USU MƐNƆ 2:23 - WE NU GALE 1995

²³ Dɛ ngɔ nɛ, mi gbɛ sɛ 'bɔ owinɔ wa nɛ 'dɔkɔlɔ a ni. Na mɛ ni, nɛ eklezianɔ vɛ̃ wa ĩ sɛ na, mi a wi kɛ mi zɔ kɔ sila wele, nɛ mi ĩ ti linggamɔ zu a. Nɛ mi gese sɛ do dɛa toe 'da wele do wele hã a, nɛ ma we do toe a dɛa ni.

USU MƐNƆ 2:23 Iomraidhean Croise

1 Sakonɔ 17:18

mbé we kɛ mi nɛ tɔ̃ 'bɔ ngɔ dɔ̃lɔ̃ li kɛ mɔ hã ma hã mi gɛ ni a ge nde? Mɔ ĩ ti mi, wi dɛa toe 'da mɔ.

1 Sakonɔ 28:9

Nɛ 'do ki ni, nɛ a tɔ̃ hã Salɔmɔ na: “Salɔmɔ be 'daa, ma wia na, mɔ ĩ ti Gale kɛ mi dɛa toe hã a ni. Nɛ mɔ dɔnggɔ a do sila mɔ kpo, do hi wi 'da mɔ vɛ̃. Mba gɔ, NWA zɔ mɔ gbaa kɔ sila wele, nɛ a ĩ ti linggamɔ zã wele. Mɔ fa a, nɛ mɔ kpa sɛ a. Kɔ mɔ bɛ̃ gɛnɛ a, nɛ a da sɛ kɔ̃ a tɛ mɔ fai.

1 Sakonɔ 29:17

“Aa Gale 'daa, mi ĩ na, mɔ ĩ ti linggamɔ zã Owele kɛ ma usu tɛ̃ ɛ usu ni, nɛ mɔ kɔ̃a gɛnɛ bɔlɔ zu dɛa mɔ. Kɔ mi hã okpamɛnɔ 'da mi gɛ hã mɔ do dia sila. Sɔɛ gɛ, mi zɔa owinɔ 'da mɔ, wa mba li ngba wa do yangga we hã mɔ hã mɔ.

2 Sakonɔ 6:30

nɛ ma wia na, mɔ NWA, kɛ mɔ dungu li nza i ni, mɔ zele wa. Nɛ mɔ fo ku'da 'dã mɛ ni zu wa. Nɛ mɔ gala wele do wele do tɛlɛ tɛ dɛa to tɛ̃ a, do 'da kɛ mɔ ĩ ti kɔ sila a ni. Mba gɔ, mɔ zu mɔ kpo, mɔ ĩ ti kɔ sila winɔ vɛ̃.

YƆBƆ 24:23

O'dã winɔ wa lengge na mɔ dɛ́ sɛ lo gɔ, nɛ nde Gale a soko dɛa mɔ tɛ wa ni.

Zumanɔ 139:1

Zuma 'da Davidi Aa NWA, mɔ suka go'do zã mi, nɛ mɔ ĩ ti mi de wena.

Zumanɔ 26:2

Aa NWA, mɔ yámbá sila mi, nɛ mɔ fa we ĩ ti kɔ sila mi do linggamɔ zu mi.

Zumanɔ 44:21

Ɔ do kɛ lɛ bɛ̃ sɔ gɛnɛ mɔ, Gale 'da lɛ, kɔ lɛ sambala sɔ ogele gale,

Zumanɔ 62:12

Gale, mɔ tɔ̃a we kpo, nɛ ma lia zala mi fala bɔa na: Ngawi ma yolo kɔ̃ mɔ Gale,

Zumanɔ 7:9

NWA, mɔ a mɔ 'bili we 'da owinɔ, mɔ gbɛ́ dia we hã mi, we kɛ mi dɛ̃ 'dã mɔ gɔ.

Yeremi 11:20

Ma kɛ mi sambala na: “Aa NWA ngɔ mɔ nyanga nza vɛ̃, mɔ a wi gɔnɔ we do bɔlɔ nɛ, nɛ mɔ ĩ ti kɔ sila winɔ, do linggamɛnɔ 'da wa. Mi ia kili tɛ mi dɛ tambala kɔ̃ mɔ, nɛ mi 'bɔ we zɔ tɛlɛ tɛ kɛ mɔ nɛ bili do nu gbã hã owinɔ gɛ ni.”

Yeremi 17:10

Nɛ nde mi NWA, mi zɔ kɔ sila winɔ zɔa, nɛ mi ĩ ti linggamɛnɔ 'da wa. Mi ĩ ti dungu 'da winɔ vɛ̃, nɛ mi si olo dɛa mɔ tɛ wele do wele hã a.”

Yeremi 20:12

Mɔ, NWA ngɔ mɔ nyanga nza vɛ̃, mɔ ĩ ti wi kɛ a élé dɛ olo nu mɔ gɔ ni, nɛ mɔ ĩ ti kɔ sila a. Mi gbini zã mi do mɔ, nɛ mi lengge na, mi zɔ sɛ tɛlɛ tɛ kɛ mɔ nɛ bili do nu gbã hã Owi sɛnɛ mi ni.

SOFONI 1:11

Aa nɛ owinɔ kɛ nɛ ɔ ti nyanga kala le Yeruzalɛmɛ gɛ, nɛ zɛ nu nɛ, we kɛ Owi be golenɔ vɛ̃ wa mbiti sɛ.

MATIE 16:27

Mi Be 'da Wele, mi tɛ sɛ do dɔ̃lɔ̃ li 'da Baa mi, fala nɛ kpo do oanzɛnɔ. Nɛ mi futa sɛ wele do wele we do dɛa mɔ tɛ̃ a.

LUKA 16:15

Nɛ Yezu tɔ̃ hã wa na: “Nɛ be tɛ nɛ na, owinɔ wa zɔ nɛ ɔ nɛ odia wele, nɛ nde Gale ĩ ti kɔ sila nɛ. We kɛ mɛ Owele wa zɔ ma li wa ɔ nɛ dia mɔ ni, nɛ nde Gale zɔ li ɛ na, mɛ a mɔ gbɔlɔ mɔmu iko.

YOANƐ 21:17

Nɛ 'do nɛ, nɛ a aka 'bɔ fala talɛ kɛ na: “Simɔ, be 'da Yoanɛ, mɔ kɔ̃a gɛnɛ mi nde?” Nɛ 'bako ba li Petro wena, we kɛ Yezu aka a fala talɛ na: “Mɔ kɔ̃a gɛnɛ mi nde” ni. Nɛ Petro gese hã a na: “Nwa, mɔ ĩ ti mɛnɔ vɛ̃, mɔ ĩ na, mi kɔ̃a gɛnɛ mɔ.” Nɛ Yezu tɔ̃ hã a na: “Mɔ fɔ́mɔ́ winɔ 'da mi.

YOANƐ 4:16

Nɛ Yezu tɔ̃ hã a na: “Mɔ nɛ́, kɔ mɔ kpa wili mɔ tɛ do a.”

Owi Nɛ Tonɔ 1:24

Nɛ wa vɛ̃ wa sambala Gale na: “Nwa, wi ĩ ti 'du kɔ sila wele vɛ̃, wi a mɔ. Kɔ mɔ bé kɔ̃ mɔ tɛ wi kɛ mɔ saka a sanga winɔ bɔa gɛ ni hã lɛ,

ROMA 14:12

Na mɛ ni, wele do wele a hɔ sɛ dati Gale, nɛ a tɔ̃ sɛ gulu we 'da a.

ROMA 8:27

Nɛ Gale kɛ a ĩ ti linggamɔ zã wele vɛ ni, a ĩ ti mɛ kɛ Hi Wi kɔ̃a we aka a we nɛ ni. Mba gɔ, Hi Wi aka Gale we duzu Owi kɔ̃a wenɔ ɔ nɛ kɛ zã Gale kɔ̃a ni.

2 KORINTƐ 5:10

Mba gɔ, ma wia na, lɛ vɛ́ lɛ yolo dati a, takɔ a 'bili we 'da lɛ. Nɛ wele do wele a kpa sɛ dia mɔ, tabi 'dã mɔ olo mɛnɔ a dɛa ma li dungu nza 'da a ngɔ nù gɛ ni.

GALATI 6:5

Mba gɔ, wele do wele do toe kɛ Gale hã ma hã a ni boe.

Mbulanɔ 13:11

Nɛ lo a do tanɔ gbaa, nɛ a fe, we kɛ a fa na, nɛ siki 'do nɛ hã NWA Gale, kɛ a fua nɛ kɔ ngbá ti kɔ̃ Oezipeto ni.

Mbulanɔ 17:13

Na mɛ ni, nɛ winɔ vɛ̃ wa zele sɛ we mɛ ma la ni, nɛ wa dɛ kili. Nɛ wele kpo yámbá sɛ we dɛ tɛlɛ tɛ wali ɔ na mɛ ni gɔ.

Mbulanɔ 19:20

Nɛ ogele winɔ wa zele sɛ we mɛ ma la ni, nɛ wa dɛ kili. Nɛ wa wé sɛ we dɛ tɛlɛ tɛ 'dã mɛ ni gɔ.

Mbulanɔ 21:21

'Do nɛ, nɛ owinɔ kɔ le ni, wa lo sɛ a do ta, nɛ wa gbɛ a. Nɛ dɛ na mɛ ni, nɛ nɛ fo sɛ 'dã mɔ sanga nɛ do'do. Nɛ obe Israɛlɛ vɛ̃, wa zele sɛ we nɛ, nɛ kili ba wa.

OHEBRE 4:13

Mɔ kɛ ma usu tɛ ɛ li Gale ni bina. Mɛnɔ vɛ́ kɛ Gale dɛa ma ni, ma ɔ li a dɛ tɛ wila fala iko. A a wi kɛ lɛ tɔ̃ sɛ gulu mɛnɔ vɛ lɛ dɛa ni hã a.

1 PETRO 1:17

Fala kɛ nɛ sambala, nɛ nɛ sa li Gale na, Baa nɛ. Gale a zɔ́ bula li wi gɔ, nɛ nde a 'bili we 'da wele do wele we do 'da mɛnɔ a dɛ ni. Na mɛ ni, ma wia na, 'da fala kɛ nɛ 'bana ngɔ nù gɛ ni, nɛ dɔnggɔ a do dia dɛa mɔ tɛ nɛ.

USU MƐNƆ 2:11

“Wi kɛ zala a boe, nɛ a zélé wenɔ kɛ Hi Wi Santo tɔ̃ hã oeklezianɔ ni. Wi kɛ a kunu sila a kɔ ngamɛnɔ gbaa we hɔ ndɔti nɛ, nɛ a fé sɛ fio fala bɔa gɔ.”

USU MƐNƆ 2:7

“Wi kɛ zala a boe, nɛ a zélé wenɔ kɛ Hi Wi Santo tɔ̃ hã oeklezianɔ ni. Wi kɛ a kunu sila a kɔ ngamɛnɔ gbaa we hɔ ndɔti nɛ, nɛ mi hã sɛ wala hã a na, a nyɔngɔ wala te kɛ ma hã kpasi, nɛ ma kɔ fɔ Paradizo 'da Gale ni.”

USU MƐNƆ 20:12

Nɛ mi zɔa ofionɔ vɛ, ogã winɔ do obe winɔ, nɛ nde wa yula dɛ dati kpongbo nwa ni. Nɛ mi zɔ 'bɔ ohũi li 'buku dɛ di ni. Nɛ wa hũi 'bɔ mbé gele 'buku kpo, kɛ Gale kɔma li owinɔ kɛ wa do kpasi kɛ ma é sɛ gɔ ni kɔ nɛ ni. Nɛ Gale 'bili we 'da ofionɔ vɛ, wele do wele do 'da dɛa tonɔ a dɛa zi ma, nɛ wa kɔma ma kɔ 'bukunɔ ni.

USU MƐNƆ 20:13

Nɛ gba lì gisa owinɔ vɛ kɛ wa fia zɛ́ 'dɔ nɛ ni, nɛ fio do le 'da ofionɔ, wa gisa 'bɔ owinɔ wa fia zɛ́ ni. Nɛ Gale 'bili we 'da wa vɛ, wele do wele do 'da dɛa tonɔ a dɛa zi ni.

USU MƐNƆ 22:12

Nɛ Yezu tɔ̃ na: “Mɔ zélé! Mi kɔla hɔ nɛ ia! Nɛ mi tɛ sɛ we hã si olo dɛa toe kɛ wele do wele dɛa ma ni hã a.

USU MƐNƆ 6:8

Nɛ mi nɛ ka mɔ, nɛ mi zɔ mbalata, tɛ̃ a ɔ tuu nɛ zɛ̃ we ni. Nɛ wi kũ ngɔ a li a a Fio. Nɛ Le 'da ofionɔ tɛ tɛ 'dɔkɔlɔ a. Nɛ wa hã ngawi hã wa na, wa yɛnggɛ ngɔ kpo mbee nalɛ nùi gɛ, nɛ wa gbɛ winɔ do du kɔya, tabi do gba wɔ, tabi do zɛlɛ, tabi do wala 'da odã sa'de.

1 SAMUƐLƐ 16:7

Nɛ nwa tɔ̃ hã a na: “Mɔ tɛ zɔ̀ ngala a do dia kili tɛ̃ a, kɔ ma ɔlɔ mɔ gɔ, we kɛ mi bɛ̃a gɛnɛ a. Mi NWA, mi zɔ́ mɔ ɔ nɛ kɛ Owele wa zɔ ni gɔ. Wele zɔ a mɔ kɛ ma be tɛ̃ ɛ dɛ nza ni, nɛ nde mi, mi zɔ kɔ sila wele.”