USU MƐNƆ 2:16 - WE NU GALE 1995

¹⁶ Kɔ nɛ kífí sila nɛ, ní gɔ, nɛ mi nɛ sɛ i mɔ ngangga gɛ, we bi winɔ ni do kɔya nu mi ni.

USU MƐNƆ 2:16 Iomraidhean Croise

Ezai 11:4

A gbɛ sɛ gbãlã we hã owi 'bako, a tɔ̃ sɛ gulu we 'da owi sãnɔ do bɔlɔ nɛ. We kɔ nu a zɛlɛ tɛ winɔ ɔ nɛ zufa ni. A gɔnɔ we, nɛ ma gbɛ o'dã winɔ.

Ezai 49:2

A dɛa na, wila we nu mi ma 'bili mɔ ɔ nɛ tɔ́a nu kɔya ni. A gu kɔ a zu mi, nɛ a fɔmɔ mi. Nɛ a dɛa 'bɔ na, wila we nu mi ba wele, ɔ nɛ kpili kɔ ndele ni.

EFƐZƐ 6:17

Nɛ ĩ na, Gale a kpasa nɛ ia, kɔ nɛ bá kpasi ni, nɛ ma ɔ nɛ ndasa bolo kɛ nɛ gu zu nɛ ni. Nɛ nɛ bá we nu Gale kɛ Hi Wi Santo hã ma hã nɛ ni dɛ kɔ̃ nɛ, nɛ ma ɔ nɛ du kɔya bolo ni.

2 TƐSALONIKƐ 2:8

Do 'da fala nɛ ni, nɛ Wi sɛnɛ Gale a be sɛ tɛ a nza. Kɔ fala kɛ Nwa Yezu hɔ, nɛ a gbɛ sɛ a do bũ nu a, nɛ a kumu sɛ a do dɔ̃lɔ̃ li kɛ a tɛ sɛ nɛ ni.

USU MƐNƆ 1:16

Nɛ a 'bia osɔla sambo do ngawili kɔ̃ a, nɛ du kɔya kɛ nu nɛ bɔa ni dɛ nu a. Nɛ bula li a to ɔ nɛ wese kɛ ma hɔa gbogbo zu wi ni.

USU MƐNƆ 16:9

Nɛ wese ma ngɔ to nganda wena, nɛ ma dɔa winɔ, nɛ winɔ wa ma ngɔ dã zu li Gale kɛ a do ngawi we tombo ngamɛnɔ ni. Gɛnɛ kɔ na mɛ ni, nɛ nde wa là fala 'dã mɛnɔ 'da wa we dɔnggɔ Gale gɔ.

USU MƐNƆ 19:15

Du kɔya kɛ nu nɛ tɔ̃ wena ni hɔa kɔ nu a, we bi do ogele winɔ kɛ wa bɛa gɛnɛ a ni. A dungu sɛ nwa ngɔ wa do ngawi wena, nɛ a tɛ sɛ do gã nɔ̃lɔ̃ zã 'da Gale kɛ a do nganda vɛ ni, nɛ a ma wa ti nyanga a, ɔ nɛ kɛ wa ma do wala vinɔ we kpĩlĩ lì nɛ ni.

USU MƐNƆ 19:21

Nɛ wi kɛ a kũ ngɔ fɛ̃a mbalata ni, a gbɛ tala winɔ ni vɛ̃ do kɔya kɛ ma hɔa kɔ nu a ni. Nɛ nɔɛnɔ vɛ̃ wa nyɔngɔ mulu wa gbaa, nɛ zã wa hɛ̃.

USU MƐNƆ 2:12

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Pɛrgamɛ ni na: “Wi kɛ du kɔya kɛ nu nɛ bɔa dɛ nu a ni tɔ̃a na:

USU MƐNƆ 2:5

Kɔ nɛ lénggé do tɛlɛ tɛ kɛ kɔ̃a we 'da nɛ zi nɛ, nɛ ma dia nɛ ge nde ni, kɔ nɛ kífí sila nɛ, nɛ nɛ dɛ́ mɔ tɛ nɛ ɔ nɛ kɛ nɛ dɛ zi dati ni. Ní gɔ, nɛ mi tɛ sɛ, nɛ mi fo mɔ e do mwinda 'da nɛ tɛ fala ma nɛ ni do'do.

USU MƐNƆ 22:20

Wi kɛ a bia ngbongbo wenɔ gɛ vɛ ni, a tɔ̃a na: “Gbãlã we, mi kɔla hɔ nɛ ia!” E kɔ ma ɔ na mɛ ni! Nwa Yezu, mɔ tɛ́!

USU MƐNƆ 22:7

Nɛ Yezu tɔ̃ na: “Mɔ zélé! Mi kɔla hɔ nɛ ia! Nɛ winɔ kɛ wa kɔ̃a gɛnɛ wenɔ kɛ Gale bia ma kɔ 'buki gɛ ni, wa sɛ a wi yangga.”

USU MƐNƆ 3:19

Mi dãlã dɛ tɛ winɔ kɛ mi kɔ̃a gɛnɛ wa ni, nɛ mi hã zɛlɛ tɛ hã wa. Kɔ nɛ, nɛ bé wɔ zã nɛ dɛ nza, nɛ nɛ kífí sila nɛ.