USU MƐNƆ 20:2 - WE NU GALE 1995

² Nɛ a ba gba sɔ̃ sa'de, ã gɔ̃ɛ zɛ́ belee kɛ li a a Zabulu tabi Satana ni, nɛ a ɛnzɛ a do dɔkpɛ, takɔ a ɔ do ma we sabɛlɛ koto kpo.

USU MƐNƆ 20:2 Iomraidhean Croise

Ndo Nyanga Dɛ Mɔ 3:1

Zɛ dati, gɔ nɛa ngɔ osa'denɔ vɛ kɛ NWA Gale dɛa wa zamɔ gɛ ni do 'dã hã. Nɛ mbe 'da fala kpo, nɛ gɔ aka wuke na: “Gale bɛ̃a na, nɛ tɛ nyɔ̀ngɔ̀ wala tenɔ kɔ fɔ gɛ gɔ gbãlã we nde?”

Ndo Nyanga Dɛ Mɔ 3:15

Mi fi sɛ sɛnɛmɔ sanga mɔ do wuko, sanga obe zã mɔ do obe zã a, nɛ obe zã a wa ma sɛ zu mɔ, nɛ mɔ nyɔngɔ sɛ tɛ mɛ 'bɔ timili nyanga wa.”

YƆBƆ 1:7

Nɛ NWA aka a na: “Mɔ yula do nde?” Nɛ Satana gese na: “Mi ngbala sɔ mbe nyanga mi dɛ ngɔ nù i we soko ma.”

Ezai 24:22

A mba sɛ li wa vɛ̃ dɛ kɔ gã kɔ̃ ɔ nɛ owi bɔlɔkɔ ni, nɛ wa hɔ́ sɛ 'bɔ nza gɔ gbaa we hɔ ngba soe kɛ a gɔnɔ sɛ do ngbangga 'da wa, nɛ a hã etumbu hã wa ni.

Ezai 27:1

Do ngba soe ni, NWA Gale a ba sɛ du kɔya 'da a, kɛ ma nganda wena, nɛ nu nɛ tɔ̃a wena ni. Nɛ a gbɛ sɛ gba sɔ̃ sa'de li a Leviatanɛ, do gba sɔ̃ gɔ̃ɛ kɛ a gu wena, do gba sɔ̃ sa'de kɛ a ɔ 'dɔ lì 'di ni.

EZEKIƐLƐ 47:5

Nɛ a we 'bɔ Sɔkpɔ nɛ mɛtrɛ kama mɔlɔ, nɛ nde mi wè tɛ kũ lì gɔ, we kɛ ma 'du wena. Ma hɔa gã fua lì, kɛ ma wia na, wele kanda ma, sɛ nɛ a hɔ nza de.

MATIE 19:29

Wi kɛ a la tɔa 'da a, do onya a, do baa a, do naa a, do obenɔ 'da a, do fɔnɔ 'da a we duzu mi, nɛ a kpa sɛ mbé mɔ fala kama nɛ ngɔ kɛ a zi do ma dati ni. Nɛ do 'do, nɛ a kpa sɛ kpasi kɛ ma é gɔ ni fai.

MATIE 8:29

Nɛ wa ma ngɔ he mɔ na: “Be 'da Gale, mɔ nɛ dɛ do lɛ nɛ nde? Mɔ tɛa we hã zɛlɛ tɛ hã lɛ dati a ngba soe 'bili we nde?”

MARKO 4:15

Owinɔ kɛ wa ɔ nɛ li wala kɛ mbe kpalɛ ala tɛ nɛ ni, wi a wanɔ kɛ Dia Sakoe gbo zala wa nɛ́, nɛ Satana tɛ do ti, nɛ a fo ma kɔ sila wa do'do.

MARKO 5:7

Nɛ a he mɔ do nga gɛlɛ na: “Yezu be 'da Gale, kɛ a nɛa ngɔ mɔ vɛ̃, mɔ nɛ dɛ do mi nɛ nde? Mi ala nu mi hã mɔ do zu li Gale na, mɔ tɛ ha zɛlɛ tɛ hã mi gɔ!”

YOANƐ 12:31

Ngangga ni, Gale nɛ 'bili we 'da winɔ ngɔ nù gɛ, nɛ a ndaka sɛ Satana, nwa ngɔ nùi gɛ do'do.

YOANƐ 16:11

Wa ĩ̀ ti gulu 'bili we 'da Gale gɔ, we kɛ Gale 'bili we 'da Satana, nwa ngɔ nùi gɛ ia.

ROMA 16:20

Gale, wele gɛa sila kɔlɔ fala gbɛ ngawi 'da Satana ia, nɛ a e sɛ a do ti nyanga nɛ. E kɔ dia zã 'da Nwa 'da lɛ Yezu ma 'bana do nɛ vɛ!

OHEBRE 2:14

Nɛ ɔ nɛ kɛ benɔ ni wa a Owi kili tɛ wi nù ni, ma kɛ Yezu hɔa zi tɛ 'bɔ wele nɛ́ wa ni, takɔ a fe, nɛ a nɛ ngɔ Satana kɛ a do ngawi we gbɛ winɔ ni.

1 PETRO 5:8

Li nɛ sɔ̃́, nɛ nɛ tɛ ɔ̀ yala gɔ! We duzu kɛ Satana, wi sɛnɛ nɛ, a yɛnggɛ tɛ fa wele we ba a, ɔ nɛ gbɔgbɔ kɛ a he mɔ, nɛ a yɛnggɛ tɛ fa nyɔngɔmɔ ni.

2 PETRO 2:4

Nɛ zɔ́, Gale dɛ̀ zi 'bako hã anzɛnɔ kɛ wa dɛa zɛ́ 'dã mɔ ni gɔ. A da zi wa kɔ gba 'du kɔ̃, nɛ wa 'bana kɔ tũ fala ni we 'bɔ 'da ngba soe kɛ a nɛ 'bili sɛ do we 'da winɔ ni.

YUDA 1:6

Nɛ lénggé anzɛnɔ, kɛ wa dɛ̀ zɛ́ yangga tonɔ Gale hã hã wa ni gɔ, nɛ wa la fala 'da wa do'do ni. Gale a wa kɔ gba tũ do ti nù, nɛ a ɛnzɛ wa do dɔkpɔ gbaa we 'bɔ 'da ngba soe 'bili ngbangga.

USU MƐNƆ 12:13

Kɔ 'da fala gba sɔ̃ sa'de nɛa we zɔ na, wa da ɛ dɛ nù nga ia ni, nɛ a ma ngɔ ndaka wuke kɛ a kua be ni.

USU MƐNƆ 12:15

Kɔ wuke ma ngɔ yu nɛ, nɛ gba sɔ̃ sa'de ɔ̃lɔ̃ gba fua lì gbɔngbɔɔ, nɛ a da ma 'dɔkɔlɔ wuke ni na, ma bindi a.

USU MƐNƆ 12:17

Gba sɔ̃ sa'de nɛa we zɔ ni, nɛ zã a nɔ̃lɔ̃ dɛ tɛ wuke wena. Nɛ a la, nɛ a nɛ we bi do tala obenɔ 'da wuke ni. Obenɔ ni, wi a owinɔ kɛ wa dɛ olo nu Gale, nɛ wa kɔ̃a gɛnɛ we 'da Gale, kɛ Yezu bia hã wa ni.

USU MƐNƆ 12:3

Nɛ mbe gele gba sɔ̃ mɔ hɔa 'bɔ li nza i. Mɛ a gba sɔ̃ sa'de, a gã wena, tɛ̃ a fila kpangbangba, nɛ zu a sambo, nɛ zamba zu a 'bu. Nɛ a gu ndasa nwa zu a sambo ni kpo kpo vɛ.

USU MƐNƆ 12:4

Do sa'de ni fua kpo mbee talɛ osɔlanɔ tɛ li nza i, nɛ ma ala dɛ nù nga. Nɛ a yolo dɛ dati wuke kɛ a bi zɛlɛ kula ni, takɔ a ko, nɛ a yɔ'dɔ be do ti.

USU MƐNƆ 12:9

Nɛ wa da wa dɛ nù nga. Gba sɔ̃ sa'de ni a ã gɔ̃ɛ zɛ́ belee, kɛ wa sa li a na Zabulu tabi Satana, nɛ a yɛnggɛ tɛ ɔlɔ winɔ ngɔ nù gɛ ni.

USU MƐNƆ 13:2

Sa'de ni wia kɔ̃ do gɔ̃̀, nɛ nyanga a ɔ nɛ nyanga ursi, nɛ nu a ɔ nɛ nu gbɔgbɔ ni. Nɛ gba sɔ̃ sa'de sɔ dati ni hã ngawi 'da a, do dɛa to nwa 'da a hã mbé sa'de ni.

USU MƐNƆ 13:4

Nɛ wa dɔnggɔ gba sɔ̃ sa'de sɔ dati ni, we kɛ a hã ngawi 'da a hã mbé wele ki ni ni. Nɛ wa dɔnggɔ 'bɔ mbé sa'de ni tɛ tɔ̃ na: “Wi wia kɔ̃ do sa'de gɛ a wio nde? Wi wia we bi bolo do a a wio nde?”

USU MƐNƆ 20:10

Nɛ wa ba Satana, kɛ a ɔlɔ wa ni, nɛ wa da a li gba nyɛa we, kɛ ma nyɛ gile gile ni. Mɛ a fala kɛ wa da zi 'bɔ do sa'de, do wi gba do nu Gale do bɛlɛ tɛ nɛ ni. I mɔ ni, wa zɔ sɛ ngamɔ tũ do gba wese kɔ sabɛlɛ do sabɛlɛ.

USU MƐNƆ 20:7

Kɔ 'da fala kɛ sabɛlɛ kote kpo ni ma e, nɛ wa ba sɛ wala hã Satana na, a hɔ nza kɔ gba 'du kɔ̃ɛ ni.

USU MƐNƆ 9:11

Nwa 'da wa boe, wi a anzɛ kɛ a fɔmɔ gba 'du kɔ̃ɛ, nɛ li a do Hebre a Abadoni, nɛ do Grɛkɛ a Apoloni. (Gulu nɛ na: “Wi 'danga mɔ.”)