USU MƐNƆ 20:3 - WE NU GALE 1995

³ Nɛ anzɛ da a kɔ gba 'du kɔ̃ɛ, nɛ a kpe nu a do fungula, nɛ a lɔ nu nɛ na, da dɛ kɔ a hɔ́ nza, kɔ a ɔlɔ owinɔ ngɔ nù gɛ gɔ, gbaa ndɔti nɛ a kɛ sabɛlɛ kote kpo ni ma we sɛ. Nɛ 'do nɛ, nɛ wa da sɛ kɔ̃ wa tɛ a we be kɔ̃ tũ sĩ.

USU MƐNƆ 20:3 Iomraidhean Croise

Zumanɔ 90:4

Sabɛlɛ koto kpo ma dùlù li mɔ gɔ, ma la ɔ nɛ tũ kpo iko ni, ma la dɔ̃ ɔ nɛ sa kpo ni.

DANIƐLƐ 6:17

Ma kɛ nwa ba nu a, nɛ wa ba Daniɛlɛ la do a, nɛ wa da a kɔ kɔ̃ɛ 'da ogbɔgbɔnɔ. Nɛ nwa tɔ̃ hã a na: “E kɔ Gale kɛ mɔ dɔnggɔ a do sila mɔ vɛ̃ ni, a kpasa mɔ!”

MATIE 24:24

We duzu kɛ ombe wele wa hɔ sɛ, nɛ wa dɛ ogã ɔngbamɔ do ogba sɔ̃ mɔ we ɔkɔlɔ winɔ na, lo a Mɛsiya, tabi lo a Owi gba olo nu Gale. Nɛ mbe gɔ, hã ma we, nɛ wa ɔlɔ sɛ winɔ kɛ Gale saka wa ni.

MATIE 27:66

Nɛ wa la do osodanɔ, nɛ wa hɔ nu zuni i, nɛ wa lɔ nu nɛ, nɛ wa la osodanɔ dɛ di ni we zɔ mɔ tɛ nɛ.

MARKO 4:15

Owinɔ kɛ wa ɔ nɛ li wala kɛ mbe kpalɛ ala tɛ nɛ ni, wi a wanɔ kɛ Dia Sakoe gbo zala wa nɛ́, nɛ Satana tɛ do ti, nɛ a fo ma kɔ sila wa do'do.

LUKA 8:31

Nɛ o'dã hi winɔ ni wa ala nu wa hã Yezu na, da dɛ kɔ a tómbó lo dɛ kɔ gba 'du kɔ̃ gɔ.

2 KORINTƐ 11:3

Nɛ mi do kili na, da dɛ kɔ hã zã 'da nɛ 'dángá, ɔ nɛ kɛ gɔ̃ɛ dɛa zɛ́ 'dã hã zã, nɛ a 'danga do hã zã 'da Eva ni gɔ, dɔ nɛ lá fala gã kɔ̃a zã 'da nɛ dɛ 'da Kristo gɔ.

2 PETRO 3:8

Nɛ nde nɛ, oyali ngba mi, mɛ kɛ ma wè na ta zu nɛ ele ngɔ ma gɔ ni, ma kɛ: Nwa zɔ tũ kpo ɔ nɛ sabɛlɛ koto kpo ni, nɛ a zɔ sabɛlɛ koto kpo ɔ nɛ tũ kpo ni.

USU MƐNƆ 12:9

Nɛ wa da wa dɛ nù nga. Gba sɔ̃ sa'de ni a ã gɔ̃ɛ zɛ́ belee, kɛ wa sa li a na Zabulu tabi Satana, nɛ a yɛnggɛ tɛ ɔlɔ winɔ ngɔ nù gɛ ni.

USU MƐNƆ 13:14

Nɛ a ɔlɔ owinɔ ngɔ nù gɛ do gba sɔ̃ mɛnɔ, kɛ wa hã wala hã a we dɛ ma dɛ li kuti sa'de sɔ ni. Nɛ a ba nu a hã winɔ na, wa dɛ hi sa'de kɛ wa dumu zi a do du kɔya na a fe, nɛ a fè gɔɛ ni, hã wa dɔnggɔ ma.

USU MƐNƆ 17:2

Onwanɔ nù gɛ, wa yɛnggɛ vĩ zu yɛli do a, nɛ owinɔ ngɔ nùi gɛ, wa dɛa mɔ sape do a gbaa, kɔ 'dã mɛ 'da a ba wa ɔ nɛ dɔ̃ ni.”

USU MƐNƆ 17:8

Sa'de kɛ mɔ zɔa a ni, a zi do tunu li a, kɔ ngangga ni a 'bɔ bina. Nɛ nde ma 'bana bi sĩ, nɛ a hɔ sɛ nza kɔ gba 'du kɔ̃ɛ, takɔ a la dɛ fala wa nɛ gbɛ do a ni. Nɛ winɔ ngɔ nù gɛ, kɛ 'da fala Gale ndua zɛ́ nyanga dɛ mɛnɔ, nɛ a kɔ̀mɔ̀ zɛ́ li wa kɔ 'Buku Kpasi gɔ ni, wa ɔngbɔ sɛ wena we zɔ sa'de ni, we kɛ a zi do tunu li a, kɔ ngangga ni a 'bɔ bina, nɛ a hɔ sɛ 'bɔ mbé nɛ ni.

USU MƐNƆ 20:1

Nɛ 'do ki ni, nɛ mi zɔ anzɛ li nza i tɛ zĩlĩ dɛ nù nga. A 'bia fungula nu gba 'du kɔ̃ɛ, do gba gbɛlɛ dɔkpɔ dɛ kɔ̃ a.