USU MƐNƆ 2:3 - WE NU GALE 1995

³ Nɛ ĩ ti kunu sila nɛ wena, nɛ kpa zɛla tɛ we duzu mi, nɛ nɛ mbɔ̀kɔ̀ gɔ.

USU MƐNƆ 2:3 Iomraidhean Croise

Zumanɔ 37:7

Mɔ mbɔ́kɔ́ sila mɔ dati NWA, nɛ mɔ 'bɔ 'da mɛ kɛ a nɛ dɛ ma ni. Gɛnɛ kɔ 'dã wele kpa de mɔ, tabi 'dã mɛnɔ kɛ a 'dafa hã a dɛ ma ni, ma Sɔkpɔ do dia nɛ, nɛ zã mɔ tɛ nɔ̃̀lɔ̃̀ dɛ tɛ̃ a gɔ.

Zumanɔ 69:7

NWA Gale 'da mɔ nyanga nza vɛ̃, mi kɔ̃̀ na mi hã sape hã owinɔ kɛ wa gbini zã wa do mɔ ni gɔ. Aa Gale 'da obe Israɛlɛ, mɔ tɛ là owi dɛ olo nu mɔ na, wa kpa sape we duzu mi gɔ.

Mike 7:9

Nɛ fala kɛ NWA o dã zu lɛ, nɛ lɛ kunu sila lɛ, we kɛ lɛ dɛa 'dã mɔ, nɛ lɛ zɛlɛ sila a. Nɛ nde mbe tũ kpo, nɛ a yolo sɛ 'do lɛ, nɛ a be sɛ dia gulu we 'da lɛ dɛ nza. A a sɛ lɛ tɛ sa fala, nɛ a dɛ sɛ de dɛa mɔ hã lɛ.

MARKO 15:21

Osodanɔ wa ma ngɔ la do Yezu, nɛ wa kpa mbe wele kpo, a yula safɔ, kɔ a si si, nɛ osodanɔ wa ngbɔkɔ a na, a ba tole finda te 'da Yezu. Li wi ni a Simɔ, wi Sirɛnɛ. A zi a baa Alɛkzandrɛ do Rifusi.

LUKA 14:27

Wi kɛ a bà tole finda te 'da a, kɔ a tɛ 'do mi gɔ, nɛ nde a wè wi 'da mi gɔ.

LUKA 18:1

'Do nɛ, nɛ Yezu tɔ̃ 'bɔ gba we gɛ hã Owi yambala mɛnɔ 'da a, we be hã wa na, wa wia tɛ sambala Gale fai, nɛ dɔ wa mbɔ́kɔ́ gɔ.

LUKA 21:19

Kɔ sila nɛ nɔ tɛ kɔ̃a we 'da nɛ, nɛ Gale a kpasa sɛ nɛ.

LUKA 5:5

Nɛ Simɔ gese hã a na: “Wi be mɔ, mɔ zɔ́, lɛ da zɛ gbanda gbaa nɛ fala sa lɛ dɛ ngɔ gɛ iko, nɛ nde lɛ kpà mɔ kpo gɔ. Kɔ ɔ nɛ kɛ mɔ tɔ̃a ní ni, mi da sɛ ma.”

LUKA 8:15

Nɛ owinɔ kɛ wa ɔ nɛ dia nùi kɛ kpalɛ ala ngɔ nɛ ni, wi a wanɔ kɛ wa zele Dia Sakoe, nɛ wa usu ma dɛ kɔ sila wa, nɛ ma ko dia wala te, we nɔa sila 'da wa ni.”

YOANƐ 15:21

Wa dɛ sɛ mɛnɔ ni vɛ̃ do nɛ, we kɛ nɛ a owinɔ 'da mi, nɛ wa ĩ̀ ti Wi tombo mi gɔ.

ROMA 12:12

Nɛ dɛ́ yangga kɛ nɛ gbíní zã nɛ do Gale ni. Nɛ kúnú sila nɛ kɔ ngamɛnɔ kɛ nɛ kpa ma ni, nɛ nɛ sámbálá Gale 'da fala fai.

ROMA 16:12

Nɛ fáná 'bɔ Trifɛnɛ do Trifɔzɛ, wi dɛa tonɔ 'da Nwa, do Pɛrsidɛ, kɛ a ngɔ sila mi, nɛ a hã zi tɛ a vɛ we dɛa toe 'da Nwa ni.

ROMA 2:7

A hã sɛ kpasi kɛ ma é gɔ ni hã wanɔ kɛ wa hã tɛ wa we dɛ toe 'da wa do dia nɛ, nɛ wa fa we kpa dɔ̃lɔ̃ li ngboo, do dĩ li Gale, do kpasi kɛ ma 'dángá gɔ ni.

ROMA 8:25

Nɛ nde lɛ, lɛ gbini zã lɛ do mɔ kɛ lɛ tɛ zɔ̀ ma gɔ ni, nɛ lɛ 'bɔ 'da ma do kpã sila ngboo.

1 KORINTƐ 13:7

Kɔ̃a zã dɛ na, wele kunu sila ɛ kɔ mɛnɔ vɛ́, nɛ a tɛ ɔ̀ do kafi kɔ sila a we ongba a gɔ, nɛ a gbini zã a do wa, nɛ a ɔ do du sila dɛ 'da wa.

1 KORINTƐ 16:16

nɛ zélé nu owinɔ wa ɔ ní ni, fala nɛ kpo do owinɔ vɛ kɛ wa hã tɛ wa we dɛ toe do wa ni.

2 KORINTƐ 10:15

Na mɛ ni, lɛ là ngɔ li ngbala toe 'da lɛ gɔ, nɛ lɛ dɔ̀nggɔ̀ tɛ lɛ do toe ogele winɔ wa dɛa gele fala ni gɔ. Nɛ nde lɛ gbini zã lɛ na, kɔ̃a we 'da nɛ gã dɛ dati, takɔ lɛ we tɛ dɛ 'bɔ gã to sanga nɛ nɛ ngɔ kɛ zi ni. Nɛ nde lɛ ku sɛ ngɔ li ngbala kɛ Gale ia ma hã lɛ ni gɔ.

2 KORINTƐ 11:23

Wa a wi dɛa tonɔ 'da Kristo, nɛ nde mi nɛ wele we ɔ nɛ wi bɔ ni na, mi nɛa ngɔ wa do ki ni. Mi dɛa to nɛa ngɔ wa, mi lia bɔlɔkɔ fala dɛlɛ wena, wa zɛa mi do zufa ndala, nɛ mi hɔa fɛna fio fala dɛlɛ wena. Mi kpa ngamɛnɔ ni vɛ́ nɛa ngɔ wa.

2 KORINTƐ 4:1

Ɔ nɛ kɛ Gale bia dia zã 'da a hã lɛ, nɛ a hã dɛa toe gɛ hã lɛ ni, lɛ wè tɛ mbɔkɔ nɛ gɔ.

2 KORINTƐ 4:16

We duzu ma, lɛ mbɔ́kɔ́ fala kpo gɔ. Mba gɔ, gɛnɛ kɔ kili tɛ lɛ tɛ 'danga nɛ gɛɔ do gɛɔ, nɛ nde sila lɛ tɛ nganda dɛ dati fai.

2 KORINTƐ 5:9

Nɛ nde linggamɛ 'da lɛ kpo na, gɛnɛ kɔ lɛ hɔ nza kɔ kili tɛ wi nùi gɛ we la dɛ 'da a i, tabi lɛ 'bana dɛ kɔ nɛ nde, nɛ lɛ dɛ tati a mɛ kɛ ma hã yangga hã a ni.

2 KORINTƐ 6:5

Wa zɛa zi lɛ, nɛ wa a lɛ bɔlɔkɔ, nɛ wa dãlã sila winɔ na, wa fi balia zu lɛ. Lɛ dɛa zi nganda dɛa to, nɛ mbe 'da fala kpo, nɛ lɛ ɔ̀ yala gɔ, nɛ lɛ nyɔ̀ngɔ̀ 'bɔ mɔ gɔ.

GALATI 6:2

Nɛ gálá ngba nɛ kɔ ngamɔ. Nɛ dɛ na mɛ ni, nɛ nde nɛ dɛa mbula 'da Kristo ia.

GALATI 6:9

Ní nɛ lɛ tɛ mbɔ̀kɔ̀ tɛ dɛ de mɔ gɔ. Mba gɔ, 'da fala kɛ lɛ mbɔ̀kɔ̀ gɔ, nɛ lɛ kpa sɛ si olo nɛ do li zɔlɔ nɛ.

FILIPƐ 2:16

Nɛ nɛ bé Dia Sakoe kɛ ma hã kpasi ni hã wa. Kɔ nɛ dɛ ni, nɛ mi dɔnggɔ sɛ tɛ mi do nɛ, do 'da fala kɛ Kristo a tɛ sɛ nɛ ni. Mba gɔ, ki ni ma be sɛ na, olo toe mi dɛa zi, do ngamɛnɔ mi zɔa zi ni, ma ɔ̀ yala iko gɔ.

FILIPƐ 4:3

Nɛ kɛ 'da mɔ, ngbongbo ngba mi wi dɛa toe, mi aka mɔ na, mɔ gálá wa, we kɛ wa dɛa zi to do mi we yɛ'bɛ Dia Sakoe, fala nɛ kpo do Klema, do tala ongba mi wi dɛa tonɔ, kɛ li wa vɛ̃ kɔ 'Buku Kpasi ni.

KƆLƆSƐ 1:11

Lɛ aka Gale na, a kpãlã sila nɛ do ngawi 'da a kɛ ma do dɔ̃lɔ̃ li wena ni, takɔ nɛ ɔ do nɔa sila, nɛ nɛ ĩ ti kunu sila nɛ kɔ ngamɛnɔ vɛ̃.

1 TƐSALONIKƐ 1:3

Ta zu lɛ 'bana ngɔ dɛa toe kɛ nɛ dɛ ma olo kɔ̃a we 'da nɛ, do tɛlɛ tɛ kɛ nɛ kɔ̃a ngba nɛ do sila nɛ kpo, nɛ nɛ gbini zã nɛ do Nwa 'da lɛ Yezu Kristo do nɔa sila ngboo ni, nɛ lɛ lengge ma dati Baa lɛ Gale 'da fala fai.

1 TƐSALONIKƐ 2:9

Onyae, nɛ ĩ ti tɛlɛ tɛ kɛ lɛ gbɛa zi do tɛ lɛ li dɛa toe ni. 'Da fala kɛ lɛ be zi Dia Sakoe 'da Gale hã nɛ ni, lɛ dɛ zi to tũ do gba wese na, dɔ lɛ ha dĩ tole hã wele kpo sanga nɛ gɔ.

1 TƐSALONIKƐ 5:12

Onyae, lɛ aka nɛ na, nɛ dɔ́nggɔ́ owinɔ sanga nɛ, kɛ Nwa ia wa na wa kpe ti nɛ, nɛ wa bɔlɔ nɛ ni.

2 TƐSALONIKƐ 3:13

Kɔ we duzu nɛ, onyae, nɛ tɛ mbɔ́kɔ́ tɛ dɛ de mɔ gɔ.

2 TƐSALONIKƐ 3:5

E kɔ Nwa 'dafa sila nɛ na, nɛ kpa kɔ̃a zã 'da Gale, nɛ sila nɛ nganda ɔ nɛ kɛ 'da Kristo ni.

2 TƐSALONIKƐ 3:8

Lɛ 'bɔ zi we nyɔngɔ mbɔkɔ mɔ mɔ́ wele iko gɔ, nɛ nde tũ do gba wese, lɛ gbɛa zi tɛ lɛ li dɛa to na, da dɛ kɔ lɛ hɔ́ dĩ tole we wele kpo sanga nɛ ni gɔ.

1 TIMOTE 4:10

Mɔ zɔ́ gulu kɛ lɛ bi nganda, nɛ lɛ gbɛ tɛ lɛ li dɛa toe gɛ a ni. Mba gɔ, lɛ gbini zã lɛ do Gale, wele kpasi, kɛ a hã kpasi hã owinɔ vɛ̃, nɛ nde dati ngboo hã wanɔ kɛ wa kɔ̃a zu li a ni.

1 TIMOTE 5:17

Ma wia na, owinɔ kɛ wa zɔ mɔ tɛ eklezia do dia nɛ ni, wa kpa mɔ olo toe 'da wa, nɛ ma dunu kɔ̃ wa. Nɛ wena a owanɔ kɛ wa gbɛ tɛ wa we tɔ̃ mbula do be we ni.

OHEBRE 10:36

Ma wia na, nɛ ɔ do du sila, takɔ nɛ we tɛ dɛ mɛ kɛ zã Gale kɔ̃a ni, nɛ nɛ kpa mɛ kɛ a kpua zɛ́ mbulu nɛ hã nɛ ni.

OHEBRE 12:1

Nɛ nde kɛ 'da lɛ, ɔ nɛ kɛ ogba gili wi kɔ̃a wenɔ wa linggi lɛ zĩ takpa ni, ma wia na, lɛ fo mɛnɔ vɛ kɛ ma kpe wala ti lɛ na, lɛ tɛ là dɛ dati gɔ ni do'do. Lɛ lá fala 'dã mɛnɔ kɛ ma ɛnzɛ lɛ, nɛ ma gbɔtɔ lɛ dɛ 'do ni, kɔ lɛ yú yui kɛ Gale wia hã lɛ ni do kpã sila.

OHEBRE 13:13

Ní a lɛ hɔ́ nza kɔ le, nɛ lɛ yɛ́lɛ́ dati a, kɔ lɛ kpa sape fala nɛ kpo do a.

OHEBRE 6:10

Gale a wi bɔlɔ zu, nɛ ta zu a élé sɛ ngɔ de dɛa mɛnɔ 'da nɛ, do kɔ̃a zã nɛ kɔ̃a do a ni gɔ. We kɛ a zɔa tɛlɛ tɛ kɛ nɛ gala zi onya nɛ wi kɔ̃a wenɔ, nɛ nɛ 'bana tɛ gala wa tia do sɔɛ gɛ ni.

OHEBRE 6:12

Lɛ kɔ̃̀ na, nɛ mbɔkɔ hã nɛ la fala nɛ gɔ. Nɛ nde nɛ dɛ mɔ tɛ nɛ ɔ nɛ kɛ 'da winɔ wa kɔ̃ zu li Gale, nɛ wa kunu sila wa gbaa, nɛ wa kpa mɛnɔ kɛ Gale kpua zi mbulu nɛ hã wa ni.

OHEBRE 6:15

Nɛ Abrahama 'bɔa zi 'da mbuli ni do du sila, nɛ a kpa mɛ kɛ Gale tɔ̃a zi nɛ hã a ni.

2 PETRO 1:6

nɛ ĩ ti mɛ 'da nɛ mba do zimi tɛ nɛ. Kɔ nɛ ma ngɔ zimi tɛ nɛ, nɛ nɛ kúnú sila nɛ. Nɛ nɛ mba kunu sila nɛ do ba tɛ nɛ hã Gale.

USU MƐNƆ 1:9

Wi a mi nya nɛ Yoanɛ, kɛ lɛ mba do nɛ kpo dɛ kɔ Yezu ni. Lɛ tɛ kpa zɛlɛ tɛ do nɛ, nɛ lɛ tɛ kunu sila lɛ, nɛ lɛ do nɛ a wele le nwa 'da Gale. Wa ba zi mi do bɔlɔkɔ, nɛ wa tumba mi dɛ kɔ ngolo lì Patmosi, we kɛ mi bia we nu Gale, kɛ Yezu Kristo tɔ̃a gulu nɛ hã lɛ ni.

USU MƐNƆ 3:10

Kɔ we duzu kɛ nɛ dɛa olo nu mi, nɛ nɛ kunu sila nɛ ni, mi fɔmɔ sɛ tɛ mɛ 'bɔ nɛ 'da fala ngamɛnɔ ma kpa sɛ winɔ ngɔ nùi gɛ vɛ̃, we yamba sila wa ni.