USU MƐNƆ 19:2 - WE NU GALE 1995

² A 'bili we do bɔlɔ nɛ fai. A 'bili we dɛ zu gã wuko ndumba, kɛ a 'danga zi nùi gɛ do vĩ zu yɛli 'da a ni. A bili nu gbã tɔkɔ tɛ owi dɛa tonɔ 'da a hã wuke ni.”

USU MƐNƆ 19:2 Iomraidhean Croise

2 Onwanɔ 9:7

Wi a mɔ hã mɔ gbɛ sɛ obe zã Akabɛ, kɛ a zi a nwa 'da mɔ ni. Do wala ni, sɛ nɛ ɛ bili sɛ nu gbã kɛ Yezabɛlɛ gbɛa owi gba olo nu ɛ, do Owi dɛa tonɔ 'da ɛ vɛ̃ ni de.

Zumanɔ 19:9

We nu NWA ma a bɔlɔ, ma hã yangga kɔ sila wele. Mbulanɔ 'da NWA ma a sa, ma gbaka wele na, li a fĩ.

Ezai 25:1

Aa NWA, mɔ a Gale 'da mi. E kɔ mi dɔnggɔ mɔ, nɛ mi tɔ̃ de sako li mɔ, we ɔngbamɛnɔ vɛ̃ kɛ mɔ dɛa ni. Zi dati belee, mɔ lingga zi we dɛ de mɛnɔ ni, nɛ mɔ dɛa ma ɔ nɛ kɛ mɔ lingga ni.

DANIƐLƐ 7:26

'Do nɛ, nɛ owi gɔnɔ wenɔ tɛ li nza i, wa gɔnɔ sɛ we 'da a, nɛ wa fo to nwa kɔ̃ a do'do. Wa 'danga sɛ dɛa to nwa 'da a, nɛ ma Sɔkpɔ sɛ fai.

Mbulanɔ 32:35

NWA a bili sɛ nu gbã, nɛ a hã etumbu hã wa. Ngba soe kɛ wa te sɛ ni kɔla ia. Kɔ̃ tũ ngamɛ 'da wa nyɛlɛ 'bɔ gɔ.

Mbulanɔ 32:4

“NWA kele zu owinɔ 'da a, nɛ a dɛ mɔ do wala olo nɛ, nɛ dɛa mɔ tɛ̃ a vɛ̃ a bɔlɔ. Gale 'da lɛ a Gale tɔ̃ gbãlã we, a lá fala dɛ olo nu a gɔ. A dɛ mɔ kɛ ma a bɔlɔ, nɛ a do du sila.

Mbulanɔ 32:43

“Aa nɛ, onu kɔnggɔnɔ, nɛ dɔ́nggɔ́ owinɔ 'da NWA. Gɛnɛ kɔ wi a wio nde, kɔ a gbɛ wa, nɛ NWA a bili sɛ nu gbã nɛ hã a. A hã sɛ etumbu hã owi sɛnɛ a, nɛ a fo sɛ ku'da 'dã mɔ zu owinɔ 'da a.”

USU MƐNƆ 15:3

kɔ wa tɛ zɛ zuma kɛ Mɔizɛ, wi dɛa to 'da Gale ga zɛ́ ma ni, do zuma 'da Be Bata na: “Nwa Gale, mɔ do nganda vɛ, mɔ dɛa ogba mɔ, nɛ Owele wa ɔngbɔ ma ɔngba. Mɔ a Nwa ngɔ winɔ vɛ̃. Walanɔ 'da mɔ ma bɔlɔ wena, nɛ wele wia we gbini zã ɛ do ma.

USU MƐNƆ 18:20

Aa nɛ, winɔ li nza i, nɛ dɛ́ yangga, we kɛ le Babilɔnɛ tia. Aa nɛ, winɔ 'da Gale, do Owi nɛ tonɔ 'da a, do owi gba do nu a, nɛ dɛ́ yangga! We kɛ Gale 'bili 'dã gulu we hã a, we 'dã mɛnɔ a dɛa zi do nɛ ni.

USU MƐNƆ 18:3

We kɛ zi dati, nɛ le ni ia dɔ̃ mɔ sape 'da a nu ogele winɔ vɛ̃, nɛ wa nɔa. Nɛ Onwanɔ ngɔ nùi gɛ, wa yɛnggɛ zi 'bɔ vĩ zu yɛli do a, nɛ owi be golenɔ wa hɔa ogã wi kpamɔ we duzu dia mɛnɔ kɔ le ni.”

USU MƐNƆ 6:10

Kɔ wa tɛ he mɔ do nga gɛlɛ na: “Aa Nwa, mɔ a santo, nɛ mɔ tɔ̃ fai a gbãlã we. Mɔ nɛ 'bɔ gbaa we 'bili we 'da winɔ nù gɛ, nɛ mɔ hã etumbu hã wa do kɛ wa gbɛa zi lɛ ni soe ki nge nde?”