USU MƐNƆ 2:25 - WE NU GALE 1995

²⁵ Nɛ nde sila nɛ nɔ́ dɛ tɛ mɛnɔ nɛ yambala ni, gbaa we 'bɔ do 'da hɔa 'da mi.

USU MƐNƆ 2:25 Iomraidhean Croise

YOANƐ 14:3

Kɔ mi nɛ, hã mi 'dafa fala hã nɛ do'do, nɛ mi kpolo sɛ 'bɔ tɛ mi, we kala nɛ si do nɛ dɛ fala mi do ma ni, takɔ nɛ ɔ tɛ mɛ 'bɔ dɛ di ni.

Owi Nɛ Tonɔ 11:28

Nɛ Hi Wi Santo fí li mbe kpo sanga wa ni, li a a Agabusi, nɛ a kulu ngɔ, nɛ a tɔ̃ na: “Gba wɔ ma te sɛ ngɔ nùi vɛ.” (Nɛ gba wɛ ni, ma tia zi do 'da fala Klodɛ zi a gã nwa ni.)

ROMA 12:9

Ma wia na, nɛ kɔ̃ gɛnɛ ngba nɛ do sila nɛ kpo. Nɛ sɛ́nɛ́ dɛ 'dã mɔ, nɛ nɛ kɔ̃́ gɛnɛ dɛ dia mɔ.

1 KORINTƐ 11:26

Ma kɛ 'da falanɔ vɛ̃ kɛ nɛ nyɔngɔ sɛ mapa, nɛ nɛ nɔ bila dɔ̃ɛ gɛ ni, nɛ nde nɛ tɛ tɔ̃ to fie 'da Nwa Yezu. Nɛ dɛ sɛ ni fai gbaa we 'bɔ 'da ngba soe a tɛ sɛ 'bɔ nɛ ni.

1 KORINTƐ 4:5

Kɔ we duzu ma, nɛ tɛ 'bìlì we 'da ongba nɛ dati gɔ, nɛ 'bɔ́ 'da ngba soe kɛ Nwa a hɔ sɛ nɛ ni. Kɔ a hɔ, nɛ a be sɛ mɛnɔ kɛ ma usu tɛ ɛ ti tũi ni vɛ dɛ wila fala, nɛ a be sɛ usu linggamɔ kɔ sila winɔ vɛ́ dɛ nza. Na mɛ ni, nɛ wele do wele a kpa sɛ dɔngga wi kɔ̃ Gale, ɔ nɛ kɛ ma wia do a ni.

1 TƐSALONIKƐ 5:21

Nɛ nde nɛ yámbá wenɔ ni vɛ̃, nɛ nɛ saka dia kɛ, nɛ nɛ kɔ̃ gɛnɛ nɛ,

OHEBRE 10:23

Lɛ tɛ mbɔ̀kɔ̀ gɔ, lɛ gbíní zã lɛ do mbuli 'da Gale kɛ lɛ kɔ̃a gɛnɛ nɛ ni, we kɛ lɛ ĩ na, Gale kɛ a kpua mbuli do lɛ gɛ, a dɛ sɛ olo nu a.

OHEBRE 3:6

Nɛ nde Yezu Kristo a Be 'da Gale, kɛ Gale ia a ngɔ winɔ 'da a vɛ ni, nɛ Yezu dɛa toe 'dɛ ɛ do wala olo nɛ. Owinɔ 'da Gale ni wi a lɛ. Kɔ ma wia na, lɛ ɔ do kpã sila, nɛ lɛ 'bana tɛ gbini zã lɛ do mɛnɔ kɛ lɛ a linggamɛnɔ 'da lɛ na, a dɛ sɛ hã lɛ ni.

OHEBRE 4:14

Ma wia na, sila lɛ nɔ tɛ kɔ̃a we 'da lɛ. Mba gɔ, lɛ do gã nwa nganga boe, wi a Yezu Be 'da Gale, kɛ a nɛa gbaa, nɛ a lia li nza 'da Gale i ni.

2 PETRO 3:10

Nɛ nde tũ kɛ Nwa nɛ tɛ sɛ nɛ ni, ma gbanga sɛ nɛ ɔ nɛ wi zũ ni. Do ngba soe ni, nɛ giti li nza ma dɔ̃lɔ̃ sɛ nganda wena, nɛ ma bisi. Nɛ omɛnɔ li nza i ni ma ngutu sɛ vɛ̃, nɛ nùi do mɛnɔ ngɔ nɛ vɛ ma 'danga sɛ.

USU MƐNƆ 1:7

Nɛ ĩ́ na, a a sanga kutunɔ tɛ tɛ nɛ, nɛ winɔ vɛ wa zɔ sɛ a. Gɛnɛ kɔ wanɔ kɛ wa dumu zi gbãlã ngu'du a ni, wa zɔ sɛ 'bɔ a. Nɛ owinɔ ngɔ nù gɛ vɛ, wa he sɛ kɔ̃a we a. Ma ɔ sɛ na mɛ ni! Amɛ.

USU MƐNƆ 22:20

Wi kɛ a bia ngbongbo wenɔ gɛ vɛ ni, a tɔ̃a na: “Gbãlã we, mi kɔla hɔ nɛ ia!” E kɔ ma ɔ na mɛ ni! Nwa Yezu, mɔ tɛ́!

USU MƐNƆ 22:7

Nɛ Yezu tɔ̃ na: “Mɔ zélé! Mi kɔla hɔ nɛ ia! Nɛ winɔ kɛ wa kɔ̃a gɛnɛ wenɔ kɛ Gale bia ma kɔ 'buki gɛ ni, wa sɛ a wi yangga.”

USU MƐNƆ 3:11

Mi kɔlɔ fala tɛ nɛ ia. Kɔ sila nɛ nɔ́ dɛ tɛ wenɔ nɛ yambala ni, dɔ wele bá mɔ do kɔ̃a we 'da nɛ kɔ̃ nɛ gɔ.

USU MƐNƆ 3:3

Kɔ ta zu nɛ gbá ngɔ wenɔ kɛ wa bia zi ma hã nɛ, nɛ nɛ kɔ̃a gɛnɛ nɛ ni. Nɛ dɛ́ mbula nɛ, nɛ nɛ kífí sila nɛ. Nɛ dɛ̀ ní gɔ, nɛ mi gbanga sɛ nɛ ɔ nɛ wi zũ ni, nɛ nɛ ĩ́ sɛ ti ngba soe mi nɛ hɔ nɛ ni gɔ.