USU MƐNƆ 18:4 - WE NU GALE 1995

⁴ Nɛ 'do nɛ, nɛ mi zele 'bɔ mbé wala gɛlɛ wele ma yula li nza i tɛ tɔ̃ na: “Aa nɛ, winɔ 'da mi, nɛ hɔ́ nza kɔ le gɛ, dɔ nɛ lé kɔ 'dã mɛ 'da a, kɔ nɛ kpa ngamɛnɔ fala nɛ kpo do a gɔ.

USU MƐNƆ 18:4 Iomraidhean Croise

Ndo Nyanga Dɛ Mɔ 19:14

Nɛ Lɔtɛ nɛa, nɛ a kpa owi wilinɔ kɛ wa kɔ̃a we ba benɔ 'da a ni, nɛ a tɔ̃ hã wa na: “Nɛ wɛlɛ tɛ nɛ dɔ̃ dɔ̃, hã nɛ hɔ nza kɔ le gɛ do'do, we kɛ NWA nɛ 'danga ma 'danga.” Nɛ owili kɛfɛnɔ 'da a ni, wa lingga na, Lɔtɛ fi gbɛlɛ gbɛsɛ iko.

Zumanɔ 50:18

Nɛ kɔ̃a gɛnɛ we mɔ́ wi zũ, nɛ nɛ dungu do wi kɛ a yɛnggɛ do ko mɔ́ wili ni.

Ezai 48:20

Nɛ hɔ́ nza kɔ le Babilɔnɛ, kɔ nɛ lá, hã nɛ si. Nɛ dɛ́ yangga, nɛ nɛ zɛ́ nu nɛ. Nɛ yɛ́nggɛ́ ngɔ nù gɛ vɛ̃, nɛ nɛ tɔ̃ lɛnggɛ gɛ hã owinɔ na: “NWA a kpasa lɛ obe Israɛlɛ, Owi dɛa tonɔ 'da a.”

Ezai 52:11

Aa nɛ, owinɔ kɛ nɛ ba tole mɛnɔ kɛ wa dɛ do to hã NWA kɔ Tɛmpɛlo 'da a ni, nɛ kúlú ngɔ kɔ le Babilɔnɛ hã nɛ si. Hã fala kɛ nɛ kulu ngɔ we si ma nde, nɛ nɛ tɛ 'bè tɛ mɔ kpo, kɛ mɛ a mɔ ndi li NWA Gale ni gɔ. Nɛ fá na, nɛ 'báná sa li a.

Yeremi 50:8

“Aa nɛ, Oisraɛlɛ, nɛ hɔ nza kɔ le Babilɔnɛ! Nɛ yú ngɔ nù Babilonia do'do! Nɛ gbíní ngbonɔ, nɛ nɛ kpé dati owi yunɔ, ɔ nɛ kɛ owili dua wa kpe dati ngɔ gili oduanɔ ni.

Yeremi 51:45

Kɔ aa nɛ, obe Israɛlɛ, owinɔ 'da mi, nɛ hɔ́ nza kɔ le. Nɛ wele do wele fa we kpasa kili tɛ̃ a, da dɛ kɔ nɛ kpa ngamɔ olo nɔ̃lɔ̃ zã 'da mi gɔ!

Yeremi 51:50

“Aa nɛ, obe Israɛlɛ kɛ nɛ kpasa kɔ fie ni, nɛ sí! Nɛ tɛ dà'bà tɛ nɛ gɔ! Kɔ 'do nɛ nyɛlɛ dɛ li wala i, nɛ nɛ lénggé do NWA Gale 'da nɛ, nɛ ta zu nɛ gbá ngɔ le Yeruzalɛmɛ!

Yeremi 51:6

Nɛ hɔ́ nza kɔ le Babilɔnɛ! Nɛ wele do wele fa we kpasa kili tɛ̃ ɛ, da dɛ kɔ nɛ fe olo 'dã mɛ 'da wa gɔ. We kɛ mi nwa, mi nɛ bili nu gbã, nɛ mi gese olo 'dã mɛnɔ 'da owi kɔ le Babilɔnɛ hã wa.

Yeremi 51:9

Nɛ nde ogele winɔ kɛ wa ɔ di ni ni, wa gisa na: ‘Lɛ fa we kpasa owi kɔ le Babilɔnɛ zãa, wa kpásá sɛ 'bɔ gɔ. Lɛ lá wa dɛ di ni, kɔ lɛ sí, wele do wele dɛ kɔ le 'da a! Mba gɔ, etumbui kɛ Gale hã hã wa gɛ, ma gã la mɔ vɛ̃, ma gã ɔ nɛ nyanga nza ni.’ ”

MATIE 23:30

Nɛ nɛ tɔ̃ na: ‘Ɔ do kɛ lɛ ɔ zi 'da fala 'da oyaa lɛ zi ni, nɛ nde lɛ mbá zi do wa we gbɛ Owi gba olo nu Gale gɔ.’

2 KORINTƐ 6:17

We duzu ma, Nwa Gale tɔ̃a na: “Nɛ yú wa, nɛ nɛ fó tɛ nɛ sanga wa. Nɛ tɛ kɔ̀lɔ̀ do mɔ ndinɔ 'da wa gɔ. Nɛ dɛ́ na mɛ ni, nɛ mi kɔ̃ sɛ gɛnɛ nɛ.

1 TIMOTE 5:22

Fala kɛ mɔ kɔ̃ we saka wele we dɛ to kɔ eklezia, nɛ mɔ tɛ à kɔ̃ mɔ zu a dɔ̃ iko gɔ. Mɔ tɛ mbà ngɔ 'dã mɔ mɔ́ wele do a gɔ. Mɔ dɛ́ na, sila mɔ 'bana do sa nɛ li Gale fai.

2 YOANƐ 1:11

Mba gɔ, wele kɛ a hã balɛ hã a, nɛ nde a mba do a ngɔ 'dã dɛa mɛ 'da a.