USU MƐNƆ 2:7 - WE NU GALE 1995

⁷ “Wi kɛ zala a boe, nɛ a zélé wenɔ kɛ Hi Wi Santo tɔ̃ hã oeklezianɔ ni. Wi kɛ a kunu sila a kɔ ngamɛnɔ gbaa we hɔ ndɔti nɛ, nɛ mi hã sɛ wala hã a na, a nyɔngɔ wala te kɛ ma hã kpasi, nɛ ma kɔ fɔ Paradizo 'da Gale ni.”

USU MƐNƆ 2:7 Iomraidhean Croise

Ndo Nyanga Dɛ Mɔ 2:9

Nɛ Gale dɛa na, ote tɛ ɛ do tɛ ɛ ma hɔ di ni. Otenɔ ni ma de zi wena, nɛ owala nɛ ma ɛfɛ zi ndirr. Nɛ nde dɛ gbogbo fɔɛ ni, a mi te kɛ ma hã kpasi, nɛ a mi 'bɔ te kɛ ma hã hã zã we ĩ ti gɔnɔ sanga de mɔ do 'dã mɔ ni.

GBA WENƆ 11:30

Dia dɛa mɔ mɔ́ wi bɔlɔ zu, ma ɔ nɛ wala te kpasi ni. Do wala dia hã zã 'da a, nɛ Owele wa kɔ̃ gɛnɛ lɛnggɛ nu a.

GBA WENƆ 13:12

Mɔ e sila mɔ ngɔ mɔ, hã ma zɔlɔ, nɛ ma zɛlɛ sɛ mɔ wena. Nɛ nde mɛ kɛ mɔ e sila mɔ ngɔ nɛ, hã mɔ kpa ni, nɛ ma hã yangga hã mɔ wena.

GBA WENƆ 15:4

Lɛnggɛ dɛa na, ma hã kpasi hã wele. Nɛ nde wila we dã, ma 'bɔ sila wi 'bɔa.

GBA WENƆ 3:18

Wanɔ kɛ wa dɛ mɔ do hã zã ni, wa sɛ fai do kpasi, nɛ wa sɛ a owi yangga.

EZEKIƐLƐ 28:13

Mɔ ɔ zi tɛ Edɛnɛ, fɔɛ 'da mi Gale. Mɔ hi'da zi tulu kɛ wa gɛza ma do odia ta olo gã golenɔ gɛ: sardɔanɛ, topazɛ, yaspɛ, krizolitɛ, berilɛ, ɔniksi, lazulitɛ, ɛskarbukɛlɛ do emɛrɔdɛ. Mɔ hi'da zi omɔ 'dafa tɛ wi, kɛ wa dula ma do mɔ mbali. Wa dula zi ma do tũi mi Gale, mi dɛa do mɔ ni.

EZEKIƐLƐ 31:8

Gɛnɛ kɔ kɔ fɔɛ 'da mi Gale, nɛ nde te kɛ ma dia nɛ́ ki ni bina. Te siprɛ kɛ gbakɔ̃ nɛ dia wena ɔ nɛ ma ni bina, nɛ te platanɛ 'bɔ na mɛ ni bina.

MATIE 11:15

Wi kɛ zala a boe, nɛ a zélé!

MATIE 13:43

Nɛ wanɔ kɛ wa a wi bɔlɔ zu li Gale ni, wa sɛ kɔ le nwa 'da Baa wa Gale, nɛ wa to sɛ ɔ nɛ wese ni. Wi kɛ zala a boe, nɛ a zélé!

MATIE 13:9

Nɛ Yezu tɔ̃ hã wa na: “Wi kɛ zala a boe, nɛ a zélé!”

MARKO 4:9

Nɛ Yezu tɔ̃ hã wa na: “Wi kɛ zala a boe, nɛ a zélé!”

MARKO 7:15

mɔ kɛ wele nyɔngɔ, nɛ ma le dɛ kɔ zã a ni, ma wè tɛ 'danga kɔ sila a gɔ. Nɛ nde mɛ a linggamɔ kɔ zã wele kɛ ma hɔ do nu a ni, sɛ nɛ ma 'danga sila a de. [

MARKO 7:16

Kɔ mi tɔ̃ hã nɛ na, wi kɛ zala a boe, nɛ a zélé!”]

LUKA 23:43

Nɛ Yezu gese hã a na: “Mi tɔ̃ hã mɔ do gbãlã we na, sɔɛ gɛ, mɔ sɛ do mi tɛ kɔ Paradizo i.”

LUKA 8:8

Nɛ nde mbe gbãlã kpalɛ ala dɛ fala dia nù, nɛ ma gã, nɛ ma kua wala nɛ kama do kama.” Nɛ Yezu tɔ̃ hã wa na: “Wi kɛ zala a boe, nɛ a zélé!”

YOANƐ 16:33

Mi tɔ̃a zi wenɔ ni hã nɛ, takɔ nɛ mba do mi kpo, hã sila nɛ gɛ̃. Nɛ kpa sɛ zɛlɛ tɛ ngɔ nù gɛ, nɛ nde nɛ ɔ́ do kpã sila! Mba gɔ, ngawi 'da mi nɛa ngɔ mɛnɔ nù gɛ vɛ̃ ia.”

1 KORINTƐ 2:10

Ĩ na, Gale bia usu mɛ ni hã lɛ do wala 'da Hi Wi Santo. Mba gɔ, Hi Wi 'da Gale le kɔ mɛnɔ vɛ̃, nɛ a ĩ gulu nɛ, nɛ a ĩ 'bɔ ti mɛnɔ kɛ Gale usu dɛ kɔ sila ɛ ni.

2 KORINTƐ 12:4

Nɛ a zila owenɔ kɛ wa wè tɛ tɔ̃ ma do lɛnggɛ nu wi gɔ, nɛ wa hã̀ 'bɔ wala hã wele na, a tɔ̃ ma gɔ ni.

1 YOANƐ 2:13

Kɛ 'da nɛ, obaa mi, mi kɔma hã nɛ na, nɛ ĩ ti wi kɛ a zɛ́ boe fai, yolo do ndo nyanga mɛnɔ ni. Nɛ nɛ, zagbãlãnɔ, mi kɔma ma hã nɛ na, nɛ nɛa ngɔ Satana.

USU MƐNƆ 13:9

“Wi kɛ zala a boe, nɛ a zélé we gɛ do dia nɛ.

USU MƐNƆ 14:13

'Do ki ni, nɛ mi zele wala gɛlɛ wele li nza i tɛ tɔ̃ hã mi na: “Mɔ kɔ́mɔ́ na: Ngangga gɛ winɔ kɛ wa fia dɛ kɔ dɛa toe 'da Nwa ni, wa a owi yangga!” Nɛ Hi Wi Santo na: “Mɛ a ngbongbo we. Ngangga ni, wa wia tɛ ɔmɔ tɛ wa do nga dɛa toe wa dɛa zi ni, we duzu kɛ dia mɔ do dɛa toe 'da wa kpia dɛ 'dɔkɔlɔ wa.”

USU MƐNƆ 15:2

'Do nɛ, nɛ mi zɔa 'bɔ mɔ ɔ nɛ gba lì ni, ma ndele nɛ́ talatala, nɛ ma mba do nyɛa we. Nɛ mi zɔ 'bɔ winɔ kɛ wa nganda zi nɛa ngɔ sa'de, do hi sa'de, do wele kɛ li a bia tɛ̃ ɛ do motuya ni. Wa yula dɛ ngɔ gba lì kɛ ma ndele nɛ́ talatala ni, nɛ wa kala okundunɔ kɛ Gale hã zi hã wa ni,

USU MƐNƆ 2:11

“Wi kɛ zala a boe, nɛ a zélé wenɔ kɛ Hi Wi Santo tɔ̃ hã oeklezianɔ ni. Wi kɛ a kunu sila a kɔ ngamɛnɔ gbaa we hɔ ndɔti nɛ, nɛ a fé sɛ fio fala bɔa gɔ.”

USU MƐNƆ 2:17

“Wi kɛ zala a boe, nɛ a zélé wenɔ kɛ Hi Wi Santo tɔ̃ hã oeklezianɔ ni. Wi kɛ a kunu sila a kɔ ngamɛnɔ gbaa we hɔ ndɔti nɛ, nɛ mi hã sɛ mana kɛ ma usu tɛ̃ ɛ ni hã a na a nyɔngɔ. Nɛ mi hã sɛ 'bɔ fɛ̃a ta kɛ mi kɔma mbé li wele ngɔ nɛ ni hã a. Nɛ gele wele ĩ́ sɛ ti gulu li ni gɔ, tati a wi kpa ma iko.”

USU MƐNƆ 21:7

Wi kɛ a kunu sila a kɔ ngamɛnɔ gbaa we hɔ ndɔti nɛ, nɛ mi hã sɛ dia mɛ gɛ hã a: Mi sɛ a Gale 'da a, nɛ a sɛ a be 'da mi.

USU MƐNƆ 22:14

Winɔ kɛ wa fɔlɔ tulu tɛ wa, nɛ ma sa ni, wa a wi yangga. Wa le sɛ do nu ngbo gã le, nɛ wa nyɔngɔ sɛ wala te kɛ ma hã kpasi ni.

USU MƐNƆ 22:17

Hi Wi 'da Gale, do wuke kɛ Be Bata ba a ni, wa tɔ̃a na: “Mɔ tɛ́!” E kɔ wele kpo kpo kɛ a zele ma ni, a tɔ̃ tɛ mɛ 'bɔ na: “Mɔ tɛ́!” E kɔ wi kɛ wɔ lì ba a ba ni, a tɛ. Nɛ wi kɛ a kɔ̃a we nɔ lì kɛ ma hã kpasi ni, a tɛ́, nɛ a nɔ iko.

USU MƐNƆ 22:2

Nɛ ma tɛ fo vwɛɔ̃ɔ do gbogbo wala kɔ le ni. Tɛ kɛ zã nu lì bɔa nɛ, mɛ a te kɛ ma hã kpasi, nɛ ma wala fala 'bu ngɔ nɛ bɔa kɔ sabɛlɛ kpo ni. Kɔ zɛkɛ kpo, nɛ ma wala fala kpo. Nɛ onu kpala winɔ wa dɛ nwá nɛ do ina, nɛ wa kpasa do ma.