USU MƐNƆ 2:14 - WE NU GALE 1995

¹⁴ Nɛ nde mi kɔ'dɔ nɛ we 'dã mɔ kpo: Ombe sanga nɛ ni wa kɔ̃a gɛnɛ bia we kɛ Balamɛ bia zɛ́ ma ni. Balamɛ tɔ̃a zi hã Balakɛ na, a be 'dã wala hã obe Israɛlɛ, nɛ a ɔlɔ wa na, wa nyɔngɔ osa'denɔ kɛ wa gbɛ wa we dɔnggɔ do okpikimanɔ ni, nɛ wa dɛ mɔ sape.

USU MƐNƆ 2:14 Iomraidhean Croise

Ezai 57:14

NWA Gale tɔ́a na: “Nɛ 'dáfá li wala hã owinɔ 'da mi! Nɛ fó mɛnɔ kɛ ma kele wala ti wa ni do'do, takɔ wa kpolo tɛ wa dɛ 'da mi.

Yeremi 6:21

Gulu nɛ a mi kpe sɛ wala ti wa, nɛ wa lo sɛ li wa do mɛ mi kila do li wala ni, nɛ wa te, nɛ wa fe vɛ̃. Obaa benɔ do obulu benɔ wa fe sɛ fala nɛ kpo do ongba wa wi tɔanɔ, do oyali ngba wa.”

EZEKIƐLƐ 3:20

“Nɛ fala kɛ wi bɔlɔ zu la fala dɛ dia mɔ, kɔ a ma ngɔ dɛ 'dã mɔ, nɛ mi e sɛ a na, a kpa ngamɔ, nɛ a fe. Fala kɛ mɔ mbèsè a gɔ, nɛ a fe sɛ we duzu 'dã mɛnɔ 'da a, nɛ mi lénggé sɛ 'bɔ do dia mɛ kɛ a dɛa zi dati ni gɔ. Nɛ mi e sɛ we fie 'da a dɛ zu mɔ.

EZEKIƐLƐ 44:12

Nɛ nde mi NWA Gale, mi kana tɛ mi na, mi siki sɛ li mi dɛ tɛ wa, we kɛ wa kpia dati owinɔ we sambala kpikimanɔ, nɛ wa kã wa dɛ li 'dã wala. Ma kɛ mi nɛ hã etumbu hã wa olo 'dã mɛnɔ 'da wa.

Tɔlɔ Mɔ 24:14

Kɔ di dɔ̃ ni, mi nɛ si dɛ kɔ le 'da mi. Nɛ nde dati si ma, mi nɛ tɔ̃ we mɛ kɛ obe Israɛlɛ wa dɛ sɛ do owinɔ 'da mɔ do 'do ni hã mɔ.”

Tɔlɔ Mɔ 31:16

Nɛ ĩ de wena na, wi a wukonɔ gɛ, kɛ wa zila zi mbulanɔ 'da Balamɛ tɛ Peɔrɛ i ni, hã wa dɛa zi na, obe Israɛlɛ wa dɔnggɔ ogale bɛlɛnɔ 'da wa. Gulu kɛ 'dã zɛlɛ ma tia zi tɛ obe Israɛlɛ gɛ a ni.

Tɔlɔ Mɔ 31:8

Wa gbɛa 'bɔ Onwanɔ mɔlɔ tɛ ngɔ nu Madianɛ kɛ li wa a: Evi, Rekɛme, Surɛ, Hurɛ do Reba. Nɛ wa gbɛ 'bɔ Balamɛ, be 'da Beɔrɛ

MATIE 18:7

'Bako wena do nùi gɛ, we mɛnɔ ngɔ nɛ kɛ ma tombo wele we dɛ 'dã mɔ ni! Mɛnɔ ni ma sɛ fai boe, nɛ nde 'bako sɛ wena do wi kɛ a fa we fí ngba a kɔ nɛ ni.

Owi Nɛ Tonɔ 15:29

Nɛ tɛ nyɔ̀ngɔ̀ mulu sa'de kɛ wa dɔnggɔ do kpikimanɔ ni gɔ. Nɛ tɛ nyɔ̀ngɔ̀ tɔkɔ sa'de gɔ. Nɛ tɛ nyɔngɔ̀ sa'de kɛ wa sa'ba gɛlɛ a sa'ba iko ni gɔ. Nɛ nɛ tɛ yɛ̀nggɛ̀ vĩ zu yali gɔ. Kɔ fala kɛ nɛ bɛ gɛnɛ mɛnɔ ni vɛ, nɛ nde nɛ dɛa kɛ ma wia ni. Kɔ nɛ dúngú do dia nɛ!”

Owi Nɛ Tonɔ 21:25

Nɛ we ogele winɔ kɛ wa hɔa winɔ 'da Yezu ni, lɛ kɔma zi mbɛti we tɔ̃ wenɔ kɛ lɛ kɔ̃a ni hã wa ia. Lɛ ba nu lɛ hã wa na, wa tɛ nyɔ̀ngɔ̀ mulu sa'denɔ kɛ wa a ma ti kpikimanɔ ni gɔ. Wa tɛ nyɔ̀ngɔ̀ tɔkɔ sa'de gɔ, wa tɛ nyɔ̀ngɔ̀ sa'de kɛ wa sa'ba gɛlɛ a sa'ba iko ni gɔ, nɛ wa tɛ yɛ̀nggɛ̀ vĩ zu yali gɔ.”

ROMA 11:9

Nɛ Davidi tɔ̃a zé 'bɔ na: “E kɔ nyɔngɔmɔ dɔnɔ 'da wa ɔ nɛ bili ni na, wa te li nɛ, hã ma ba wa. E kɔ Gale fi wa nù, nɛ a hã zɛlɛ tɛ hã wa.

ROMA 14:13

Kɔ we duzu ma, lɛ lá fala 'bili wenɔ 'da ongba lɛ. Nɛ ma wia na, wele 'bili do kɔ sila ɛ na, ɛ dɛ́ sɛ mɔ kɛ ma wia we ɔkɔlɔ ngbɛ ɛ, kɔ a te kɔ 'dã mɔ ni gɔ.

ROMA 14:21

Kɔ ma dia fɛ̃ na, mɔ tɛ nyɔ̀ngɔ̀ sa'de gɔ, nɛ mɔ tɛ nɔ̀ dɔ̃ gɔ, nɛ mɔ bɛ mɛnɔ vɛ kɛ ma wia we fi ngba mɔ kɔ 'dã mɔ ni.

ROMA 9:32

Gulu kɛ wa kpà gɔ we ge nde? Gulu nɛ we kɛ wa lingga zi na, lo kpasa sɛ do wala dɛ mbula, nɛ wa lènggè do kɔ̃ zu li Yezu Kristo gɔ. Kɔ wa kɔa zu nyanga wa do ta kɔ do nyanga winɔ,

1 KORINTƐ 1:23

Nɛ nde lɛ, lɛ be kɛ 'da lɛ a sakoe 'da Yezu Kristo, kɛ wa bɛ̃lɛ̃ zi a ngɔ finda te ni. Oyudanɔ wa zele sakoe ni nɛ́ lɛnggɛ sape ni, nɛ ogele winɔ wa zele ma nɛ́ wila we bɔ ni.

1 KORINTƐ 7:2

Nɛ nde we yu kili vĩ zu yali kɛ ma yɛ'ba nɛ ge nde ni, ma wia na, wi wili kpo kpo a ba wuko kpo, nɛ wuko kpo kpo a ba wili kpo.

OHEBRE 13:4

E kɔ owinɔ wa ba ngba wa do wala do nɛ. Ma wia na, wi wili mba ngɔ mɔ ɔi tati nɛ do wuke 'da a ngboo, nɛ wuko mba ngɔ mɔ ɔi tati nɛ do wili a ngboo. Mba gɔ, Gale a 'bili sɛ ngbangga dɛ ngɔ owi yɛnggɛ vĩ zu yɛli, do owi ɔ do wili tabi wuko 'da ngba wa.

Yozue 24:9

Nɛ nwa ngɔ nù Moabɛ, kɛ li a a Balakɛ, be 'da Sipɔrɛ, a tɛa we bi nɛ. A sa mɔ hã Balamɛ, be 'da Beɔrɛ we fɔmbɔ nɛ.

1 PETRO 2:8

Nɛ wa kɔma 'bɔ na: “Mɛ a ta kɛ owinɔ wa kɔ do nyanga wa, nɛ ma fi wa nù ni.” Ta ni ma kɔa nyanga wa, we kɛ wa bɛ̃a we zele nu Gale. We duzu ma, Gale 'bili zɛ́ we 'da wa belee na, ma dɛ sɛ tɛ̃ ɛ hã wa na mɛ ni.

2 PETRO 2:15

Wa la li bɔlɔ wala do'do, nɛ wa ba wala do Balamɛ, be 'da Beɔrɛ, kɛ a dɛ zi yangga ɔlɔ winɔ we kpa mbili kɔ̃ wa ni.

YUDA 1:11

'Bako do wa! Mba gɔ, wa ba wala 'da Kaina. Wɔ mbili tombo wa we dɛ mɔ bɛlɛ, ɔ nɛ kɛ Balamɛ dɛa zi ni. Nɛ Gale gbɛa wa we duzu nga zu 'da wa, ɔ nɛ kɛ a gbɛa zi Kore ni.

USU MƐNƆ 2:20

Nɛ nde mi kɔ'dɔ nɛ we 'dã mɔ kpo: Nɛ ka mɔ dɛ tɛ wuke li a a Yezabɛlɛ ni iko, nɛ a dɔnggɔ tɛ̃ a na, ɛ a wi gba do nu Gale. Nɛ a ɔlɔ owinɔ 'da mi tɛ be hã wa na, wa dɛ mɔ sape, nɛ wa nyɔngɔ osa'denɔ kɛ wa gbɛ wa we dɔnggɔ do kpikimanɔ ni.

USU MƐNƆ 2:4

Nɛ nde mi kɔ'dɔ nɛ we 'dã mɔ kpo: Nɛ 'bànà tɛ kɔ̃ gɛnɛ mi ɔ nɛ kɛ nɛ kɔ̃a zi do mi dati ni gɔ.

USU MƐNƆ 21:8

Nɛ nde owi yu ngamɛnɔ, do owi bɛ̃ we nu Gale, owi dɛ mɔ sapenɔ, owi gbɛ winɔ, owi yɛnggɛ vĩ zu yɛlinɔ, owi dɛ sɔ̃nɔ, Owi dɔnggɔ kpikimanɔ, do owi 'bili bɛlɛnɔ vɛ, wa da sɛ wa li gba nyɛa we, kɛ ma nyɛ gile gile ni. Ki ni a bɔa fie hã ni.”

USU MƐNƆ 22:15

Nɛ nde owi ndinɔ, kɛ wa a owi dɛ sɔ̃, owi yɛnggɛ vĩ zu yɛli, owi gbɛ wi, owi dɔnggɔ kpikima, owi 'bili bɛlɛ, do owi dɛ mɔ do bɛlɛ ni, wa vɛ wa 'bana sɛ dɛ 'do le.