USU MƐNƆ 18:9 - WE NU GALE 1995

⁹ Nɛ Onwanɔ ngɔ nùi gɛ, kɛ wa yɛngga zi vĩ zu yɛli do a, nɛ wa hã tɛ wa we kpa dia mɛnɔ fala nɛ kpo do a ni, wa zɔ sɛ zɛ̃ we bɛlɛ tɔanɔ 'da a, nɛ wa he sɛ kɔ̃a, nɛ wa bi tɛ wa.

USU MƐNƆ 18:9 Iomraidhean Croise

Ndo Nyanga Dɛ Mɔ 19:28

Nɛ a ka mɔ si dɛ ngɔ Sodɔmɛ do Gomɔrɛ, do kɔ gbangɔlɛ̃ kɛ zã lenɔ ni vɛ̃, nɛ a zɔ gba zɛ̃ we, nɛ nde ma kpia ngɔ lenɔ kpã kpã.

Zumanɔ 58:10

Wa wa sɛ wa dɛ nù ɔ nɛ 'dã wɔkɔsɔ ni, nɛ nde wa ĩ́ sɛ we nɛ dati gɔ. Zã Gale ma nɔ̃lɔ̃ sɛ, nɛ a pɛsɛ wa do tunu li wa.

Ezai 13:19

Le Babilɔnɛ ma dia la ngɔ ongbɛ ɛ, we duzu ma, Owi kɔ nɛ wa dɛ wali wena. Nɛ nde Gale a 'danga sɛ ma, ɔ nɛ kɛ a 'danga zi le Sodɔmɛ do Gomɔrɛ ni.

Ezai 30:33

Wa 'dafa zi fala we dɔ do nwa ngɔ nù Asiri belee ia. Fala ni, wa zã ma korr gã wena, nɛ ma 'du wena. Wa a ogua kɔ nɛ dɛlɛ wena, nɛ wa fi sɛ we tɛ nɛ we dɔ do a. NWA a fi sɛ gba bũ, nɛ ma ufu we ni, nɛ ma nyɛ vɛ vɛ vɛ.

Yeremi 50:40

Mi 'danga sɛ le Babilɔnɛ, ɔ nɛ kɛ mi 'danga zi do le Sodɔmɛ, do Gomɔrɛ, do lenɔ kɛ zã nɛ ni. Nɛ wele kpo ɔ́ sɛ 'bɔ kɔ nɛ gɔ. Mi NWA, mi tɔ̃a ni.

Yeremi 50:46

'Da fala kɛ owi Babilɔnɛ wa te, nɛ nùi ma tana sɛ. Nɛ hiamɔ gɛlɛ wa ma dɔ̃lɔ̃ sɛ, nɛ ma kpa ngɔ nùnɔ vɛ̃.”

Yeremi 51:8

Nɛ nde 'da kala sɛ gɔ, nɛ le Babilɔnɛ ma te sɛ, nɛ ma 'danga putu putu. Kɔ nɛ gá zuma 'bako hã owi kɔ nɛ, nɛ nɛ fá ina we kɔ li daninɔ 'da wa. Mbe gɔ, nɛ wa kpasa sɛ.

EZEKIƐLƐ 27:35

Owinɔ wa ɔ nu gba lì nyɛlɛ wena ni, wa zɔa, nɛ kili ba wa, nɛ sila nwanɔ 'da wa gɔna, nɛ sanga li wa 'danga.

DANIƐLƐ 4:14

Winɔ wa tɛa do mbula ni, wi a anzɛnɔ. Na mɛ ni, nɛ owinɔ vɛ̃ wa ĩ na, Gale kɛ a gã wena ni, a a nwa ngɔ nwanɔ ngɔ nù gɛ vɛ̃, nɛ a hã to nwa hã wi kɛ zã a kɔ̃a a ni. Gɛnɛ kɔ wi kɛ Owele wa zɔ a yala iko ni, nɛ Gale wia we ba a dɛ ngɔ, nɛ a e a ngɔ kpongbo nwa.

Mbulanɔ 29:23

Na mɛ ni, nɛ owinɔ ngɔ nùi gɛ vɛ̃, wa aka sɛ na: ‘Gulu kɛ nwa dɛa do nùi 'da nɛ ní ni we ge nde? Gulu kɛ zã nwa nɔ̃lɔ̃ zi nganda wena ní ni we ge nde?’

1 TIMOTE 5:11

Nɛ mɔ tɛ kɔ̀mɔ̀ li Owi fio wilinɔ kɛ wa 'bana ngɔ be zɔnga tɛ wa iko ni gɔ. Mba gɔ, fala kɛ wɔ kɔ sila wa ma kɛ̃ sanga tɛ ngba wa do Kristo, nɛ ma tombo sɛ wa we ba mbé wili.

USU MƐNƆ 14:11

Nɛ zɛ we kɛ ma zɛlɛ tɛ wa ni, ma kutu sɛ fai, nɛ ma é sɛ gɔ. Nɛ winɔ kɛ wa dɔngga sa'de, do hi sa'de, do wanɔ kɛ wa gɔna dã 'da a tɛ wa ni, tũ do gba wese, wa ɔ́mɔ́ sɛ tɛ wa fala kpo gɔ.”

USU MƐNƆ 17:2

Onwanɔ nù gɛ, wa yɛnggɛ vĩ zu yɛli do a, nɛ owinɔ ngɔ nùi gɛ, wa dɛa mɔ sape do a gbaa, kɔ 'dã mɛ 'da a ba wa ɔ nɛ dɔ̃ ni.”

USU MƐNƆ 18:18

tɛ ka mɔ tɛ zɛ̃ we bɛlɛ tɔanɔ kɔ gã le ni. Nɛ wa he sɛ mɔ na: “Fo mbe gã le ɔ nɛ gã le gɛ ngɔ nù gɛ bina!”

USU MƐNƆ 18:20

Aa nɛ, winɔ li nza i, nɛ dɛ́ yangga, we kɛ le Babilɔnɛ tia. Aa nɛ, winɔ 'da Gale, do Owi nɛ tonɔ 'da a, do owi gba do nu a, nɛ dɛ́ yangga! We kɛ Gale 'bili 'dã gulu we hã a, we 'dã mɛnɔ a dɛa zi do nɛ ni.

USU MƐNƆ 18:3

We kɛ zi dati, nɛ le ni ia dɔ̃ mɔ sape 'da a nu ogele winɔ vɛ̃, nɛ wa nɔa. Nɛ Onwanɔ ngɔ nùi gɛ, wa yɛnggɛ zi 'bɔ vĩ zu yɛli do a, nɛ owi be golenɔ wa hɔa ogã wi kpamɔ we duzu dia mɛnɔ kɔ le ni.”

USU MƐNƆ 18:7

Nɛ hã́ zɛlɛ tɛ do 'bako hã a we kɔ̃ do omɔ walinɔ, do dɔ̃lɔ̃ linɔ kɛ a dɔnggɔ zi do tɛ a ni. We kɛ a tɔ̃ zi do kɔ sila a na, ɛ a wuko nwa, ɛ a wi fio wili gɔ, nɛ ɛ dúngú sɛ gɛla fala kpo gɔ.

USU MƐNƆ 19:3

Nɛ wa hia 'bɔ mɔ na: “Lɛ dɔ́nggɔ́ Gale! Zɛ we kɛ ma bɛla le Babilɔnɛ ni, ma kutu ngba'dii kɔ sabɛlɛ do sabɛlɛ.”

USU MƐNƆ 2:22

Ma kɛ mi nɛ dɛ na, a te do zɛlɛ. Nɛ mi hã sɛ zɛlɛ tɛ hã winɔ kɛ wa dɛ zi mɔ sape do a ni, fala kɛ wa kìfì sila wa gɔ ni.