USU MƐNƆ 2:9 - WE NU GALE 1995

⁹ Mi ĩ ti ngamɛ nɛ kpa ni, nɛ mi ĩ 'bɔ ti sã 'da nɛ. Nɛ nde nɛ ĩ́ na, nɛ a wi kpamɔ. Mi ĩ ti 'dã wenɔ kɛ ombe winɔ wa tɔ̃ do zu li nɛ ni. Wa na, lo a Oyuda, nɛ nde wa a Oyuda gɔ, wa a winɔ 'da Satana.

USU MƐNƆ 2:9 Iomraidhean Croise

MATIE 4:10

Nɛ Yezu gese hã a na: “Mɔ fó tɛ mɔ, Satana! Wa kɔma kɔ 'Buki na: ‘Mɔ dɔnggɔ sɛ Nwa Gale 'da mɔ, nɛ mɔ sambala tati a a zu a kpo.’ ”

LUKA 12:21

Nɛ Yezu tɔ̃ na: “Ma ɔ 'bɔ kpasaa na mɛ ni, we wi kɛ a ngɛmɛ okpamɛnɔ we a wele nɛ, nɛ nde a do kpamɔ li Gale bina ni.”

LUKA 22:65

Nɛ wa tɛ tɔ̃ ogele 'dã we hã a nɛ ge nde ni.

LUKA 4:18

“Hi Wi 'da Nwa Gale ngɔ mi boe, a saka mi na, mi be Dia Sakoe hã owi sãnɔ. A tumba mi na, mi tɔ̃ hã owi bɔlɔkɔ na, wa hɔa nza kɔ bɔlɔkɛ ia, nɛ mi hũi li owi lɔa linɔ na, wa zɔ mɔ, nɛ mi fo owinɔ kɛ ogele wele wa zɛlɛ tɛ wa ni ti kɔ̃ Owi zɛlɛ tɛ wa do'do.

LUKA 6:20

Nɛ Yezu ka mɔ tɛ Owi yambala mɛnɔ 'da a, nɛ a tɔ̃ hã wa na: “Aa nɛ, owi sãnɔ, nɛ a wi yangga, we kɛ nɛ sɛ a Owi kɔ le nwa 'da Gale!

YOANƐ 16:33

Mi tɔ̃a zi wenɔ ni hã nɛ, takɔ nɛ mba do mi kpo, hã sila nɛ gɛ̃. Nɛ kpa sɛ zɛlɛ tɛ ngɔ nù gɛ, nɛ nde nɛ ɔ́ do kpã sila! Mba gɔ, ngawi 'da mi nɛa ngɔ mɛnɔ nù gɛ vɛ̃ ia.”

Owi Nɛ Tonɔ 14:22

Nɛ wa nganda sila Owi Kristonɔ di ni ni na, wa 'bana tɛ kɔ̃ zu li Yezu do sila wa kpo. Nɛ wa tɔ̃ hã wa na: “Ma wia na, lɛ winɔ kɛ lɛ kɔ̃a zu li Yezu ni, lɛ kpa ngamɔ ngɔ nùi gɛ gbaa, ndɔti nɛ a kɛ lɛ le sɛ nɛ kɔ le 'da Gale i ni.”

Owi Nɛ Tonɔ 26:11

Mi nɛ zi kɔ tɔa mbulanɔ 'do ngbɛ ɛ do 'do ngbɛ ɛ, nɛ mi hã zi zɛlɛ tɛ hã wa, nɛ mi dɛ nganda wena na, wa kafa Yezu. Zã mi nɔ̃lɔ̃ zi dɛ tɛ wa wena, ma kɛ mi nɛ zi 'dɔkɔlɔ wa gbaa kɔ gele lenɔ, nɛ mi zɛlɛ tɛ wa.

ROMA 12:12

Nɛ dɛ́ yangga kɛ nɛ gbíní zã nɛ do Gale ni. Nɛ kúnú sila nɛ kɔ ngamɛnɔ kɛ nɛ kpa ma ni, nɛ nɛ sámbálá Gale 'da fala fai.

ROMA 2:17

Nɛ nde mɔ, kɛ mɔ a be Yuda, nɛ mɔ gbini zã mɔ do mbula 'da Mɔizɛ, nɛ mɔ dɔnggɔ tɛ mɔ do Gale 'da mɔ,

ROMA 5:3

Nɛ gɛnɛ kɔ lɛ kpa ngamɛnɔ, nɛ lɛ dɛ 'bɔ yangga, we duzu kɛ lɛ ĩ na, ngamɛnɔ ni ma hã kpã sila hã lɛ.

ROMA 8:35

Nɛ wi nɛ gɔnɔ sanga tɛ ngba lɛ do Kristo kɛ a kɔ̃a lɛ ni a wio nde? Mɛ tabi a ngamɔ, 'bako, zɛlɛ tɛ, wɔ, sã, fɛna fio, tabi fio nde? Mɔ kpo bina.

ROMA 9:6

Nɛ nde mi tɔ̃̀ na, mbulunɔ kɛ Gale kpua ma hã wa ni ma dɛa bɛlɛ gɔ. Mba gɔ, sanga obe zã Israɛlɛ vɛ́ ni, ombe wa a winɔ 'da Gale gɔ.

2 KORINTƐ 6:10

Lɛ ɔ li wa nɛ Owi 'bako ni, nɛ nde lɛ fai do yangga. Wa zɔ lɛ nɛ́ Owi sã ni, nɛ nde Owele wena wa hɔa wi kpamɔ li Gale we duzu lɛ. Ma ɔ nɛ kɛ fo mɔ mɔ́ lɛ bina ni, nɛ nde lɛ zɔ̀lɔ̀ mɔ kpo gɔ.

2 KORINTƐ 8:2

Onga mɔ kpi do kpi ma yamba zi sila winɔ 'da Gale i mɔ, nɛ nde wa zi do yangga wena fai. Gɛnɛ kɔ wa a Owi sã iko, nɛ nde wa hã zi mbili wena.

2 KORINTƐ 8:9

Mba gɔ, nɛ ĩ ti dia zã 'da Nwa Yezu Kristo, kɛ a a wi kpamɔ, nɛ a ba tɛ a nɛ́ wi sã we nɛ, takɔ sã 'da a dɛ na, nɛ hɔ Owi kpamɔ ni.

1 TƐSALONIKƐ 3:4

'Da fala lɛ 'bana zi sanga nɛ i ni, nɛ lɛ tɔ̃a zi hã nɛ belee na, lɛ zɔ sɛ ngamɔ. Nɛ ma dɛa tɛ̃ ɛ ɔ nɛ kɛ nɛ ĩ ni.

1 TIMOTE 1:13

Gɛnɛ kɔ mi tɔ̃a zi 'dã we tɛ Yezu, nɛ mi zɛlɛ tɛ̃ a, nɛ mi dã zu li a, nɛ nde Gale a ĩ 'bako hã mi, we kɛ mi tɛ kɔ̃̀ zi zu li Yezu gɔ, nɛ mi ĩ̀ zi 'bo ti gulu mɛnɔ mi dɛ ni gɔ.

1 TIMOTE 6:18

Mɔ dálá nu mɔ hã wa na, wa dɛ de mɔ, nɛ de dɛa mɛnɔ 'da wa dɛlɛ wena. Wa hã́ mɔ do de sila, nɛ wa kɛ sanga mɛnɔ 'da wa do ngba wa.

USU MƐNƆ 1:9

Wi a mi nya nɛ Yoanɛ, kɛ lɛ mba do nɛ kpo dɛ kɔ Yezu ni. Lɛ tɛ kpa zɛlɛ tɛ do nɛ, nɛ lɛ tɛ kunu sila lɛ, nɛ lɛ do nɛ a wele le nwa 'da Gale. Wa ba zi mi do bɔlɔkɔ, nɛ wa tumba mi dɛ kɔ ngolo lì Patmosi, we kɛ mi bia we nu Gale, kɛ Yezu Kristo tɔ̃a gulu nɛ hã lɛ ni.

USU MƐNƆ 2:13

Mi ĩ ti fala ɔi 'da nɛ. Nɛ ɔ kɔ le kɛ Satana dungu nwa ngɔ nɛ. Nɛ nɛ 'bana do kɔ̃a we dɛ 'da mi fai, nɛ kàfà mi gɔ. Gɛnɛ kɔ 'da fala wa gbɛa zi temɔɛ 'da mi Antipasi, kɛ a dɛ do nu mi fai ni, nɛ nɛ kàfà zi mi gɔ. Wa gbɛa zi a kɔ le 'da nɛ kɛ Satana dungu nwa ngɔ nɛ ni.

USU MƐNƆ 2:2

Mi ĩ ti dɛa mɔ tɛ nɛ vɛ, nɛ mi ĩ ti ngamɛ kɛ nɛ kpa ma, do tɛlɛ tɛ kɛ nɛ kunu do sila nɛ ni. Mi ĩ na, nɛ kɔ̃̀ na, o'dã winɔ wa 'bana dɛ sanga nɛ ni gɔ, nɛ nɛ yamba zi sila owinɔ kɛ wa tɔ̃ na, lo a owi nɛ tonɔ 'da Gale ni, nɛ nɛ kpa na, wa a wi 'bili bɛlɛ.

USU MƐNƆ 2:24

“Nɛ nde we nɛ, Owi Kristonɔ tɛ Tiatirɛ, kɛ nɛ kɔ̃̀ gɛnɛ 'dã bia we ni gɔ, nɛ nɛ ĩ̀ ti gulu mɛnɔ wa sa li nɛ na ‘'du gulu usu wenɔ 'da Satana’ gɔ ni, mi tɔ̃ hã nɛ na, mi é sɛ 'bɔ mbé tole dɛ ngɔ kɛ zu nɛ ni gɔ.

USU MƐNƆ 3:9

Kɔ nɛ zɔ́ mɛnɔ mi nɛ dɛ sɛ do gili winɔ 'da Satana, kɛ wa 'bili bɛlɛ, nɛ wa tɔ̃ na, lo a Oyuda, nɛ nde wa a Yuda gɔ ni. Mi ngbɔkɔ sɛ wa na, wa nɛ 'da nɛ i, nɛ wa gu gba zugolo dati nɛ, nɛ wa ĩ sɛ na, mi kɔ̃a gɛnɛ nɛ.

USU MƐNƆ 7:14

Nɛ mi gese hã a na: “Nwa 'daa, mɔ a mɔ ĩ ti wa!” Nɛ a tɔ̃ hã mi na: “Owinɔ kɛ wa kunu zɛlɛ tɛnɔ vɛ wa kpa zi ni, nɛ wa fɔlɔ tulunɔ 'da wa do tɔkɔ tɛ Be Bata, nɛ ma fɛnga gɛ, wa a ni.