USU MƐNƆ 2:18 - WE NU GALE 1995

¹⁸ Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Tiatirɛ ni na: “Mi Be 'da Gale, kɛ gbali mi nyɛ nɛ́ we, nɛ nyanga mi ndele kpala kpala nɛ́ tũ mɔ bolo, kɛ wa lɔa tɛ nɛ lɔa ni, mi tɔ̃a na:

USU MƐNƆ 2:18 Iomraidhean Croise

Zumanɔ 2:7

Nwa ni tɔ́a na: “Nɛ zélé wenɔ kɛ NWA Gale wila hã mi gɛ! A na: ‘Yolo do sɔɛ gɛ, mi hɔa baa mɔ, nɛ mɔ a bulu be 'da mi.

DANIƐLƐ 10:6

Tɛ̃ a de wena ɔ nɛ dia ta olo gã gole ni. Bula li a yele ɔ nɛ nyɛa kolo, nɛ gbali a sala ɔ nɛ nyɛa we ni. O'baka a do onyanga a ndele kpala kpala ɔ nɛ tũ mɔ bolo, kɛ wa lɔa tɛ nɛ lɔa ni. A wele we, nɛ ma wele ɔ nɛ gɛlɛ ogba gili wele ni.

MATIE 17:5

Kɔ a 'bana tɛ tɔ̃ we ni, nɛ gba fɛ̃a kutu tɛa, nɛ ma lɔ'ba wa, nɛ wala gɛlɛ wele wila dɛ kɔ kuti ni na: “Wele kɛ gɛ a Be 'da mi, kɛ a ngɔ sila mi, nɛ mi do yangga wena we a. Nɛ zélé a!”

MATIE 27:54

Kɔ gã wi ngɔ osoda Roma, do osodanɔ 'da a kɛ wa zɔ mɔ tɛ Yezu ni, wa nɛa we zɔ kɛ nùi tana, do omɛnɔ vɛ̃ ma dɛa tɛ̃ ɛ ni, nɛ kili ba wa wena, nɛ wa ma ngɔ tɔ̃ na: “Gbãlã we, wi gɛ a Be 'da Gale ngboo!”

MATIE 3:17

Nɛ wala gɛlɛ wele wila li nza i na: “Wele kɛ gɛ a Be 'da mi, kɛ a ngɔ sila mi, nɛ mi do yangga wena we a.”

LUKA 1:35

Nɛ anzɛ gese na: “Hi Wi Santo a tɛ sɛ dɛ ngɔ mɔ, nɛ ngawi 'da Gale kɛ a nɛa ngɔ mɛnɔ vɛ̃ ni, ma lɔ'bɔ sɛ mɔ nɛ́ gɔ̃lɔ̃ ni. Nɛ be mɔ ko sɛ a ni, a sɛ a santo, nɛ wa sa sɛ 'bɔ li a na Be 'da Gale.

YOANƐ 1:14

We nu Gale hɔa wele, nɛ a ɔa sanga lɛ, nɛ lɛ zɔa dɔ̃lɔ̃ li 'da a. Mɛ a dɔ̃lɔ̃ li kɛ Baa a Gale hã hã a, kɛ a a kpo Be 'da a ni. Be ni do dia zã wena, nɛ a tɔ̃ zi gbãlã we ngɔ Baa a.

YOANƐ 1:49

Nɛ Natanaɛlɛ tɔ̃ hã a na: “Wi be mɔ, mɔ a Be 'da Gale! Mɔ a Nwa 'da obe Israɛlɛ!”

YOANƐ 10:36

Kɔ we mi, Gale saka zɛ́ mi, nɛ a tombo mi dɛ ngɔ nù gɛ. Na mɛ ni, kɔdɛ kɛ nɛ tɔ̃ na, mi dã zu li Gale, we kɛ mi tɔ̃a na, mi a Be 'da a ni nɛ nde?

YOANƐ 3:16

Gale kɔ̃a gɛnɛ winɔ ngɔ nù gɛ la li ngele, ma kɛ a hã kpo Be 'da a na, wi kɛ a kɔ̃ zu li a, nɛ nde a fé sɛ fio gɔ, nɛ a sɛ do kpasi kɛ ma é sɛ gɔ ni.

YOANƐ 3:18

“Wi kɛ a kɔ̃a zu li Be 'da Gale ni, a do ngbangga bina. Nɛ wi kɛ a kɔ̃̀ zu li a gɔ ni, ngbangga tia ngɔ a ia. We duzu kɛ a kɔ̃̀ zu li kpo Be 'da Gale gɔ.

YOANƐ 5:25

Mi tɔ̃ 'bɔ hã nɛ do gbãlã we na, ngba soe ma tɛ 'do gɛ, nɛ ma hɔa 'bɔ ia ni, ofionɔ wa zele sɛ gɛlɛ mi Be 'da Gale, kɔ wanɔ kɛ wa zele gɛlɛ mi ni, nɛ wa kpasa sɛ.

Owi Nɛ Tonɔ 16:14

Nɛ mbe kpo sanga wa ni, li a a Lidia, a yula Tiatirɛ, nɛ a zi a wi be gole fila tulu. A zi a wi dɔnggɔ Gale, nɛ Nwa Gale hũi linggamɛ 'da a, takɔ a zele bia we 'da Polo, nɛ a kɔ̃ gɛnɛ nɛ.

Owi Nɛ Tonɔ 8:36

Nɛ wa la ní gbaa, nɛ wa kpa lì. Nɛ gã wi ni tɔ̃ na: “Mɔ zɔ́ lì hã! Mɛ ma wia we amba mi na, mi tɛ kpà batisimɔ gɔ ni a ge nde?” [

ROMA 1:4

Hã fala kɛ mɔ lengge do hi wi 'da a kɛ ma santo ni, nɛ nde Gale bia na, a a be 'da ɛ, kɛ a do ngawi wena ni. Gale bia ma 'da fala kɛ a tunu a kɔ fio ni.

ROMA 8:32

Gale kɛ a bè zi zu Be 'da a ngboo ni hã lɛ gɔ, nɛ a 'dɔlɔ a we lɛ vɛ̃ ni, a hã́ sɛ tɛ mɛ 'bɔ mɛnɔ hã lɛ fala nɛ kpo do Be 'da a gɔ nde?

USU MƐNƆ 1:11

tɛ tɔ̃ hã mi na: “Mɔ kɔ́mɔ́ mɛnɔ mɔ zɔ gɛ do mbɛti, nɛ mɔ tómbó ma hã oeklezianɔ kɔ lenɔ sambo gɛ: Efɛzɛ, Smirnɛ, Pɛrgamɛ, Tiatirɛ, Sardɛ, Filadɛlfi do Laodise.”

USU MƐNƆ 2:1

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Efɛzɛ ni na: “Wi kɛ a 'be sɔlanɔ sambo do ngawili kɔ̃ a, nɛ a yɛnggɛ do sanga omɔ a do mwindanɔ sambo, kɛ wa dɛa do mɔ mbali ni tɔ̃a na:

USU MƐNƆ 2:24

“Nɛ nde we nɛ, Owi Kristonɔ tɛ Tiatirɛ, kɛ nɛ kɔ̃̀ gɛnɛ 'dã bia we ni gɔ, nɛ nɛ ĩ̀ ti gulu mɛnɔ wa sa li nɛ na ‘'du gulu usu wenɔ 'da Satana’ gɔ ni, mi tɔ̃ hã nɛ na, mi é sɛ 'bɔ mbé tole dɛ ngɔ kɛ zu nɛ ni gɔ.