USU MƐNƆ 2:12 - WE NU GALE 1995

¹² Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Pɛrgamɛ ni na: “Wi kɛ du kɔya kɛ nu nɛ bɔa dɛ nu a ni tɔ̃a na:

USU MƐNƆ 2:12 Iomraidhean Croise

Ezai 11:4

A gbɛ sɛ gbãlã we hã owi 'bako, a tɔ̃ sɛ gulu we 'da owi sãnɔ do bɔlɔ nɛ. We kɔ nu a zɛlɛ tɛ winɔ ɔ nɛ zufa ni. A gɔnɔ we, nɛ ma gbɛ o'dã winɔ.

Ezai 49:2

A dɛa na, wila we nu mi ma 'bili mɔ ɔ nɛ tɔ́a nu kɔya ni. A gu kɔ a zu mi, nɛ a fɔmɔ mi. Nɛ a dɛa 'bɔ na, wila we nu mi ba wele, ɔ nɛ kpili kɔ ndele ni.

OHEBRE 4:12

Nɛ ĩ na, we nu Gale ma do kpasi, nɛ ma do ngawi. Nu nɛ tɔ̃a nɛa ngɔ tɔ̃a nu kɔya kɛ nu ma bɔa ni. Ma dumu wele, nɛ ma le gbaa nɛ ma kɛ sanga sila wi do hi wi, nɛ ma nɛ, nɛ ma kpa gbãlã, do mbɔnggɔ zã nɛ. We nu Gale ma be linggamɔ kɔ sila wele, do mɛnɔ a do wɔ nɛ ni dɛ nza.

USU MƐNƆ 1:11

tɛ tɔ̃ hã mi na: “Mɔ kɔ́mɔ́ mɛnɔ mɔ zɔ gɛ do mbɛti, nɛ mɔ tómbó ma hã oeklezianɔ kɔ lenɔ sambo gɛ: Efɛzɛ, Smirnɛ, Pɛrgamɛ, Tiatirɛ, Sardɛ, Filadɛlfi do Laodise.”

USU MƐNƆ 1:16

Nɛ a 'bia osɔla sambo do ngawili kɔ̃ a, nɛ du kɔya kɛ nu nɛ bɔa ni dɛ nu a. Nɛ bula li a to ɔ nɛ wese kɛ ma hɔa gbogbo zu wi ni.

USU MƐNƆ 19:15

Du kɔya kɛ nu nɛ tɔ̃ wena ni hɔa kɔ nu a, we bi do ogele winɔ kɛ wa bɛa gɛnɛ a ni. A dungu sɛ nwa ngɔ wa do ngawi wena, nɛ a tɛ sɛ do gã nɔ̃lɔ̃ zã 'da Gale kɛ a do nganda vɛ ni, nɛ a ma wa ti nyanga a, ɔ nɛ kɛ wa ma do wala vinɔ we kpĩlĩ lì nɛ ni.

USU MƐNƆ 19:21

Nɛ wi kɛ a kũ ngɔ fɛ̃a mbalata ni, a gbɛ tala winɔ ni vɛ̃ do kɔya kɛ ma hɔa kɔ nu a ni. Nɛ nɔɛnɔ vɛ̃ wa nyɔngɔ mulu wa gbaa, nɛ zã wa hɛ̃.

USU MƐNƆ 2:1

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Efɛzɛ ni na: “Wi kɛ a 'be sɔlanɔ sambo do ngawili kɔ̃ a, nɛ a yɛnggɛ do sanga omɔ a do mwindanɔ sambo, kɛ wa dɛa do mɔ mbali ni tɔ̃a na:

USU MƐNƆ 2:16

Kɔ nɛ kífí sila nɛ, ní gɔ, nɛ mi nɛ sɛ i mɔ ngangga gɛ, we bi winɔ ni do kɔya nu mi ni.

Owi kpe dati 3:16

Ehudɛ dolo zi gba du kɔya kɛ nu ma tɔa do i mbee nɛ bɔa nɛ. Du kɔya ni zi dɔ̃ɔ do sãtimɛtrɛ 'bu nɛ mɔlɔ. A yulu zi ma ti tulu tɛ̃ a, nɛ a bɔlɔ ma dɛ kɛ zã ku a kɛ ngɔ ngawili kɔ̃.