛ mɔ, nɛ nɛ nɔ dɔ̃ fala nɛ kpo do mi tɛ kɔ le kɛ mi nɛ dungu do nwa ni. Nɛ nɛ dungu sɛ ngɔ kpongbo nwa fala nɛ kpo do mi, takɔ nɛ 'bili we 'da onu kpala obe Israɛlɛ 'bu ngɔ wa bɔa ni.”

YOANƐ 14:19

Ma 'bànà nyɛlɛ gɔ, nɛ winɔ nù gɛ, wa zɔ́ sɛ 'bɔ mi gɔ. Nɛ nde nɛ, nɛ zɔ sɛ mi. Nɛ́ kɛ mi do kpasi ni, nɛ sɛ tɛ mɛ 'bɔ do kpasi.

ROMA 11:15

We kɛ 'da fala Gale bɛa gɛnɛ wa ni, nɛ a 'dafa dɛa na sanga a do ogele winɔ. Hã fala kɛ Gale kɔ̃ 'bɔ gɛnɛ Oyudanɔ mbé nɛ ni, nɛ ma ɔ sɛ nɛ nde? Ma ɔ sɛ nɛ kɛ wele fia, kɔ a tunu ni.

ROMA 8:17

Hã fala kɛ lɛ a benɔ 'da Gale, nɛ lɛ kpa sɛ 'bɔ dia mɛnɔ kɛ a usu ma hã obenɔ 'da a ni. Lɛ kpa sɛ ma fala nɛ kpo do Kristo. Mba gɔ, fala kɛ lɛ kpa zɛlɛ tɛ fala nɛ kpo do Kristo, nɛ lɛ sɛ tɛ mɛ 'bɔ do a kpo kɔ dɔ̃lɔ̃ fi 'da a.

2 TIMOTE 2:12

Kɔ fala kɛ lɛ kpãlã sila lɛ kɔ ngamɔ, nɛ lɛ dungu sɛ nwa do a. Kɔ fala kɛ lɛ kafa a, nɛ a kafa sɛ tɛ mɛ 'bɔ lɛ.

USU MƐNƆ 1:2

Ma kɛ mi tɔ̃ lɛnggɛ mɛnɔ vɛ̃ mi zɔa ma ni. Mɛnɔ ni a we nu Gale, nɛ Yezu Kristo tɔ̃a gulu nɛ hã lɛ.

USU MƐNƆ 1:9

Wi a mi nya nɛ Yoanɛ, kɛ lɛ mba do nɛ kpo dɛ kɔ Yezu ni. Lɛ tɛ kpa zɛlɛ tɛ do nɛ, nɛ lɛ tɛ kunu sila lɛ, nɛ lɛ do nɛ a wele le nwa 'da Gale. Wa ba zi mi do bɔlɔkɔ, nɛ wa tumba mi dɛ kɔ ngolo lì Patmosi, we kɛ mi bia we nu Gale, kɛ Yezu Kristo tɔ̃a gulu nɛ hã lɛ ni.

USU MƐNƆ 11:11

Nɛ 'do tũi talɛ do dɔ nɛ ni, nɛ Gale ufu bũ kpasi dɛ kɔ wɔlɔ wa, nɛ wa kulu ngɔ. Nɛ kili ba zi winɔ vɛ kɛ wa zɔa wa ni wena.

USU MƐNƆ 11:15

'Do nɛ, nɛ sambo anzɛ dama mɔtũlĩ 'da a. Nɛ wala gɛlɛ Owele wila nganda wena tɛ li nza i na: “Dɛa to nwa ngɔ nù gɛ ma hɔa dɛ tambala kɔ̃ Gale Nwa 'da lɛ, do Kristo kɛ a tumba a ni. Gale a dungu sɛ nwa kɔ sabɛlɛ do sabɛlɛ.”

USU MƐNƆ 11:3

Nɛ mi tombo sɛ temɔɛnɔ 'da mi bɔa, nɛ wa he'de sɛ saki, nɛ wa be we nu Gale gbaa 'do tũnɔ kote do kama bɔa do 'bu nɛ gazɛlɛ ni.”

USU MƐNƆ 11:7

Kɔ bia wenɔ 'da wa e do'do, nɛ gba sɔ̃ sa'de a yolo sɛ kɔ gba 'du kɔ̃ɛ, nɛ a hɔ nza we bi do wa. A nganda sɛ nɛ ngɔ wa, nɛ a gbɛ sɛ wa.

USU MƐNƆ 12:11

Onya lɛ wa nɛa ngɔ a, we duzu tɔkɔ tɛ Be Bata, do we nu Gale kɛ wa bia zi hã winɔ ni. Wa lènggè zi do kpasi 'da wa ngɔ nù gɛ gɔ, nɛ nde wa hã zi tɛ wa li fio we duzu we nu Gale.

USU MƐNƆ 14:11

Nɛ zɛ we kɛ ma zɛlɛ tɛ wa ni, ma kutu sɛ fai, nɛ ma é sɛ gɔ. Nɛ winɔ kɛ wa dɔngga sa'de, do hi sa'de, do wanɔ kɛ wa gɔna dã 'da a tɛ wa ni, tũ do gba wese, wa ɔ́mɔ́ sɛ tɛ wa fala kpo gɔ.”

USU MƐNƆ 15:2

'Do nɛ, nɛ mi zɔa 'bɔ mɔ ɔ nɛ gba lì ni, ma ndele nɛ́ talatala, nɛ ma mba do nyɛa we. Nɛ mi zɔ 'bɔ winɔ kɛ wa nganda zi nɛa ngɔ sa'de, do hi sa'de, do wele kɛ li a bia tɛ̃ ɛ do motuya ni. Wa yula dɛ ngɔ gba lì kɛ ma ndele nɛ́ talatala ni, nɛ wa kala okundunɔ kɛ Gale hã zi hã wa ni,

USU MƐNƆ 17:8

Sa'de kɛ mɔ zɔa a ni, a zi do tunu li a, kɔ ngangga ni a 'bɔ bina. Nɛ nde ma 'bana bi sĩ, nɛ a hɔ sɛ nza kɔ gba 'du kɔ̃ɛ, takɔ a la dɛ fala wa nɛ gbɛ do a ni. Nɛ winɔ ngɔ nù gɛ, kɛ 'da fala Gale ndua zɛ́ nyanga dɛ mɛnɔ, nɛ a kɔ̀mɔ̀ zɛ́ li wa kɔ 'Buku Kpasi gɔ ni, wa ɔngbɔ sɛ wena we zɔ sa'de ni, we kɛ a zi do tunu li a, kɔ ngangga ni a 'bɔ bina, nɛ a hɔ sɛ 'bɔ mbé nɛ ni.

USU MƐNƆ 2:26

Wi kɛ a kunu sila a kɔ ngamɛnɔ, kɔ a dɛ mɛ kɛ zã mi kɔ̃a ni gbaa we hɔ ndɔti nɛ, nɛ mi hã sɛ ngawi kɛ Baa mi hã hã mi ni hã a, nɛ a dungu sɛ nwa ngɔ ogele winɔ. A sɛ do dɔndɔlɔ mɔ bolo kɔ̃ a we zɛ do winɔ, ɔ nɛ kɛ wele zɛ zã kpana, nɛ ma o ni. Nɛ mi hã sɛ 'bɔ gbandolo titole hã a.

USU MƐNƆ 20:6

Winɔ kɛ wa tunu dati ni, wa do yangga wena, we kɛ Gale wele nu a tɛ wa. Bɔa fio do ngawi ngɔ wa bina. Wa sɛ a onganganɔ 'da Gale do Kristo, nɛ wa dungu sɛ nwa fala nɛ kpo do Kristo gbaa we sabɛlɛ koto kpo.

USU MƐNƆ 22:5

Tũ tu sɛ kɔ le ni gɔ, nɛ winɔ wa sɛ do wɔ tɛ nyɛa we mwinda, tabi tua wese bina, we kɛ yele ngbala 'da Nwa Gale ma yele sɛ ngɔ wa. Nɛ wa dungu sɛ nwa kɔ sabɛlɛ do sabɛlɛ.

USU MƐNƆ 3:21

Wi kɛ a kunu sila a kɔ ngamɛnɔ gbaa we hɔ ndɔti nɛ, nɛ mi hã sɛ wala hã a we dungu do mi ngɔ kpongbo nwa 'da mi, ɔ nɛ kɛ mi kunu zi tɛ mɛ 'bɔ sila mi gbaa we hɔ ndɔti nɛ, nɛ mi dungu do Baa mi ngɔ kpongbo nwa 'da a ni.

USU MƐNƆ 4:4

Nɛ ombe gele kpongbo nwa 'bu nɛ bɔa ngɔ nɛ nalɛ, ma zĩ 'bɔ kuti kpongbo nwa ni takpa. Nɛ okpasa wi 'bu wa bɔa ngɔ wa nalɛ, wa dungu ngɔ nɛ. Wa hi'da fɛa tulu, nɛ wa gu ndasa nwa zu wa, mɛ a ondasa mɔ mbali.

USU MƐNƆ 6:9

Nɛ 'do ki ni, nɛ Be Bata ɛ̃lɛ̃ mɔlɔ ndaka nu 'buki ni, nɛ mi nɛ ka mɔ dɛ ti gbagala kɛ wa hã dɔnggamɛnɔ hã Gale ngɔ nɛ ni, nɛ mi zɔ ohi wele. Mɛ a hi owinɔ wa gbɛa zi wa, we kɛ wa kɔ̃a gɛnɛ we nu Gale, nɛ wa bia ma hã winɔ ni.

USU MƐNƆ 7:3

“Nɛ tɛ 'dàngà nùi, do gba lìnɔ do tenɔ do ti gɔ. Nɛ 'bɔ́ hã lɛ gɔnɔ dã dati Owi dɛa tonɔ 'da Gale 'da lɛ do'do sɛ.”