USU MƐNƆ 19:3 - WE NU GALE 1995

³ Nɛ wa hia 'bɔ mɔ na: “Lɛ dɔ́nggɔ́ Gale! Zɛ we kɛ ma bɛla le Babilɔnɛ ni, ma kutu ngba'dii kɔ sabɛlɛ do sabɛlɛ.”

USU MƐNƆ 19:3 Iomraidhean Croise

Ndo Nyanga Dɛ Mɔ 19:28

Nɛ a ka mɔ si dɛ ngɔ Sodɔmɛ do Gomɔrɛ, do kɔ gbangɔlɛ̃ kɛ zã lenɔ ni vɛ̃, nɛ a zɔ gba zɛ̃ we, nɛ nde ma kpia ngɔ lenɔ kpã kpã.

Zumanɔ 104:35

E kɔ o'dã winɔ wa tɛ 'bànà ngɔ nù gɛ gɔ, nɛ wa, kɛ wa bɛ̃a gɛnɛ mɔ ni, wa kumu do'do. Mi nɛ dɔnggɔ NWA do sila mi vɛ̃! Aleluya, lɛ dɔnggɔ NWA fai!

Ezai 34:10

Do tũi, do gba wese, ma sɛ tɛ bɛlɛ mɛnɔ, nɛ zɛ̃ we nɛ ma la sɛ dɛ ngɔ 'di 'da fala fai. Nùi ni ma 'danga sɛ, nɛ ma 'bana sɛ do 'danga nɛ kɔ sabɛlɛ do sabɛlɛ. Nɛ wele kpo gɔ́nɔ́ sɛ wala do di ni gɔ.

YUDA 1:7

Nɛ nɛ lénggé 'bɔ le Sodɔmɛ do Gomɔrɛ, do ombe gele lenɔ kɛ zã nɛ ni. Owi kɔ lenɔ ni wa hã zi 'bɔ tɛ wa we dɛ mɔ sape kpasaa ɔ nɛ anzɛnɔ ni, nɛ wa dɛa 'dã mɛnɔ kɛ wele wè tɛ dɛ ma gɔ ni. Kɔ wa tɛ kpa etumbu tɛ li gba nyɛa we kɛ ma bí sɛ fala kpo gɔ ni. Ki ni a mbisa we we owinɔ vɛ.

USU MƐNƆ 14:11

Nɛ zɛ we kɛ ma zɛlɛ tɛ wa ni, ma kutu sɛ fai, nɛ ma é sɛ gɔ. Nɛ winɔ kɛ wa dɔngga sa'de, do hi sa'de, do wanɔ kɛ wa gɔna dã 'da a tɛ wa ni, tũ do gba wese, wa ɔ́mɔ́ sɛ tɛ wa fala kpo gɔ.”

USU MƐNƆ 18:18

tɛ ka mɔ tɛ zɛ̃ we bɛlɛ tɔanɔ kɔ gã le ni. Nɛ wa he sɛ mɔ na: “Fo mbe gã le ɔ nɛ gã le gɛ ngɔ nù gɛ bina!”

USU MƐNƆ 18:9

Nɛ Onwanɔ ngɔ nùi gɛ, kɛ wa yɛngga zi vĩ zu yɛli do a, nɛ wa hã tɛ wa we kpa dia mɛnɔ fala nɛ kpo do a ni, wa zɔ sɛ zɛ̃ we bɛlɛ tɔanɔ 'da a, nɛ wa he sɛ kɔ̃a, nɛ wa bi tɛ wa.

USU MƐNƆ 19:1

Nɛ 'do ki ni, nɛ mi zila giti mɔ ɔ nɛ giti gɛlɛ gba gili Owele ni tɛ li nza i, ma wele nganda wena tɛ tɔ̃ na: “Lɛ dɔ́nggɔ́ Gale 'da lɛ! A a Wi kpasa lɛ, nɛ a do dɔ̃lɔ̃ li, do ngawi.

USU MƐNƆ 19:4

'Da fala nɛ ni, nɛ okpasa winɔ 'bu wa bɔa ngɔ wa nalɛ ni, do Otunu li mɛnɔ nalɛ ni, wa gu gba zugolo dati Gale, kɛ a dungu ngɔ kpongbo nwa ni, nɛ wa dɔnggɔ a, nɛ wa na: “Lɛ dɔ́nggɔ́ Gale! Amɛ.”