USU MƐNƆ 19:8 - WE NU GALE 1995

⁸ Wa hã tulu linɛ ma fɛnga nde nde, nɛ ma ndele wena hã a na, a he'de.” (Tulu linɛ ni, ma be bɔlɔ zu dɛa mɛnɔ kɛ owinɔ 'da Gale wa dɛa zi ni.)

USU MƐNƆ 19:8 Iomraidhean Croise

Zumanɔ 132:9

E kɔ onganganɔ 'da mɔ wa dɛ bɔlɔ zu dɛa mɔ fai! E kɔ owinɔ 'da mɔ wa he hiamɔ yangga!

GBA WENƆ 31:22

A dɛ obolangiti, nɛ a he'de dia tulunɔ kɛ a fulu ma do fɛlɛ linɛnɔ kɛ ma a yoo ni.

Ezai 3:23

ogba tulu ngɔnɔ, osimisinɔ do tulu fi zu 'baka wa.

Ezai 61:10

Owi Yeruzalɛmɛ wa tɔ̃a na: Lɛ dɛ yangga we mɛnɔ kɛ NWA dɛa ma gɛ. A tɛa we gbaka lɛ, nɛ a kpasa lɛ kɔ ngamɔ. Nɛ yangga 'da lɛ gã wena ɔ nɛ kɛ 'da winɔ kɛ wa hi'da dia tulu do 'da fala mɔ dɔ ba ngba wi ni.

EZEKIƐLƐ 16:10

Nɛ mi kala otulu kɛ wa gɛzɛ ma de wena ni, do dia mɔ nyanga wi, do 'dɛ̃ kɛ wa dɛa ma do linɛ, do gã tulu ngɔ kɛ wa ngbɔa ma dia nɛ ge nde ni hã mɔ na mɔ he'de.

EZEKIƐLƐ 44:17

'Da fala wa nɛ we le li fanda kɛ nu tɔa Tɛmpɛloe ni, nɛ wa he'de sɛ tulu linɛ. 'Da fala kɛ wa dɛ sɛ toe 'da wa li fanda ni, do kɔ Tɛmpɛlo i ni, nɛ nde wa hé'dé sɛ tulu sala bata gɔ.

MATIE 17:2

Wa hɔa i mɔ, nɛ tɛ Yezu kifi dɛ li wa. Nɛ bula li a ma ngɔ to ɔ nɛ wese ni, nɛ tulu tɛ̃ a ndele kpala kpala kpala.

MATIE 22:12

Nɛ nwa ni aka a na: ‘Nyae, kɔdɛ kɛ mɔ lia i nga, nɛ nde mɔ hè'dè tulu ɛngga gɔ ni nɛ nde?’ Nɛ ma ba we nu wi ni do'do.

MARKO 9:3

Nɛ tulu tɛ̃ a ndele kpala kpala kpala. Nɛ ma fɛnga nde nde nde do tɛlɛ tɛ kɛ na, wele ngɔ nù gɛ wè tɛ dɛ tulu, nɛ ma fɛngɛ ni gɔ.

LUKA 24:4

Nɛ zu wa vĩ do'do, kɔ wa nɛ fi li wa, nɛ wa zɔ Owi wili bɔa, wa hi'da fɛ̃a tulu ma ndele kpala kpala, kɔ wa dɛ kɛ zã wa ni.

Owi Nɛ Tonɔ 1:10

Kɔ wa 'bana tɛ soko mɔ dɛ li nza i, dɛ fala Yezu la nɛ ni, nɛ Owi wili bɔa, wa hi'da fɛ̃a tulu nde nde, wa hɔ dɛ kɛ zã wa ni do ti,

ROMA 13:14

Nɛ bá wala hã Nwa 'da lɛ Yezu Kristo na, a bi zu nɛ, nɛ nɛ tɛ fà we dɛ mɔ kɛ wɔ kɔ kili tɛ nɛ kɔ̃a ni gɔ.

ROMA 3:22

Li wala kɛ Gale dɛ na, wele hɔ wi bɔlɔ zu li a ni, mɛ a kɔ̃a we wi ni kɔ̃ do zu li Yezu Kristo ni. Nɛ Gale hũi li wala hã winɔ vɛ kɛ wa kɔ̃a zu li Yezu Kristo ni. Mba gɔ, winɔ vɛ wa wia kɔ̃,

USU MƐNƆ 15:4

Aa Nwa, wi kɛ a dɛ́ sɛ kili mɔ gɔ ni a wio nde? Wi kɛ a bɛ sɛ we dɔnggɔ mɔ ni a wio nde? We duzu kɛ mɔ zu mɔ kpo, mɔ a santo. Onu kpala winɔ ngɔ nù gɛ vɛ wa tɛ sɛ, nɛ wa gu nù ti mɔ we dɔnggɔ mɔ, we kɛ wa zɔa na, mɔ a wi dɛ bɔlɔ zu dɛa mɔ.”

USU MƐNƆ 15:6

Nɛ oanzɛnɔ sambo, kɛ wa tɛa do ngamɛnɔ sambo ni, wa hɔ nza kɔ tɔa Tɛmpɛloe. Wa hi'da dia tulu linɛ, ma ndele kpala kpala, nɛ wa kpua 'dɛ mɔ mbali ngɔ nɛ.

USU MƐNƆ 19:14

Nɛ ogili sodanɔ tɛ li nza i wa kpia dɛ 'do a. Wa hi'da tulu linɛ ma fɛnga nde nde, nɛ wa kũ ngɔ ofɛa mbalata.

USU MƐNƆ 3:18

“Kɔ we duzu ki ni, mi tɔ̃ mbula hã nɛ na, nɛ tɛ́ 'da mi nga, kɔ nɛ oso mɔ mbali kɛ wa fi li we, nɛ wa fua ndinɔ kɔ nɛ vɛ̃ ni, kɔ nɛ hɔ ngbongbo owi kpamɔ. Nɛ nɛ ósó 'bɔ ofɛa tulu, we kele do kũlĩ tɛ nɛ, kɛ sape nɛ ba li nɛ ni. Nɛ nɛ ósó ina we zĩ ngɔ li nɛ, takɔ nɛ zɔ 'bɔ mɔ.