USU MƐNƆ 2:5 - WE NU GALE 1995

⁵ Kɔ nɛ lénggé do tɛlɛ tɛ kɛ kɔ̃a we 'da nɛ zi nɛ, nɛ ma dia nɛ ge nde ni, kɔ nɛ kífí sila nɛ, nɛ nɛ dɛ́ mɔ tɛ nɛ ɔ nɛ kɛ nɛ dɛ zi dati ni. Ní gɔ, nɛ mi tɛ sɛ, nɛ mi fo mɔ e do mwinda 'da nɛ tɛ fala ma nɛ ni do'do.

USU MƐNƆ 2:5 Iomraidhean Croise

Ezai 1:26

Mi tombo sɛ owi gɔnɔ we, do owi tɔ̃ mbula hã nɛ, nɛ zu wa sɛ a bɔlɔ ɔ nɛ zu wanɔ zi dati ni. Do fala ni, wa sa sɛ li le 'da nɛ na: ‘Le 'da owi bɔlɔ zu’ tabi ‘Le 'da Owi dɛ olo nu Gale’.”

Ezai 14:12

“Mɔ, nwa ngɔ nù Babilonia, mɔ to zi ɔ nɛ gbandolo ni, kɔ mɔ tia 'bɔ nù we ge nde? Mɔ kɛ mɔ bi zi ogele winɔ, nɛ mɔ nɛ ngɔ wa, mɔ tia wá nù kpaa ia.

EZEKIƐLƐ 20:43

Nɛ tɛ ngɔ nùi ni, nɛ lengge sɛ mɔ ngɔ ã dɛa to tɛ nɛ kɛ ma la zi ni, do tɛlɛ tɛ kɛ nɛ dɛa zi na, nɛ hɔ owi ndi li mi ni. Nɛ nɛ sɛnɛ sɛ kili tɛ nɛ wele nɛ, we duzu 'dã mɛnɔ vɛ̃ kɛ nɛ dɛa zi ni.

EZEKIƐLƐ 36:31

Na mɛ ni, nɛ tɛ nɛ ma gba sɛ ngɔ 'dã dɛa to tɛ nɛ, do 'dã mɛnɔ kɛ nɛ dɛa zi ni. Nɛ zu nɛ ma dĩlĩ sɛ do sape olo gã 'dã mɛnɔ nɛ dɛa zi ni.

OZE 14:1

“Mi Gale, mi hã sɛ etumbu hã owi Samaria, we kɛ wa dɛa nga zu dɛ tɛ mi. Owi sɛnɛ wa wa gbɛ sɛ wa li bolo, nɛ wa mbɔtɔ sanga obenɔ 'da wa, nɛ wa gba zã wi naa zãnɔ.”

OZE 9:10

NWA tɔ̃a na: “Kuti kɛ mi kpa zi nɛ, obe Israɛlɛ ni, ma dia zi ɔ nɛ mi kpa be ganza wala te vinɔ li go ni. Nɛ 'da fala kɛ mi zɔa zi oyaa nɛ ni, ma ɔ zi nɛ mi zɔa kuti wala te kɛ ma fila ngɔ te nɛ ni. Nɛ nde 'da fala oyaa nɛ wa nɛa we hɔ tɛ Bɛtɛ-Peɔrɛ ni, nɛ wa hã tɛ wa we dɔnggɔ gale Bala. Nɛ wa ngboo ni, wa dɛa mɔ sape ɔ nɛ galenɔ kɛ wa kɔ̃a gɛnɛ wa ni.

MALAKI 3:4

Nɛ NWA a kɔ̃ sɛ gɛnɛ dɔnggamɛnɔ 'da Oyuda do owi Yeruzalɛmɛ, ɔ nɛ kɛ a kɔ̃a zi gɛnɛ ma kɔ sabɛlɛnɔ zi dati ni.

MATIE 5:14

“Sanga owinɔ nù gɛ, nɛ ɔ nɛ mwinda ni. Le kɛ wa dɛa ma ngɔ kala ni, ma wè tɛ usu tɛ̃ ɛ gɔ.

MATIE 5:15

Wele tũ mwinda, nɛ nde a gú kpana zu nɛ gɔ. A e ma ngɔ mɔ e do mwinda, takɔ ma yele 'da winɔ kɔ tɔa ni vɛ̃.

MARKO 12:9

Nɛ Yezu aka wa na: “Kɔ wele fɔɛ a dɛ sɛ do Owi dɛ tonɔ ni nɛ nde? A tɛ sɛ, nɛ a gbɛ wa, nɛ a ba fɔɛ 'da a we hã ma hã ogele wi dɛa to.

LUKA 1:17

A dɛ sɛ toe 'da Gale do ngawi 'da Hi Wi Santo, ɔ nɛ kpo kɛ 'da Elia, wi gba olo nu Gale ni. A 'dafa sɛ sanga obaa be do benɔ 'da wa. Nɛ a dɛ sɛ na, Owi nga zu wa hɔ owi bɔlɔ zu. Nɛ a 'dafa sɛ sila Owele na, wa 'bɔ 'da Nwa we dɛ to hã a.”

LUKA 20:16

A tɛ sɛ, nɛ a gbɛ wa, nɛ a ba fɔɛ 'da a we hã ma hã ogele wi dɛa to.” Kɔ winɔ wa nɛa we zele ní, nɛ wa tɔ̃ na: “Gɔ! A tɛ dɛ̀ ní gɔ.”

GALATI 5:4

Nɛ, winɔ kɛ nɛ fa we dɛ mbula, takɔ nɛ hɔ owi bɔlɔ zu li Gale ni, nɛ gɔnɔ ngbala do Kristo ia, nɛ Gale wé sɛ 'bɔ we be dia zã 'da a hã nɛ gɔ.

FILIPƐ 2:15

Nɛ dúngú do sa sila, nɛ nɛ tɛ dɛ̀ mɔ kɛ wa wia we kɔ'dɔ nɛ we nɛ ni gɔ. Nɛ ɔ́ benɔ 'da Gale, nɛ 'dã mɔ tɛ ɔ̀ kɔ nɛ gɔ. Nɛ nɛ tó ɔ nɛ sɔla ni sanga winɔ nù gɛ, kɛ wa a owi 'dã hã, do Owi nga zu ni.

OHEBRE 10:32

Nɛ lénggé do tɛlɛ tɛ kɛ nɛ zi nɛ dati, 'da fala kɛ nɛ lia kɔ sa fala 'da Gale 'da kala gɔ ni. Nɛ kpa zi ngamɔ wena, nɛ nɛ kunu sila nɛ kɔ nɛ vɛ.

2 PETRO 3:17

Aa nɛ oyali ngba mi, wa mbisa nɛ ia. Kɔ we duzu ki ni, ma wia na, li nɛ sɔ̃́, da dɛ kɔ o'dã wi wa vĩ zũ nɛ, kɔ nɛ la fala kɔ̃a we kɛ nɛ do ma ni gɔ.

YUDA 1:24

Lɛ dɔ́nggɔ́ Gale, kɛ a do ngawi we zɔ mɔ tɛ nɛ na, dɔ nɛ té gɔ ni. A a wi kɛ a fo 'dã mɔ kɔ nɛ vɛ̃, nɛ a 'dafa nɛ na, nɛ we tɛ hɔ dati yele ngbala 'da a do yangga vɛ.

USU MƐNƆ 1:20

Mi nɛ be gulu usu we ngɔ osɔlanɔ sambo, kɛ mi 'bia do ngawili kɔ̃ mi gɛ, do omɔ a do mwindanɔ sambo gɛ hã mɔ. Sɔlanɔ sambo gɛ, ma be oanzɛnɔ kɛ wa zɔ mɔ tɛ oeklezianɔ kɔ lenɔ sambo ni. Nɛ omɔ a do mwindanɔ sambo gɛ, ma be oeklezianɔ sambo ni.”

USU MƐNƆ 16:9

Nɛ wese ma ngɔ to nganda wena, nɛ ma dɔa winɔ, nɛ winɔ wa ma ngɔ dã zu li Gale kɛ a do ngawi we tombo ngamɛnɔ ni. Gɛnɛ kɔ na mɛ ni, nɛ nde wa là fala 'dã mɛnɔ 'da wa we dɔnggɔ Gale gɔ.

USU MƐNƆ 2:16

Kɔ nɛ kífí sila nɛ, ní gɔ, nɛ mi nɛ sɛ i mɔ ngangga gɛ, we bi winɔ ni do kɔya nu mi ni.

USU MƐNƆ 2:19

Mi ĩ ti dɛa mɔ tɛ nɛ vɛ̃. Nɛ mi ĩ na, nɛ do kɔ̃a zã wena, nɛ nɛ 'bana do kɔ̃a we dɛ 'da mi. Nɛ mi ĩ ti tɛlɛ tɛ kɛ nɛ hã tɛ nɛ we dɛ to hã mi do kpã sila ni. Nɛ mi ĩ 'bɔ na, tonɔ nɛ dɛ ma ngangga gɛ, ma gã nɛa ngɔ kɛnɔ zi dati ni.

USU MƐNƆ 2:2

Mi ĩ ti dɛa mɔ tɛ nɛ vɛ, nɛ mi ĩ ti ngamɛ kɛ nɛ kpa ma, do tɛlɛ tɛ kɛ nɛ kunu do sila nɛ ni. Mi ĩ na, nɛ kɔ̃̀ na, o'dã winɔ wa 'bana dɛ sanga nɛ ni gɔ, nɛ nɛ yamba zi sila owinɔ kɛ wa tɔ̃ na, lo a owi nɛ tonɔ 'da Gale ni, nɛ nɛ kpa na, wa a wi 'bili bɛlɛ.

USU MƐNƆ 3:19

Mi dãlã dɛ tɛ winɔ kɛ mi kɔ̃a gɛnɛ wa ni, nɛ mi hã zɛlɛ tɛ hã wa. Kɔ nɛ, nɛ bé wɔ zã nɛ dɛ nza, nɛ nɛ kífí sila nɛ.