USU MƐNƆ 18:3 - WE NU GALE 1995

³ We kɛ zi dati, nɛ le ni ia dɔ̃ mɔ sape 'da a nu ogele winɔ vɛ̃, nɛ wa nɔa. Nɛ Onwanɔ ngɔ nùi gɛ, wa yɛnggɛ zi 'bɔ vĩ zu yɛli do a, nɛ owi be golenɔ wa hɔa ogã wi kpamɔ we duzu dia mɛnɔ kɔ le ni.”

USU MƐNƆ 18:3 Iomraidhean Croise

Ezai 47:15

Mɛ kɛ ma dɛ sɛ owi dɛ sɔ̃nɔ kɛ nɛ nɛ 'da wa fai gɛ a ni. Wa vɛ̃ wa yu sɛ nɛ gbɔrr, nɛ wele kpo kpo a ba sɛ li wala kɛ ma wia do a ni, nɛ a la, nɛ nde wa kpásá sɛ nɛ gɔ.”

Yeremi 51:34

Owi Yeruzalɛmɛ wa tɔ̃a na: “Nabukɔdɔnɔzɔrɛ, nwa ngɔ nù Babilonia, tɛa zi, nɛ a gbɛ lɛ Owi Yeruzalɛmɛ, nɛ a ndaka lɛ, nɛ lɛ sa kɔ le vɛ̃, nɛ le 'da lɛ 'bana ɔ nɛ wila kɔ kpana ni. A tɛa ɔ nɛ gba sɔ̃ sa'de ni, nɛ a yɔ'dɔ mɛnɔ kɛ zã a kɔ̃a ni, nɛ a fũlũ tala gele kɛnɔ.

Yeremi 51:7

“Obabilonia wa ɔ zi nɛ bila mɔ mbali, kɛ ma dunu do nɔ̃lɔ̃ zã 'da mi ni. Mi ba zi ma dɛ kɔ̃ mi, nɛ mi isi dɛ nu owinɔ ngɔ nù gɛ vɛ̃, nɛ wa nɔ, nɛ ma ba wa, nɛ zu wa vĩ.

ALA NU 4:5

Wanɔ kɛ wa nyɔngɔ zi mɔ sɔkpã ni, wa tɛ ala wɔ dɛ li walanɔ. Nɛ wanɔ kɛ wa gã zi dɛ kɔ kpamɔ ni, wa tɛ dɔlɔ 'bulu nyɔngɔmɔ ngɔ zubunɔ.

NAHUMƐ 3:4

Ninivɛ ɔ nɛ wuko ndumba kɛ 'dã mɛnɔ 'da a la li ngele ni. A ɔkɔlɔ zi ogele winɔ, nɛ a vĩ zu wa do dia zɔnga 'da a, do gba sɔ̃ mɛnɔ 'da a, nɛ a kala wa do ngbá.

LUKA 7:25

Mɛ ngboo nɛ nɛa we zɔ ma ni a ge nde? Nɛ nɛa we zɔ wi kɛ a hi'da dia tulu ni nde? Owinɔ kɛ wa he'de dia tulu, nɛ wa kpasa de wena ni, wa ɔ kɔ ngboe 'da onwa.

1 TIMOTE 5:11

Nɛ mɔ tɛ kɔ̀mɔ̀ li Owi fio wilinɔ kɛ wa 'bana ngɔ be zɔnga tɛ wa iko ni gɔ. Mba gɔ, fala kɛ wɔ kɔ sila wa ma kɛ̃ sanga tɛ ngba wa do Kristo, nɛ ma tombo sɛ wa we ba mbé wili.

USU MƐNƆ 14:8

Nɛ mbé anzɛ hɔa 'dɔkɔlɔ wele kɛ sɔ ni, nɛ a na: “Gã le Babilɔnɛ tia! Ma tia wuku! Mɛ a le kɛ ma ia zi dɔ̃ yɛnggɛ vĩ zu yɛli nu ogele winɔ vɛ, nɛ wa nɔa.”

USU MƐNƆ 17:2

Onwanɔ nù gɛ, wa yɛnggɛ vĩ zu yɛli do a, nɛ owinɔ ngɔ nùi gɛ, wa dɛa mɔ sape do a gbaa, kɔ 'dã mɛ 'da a ba wa ɔ nɛ dɔ̃ ni.”

USU MƐNƆ 18:19

Nɛ wa so sɛ fumbɛlɛ dɛ zu wa, nɛ wa he kɔ̃a, nɛ wa bi tɛ wa, nɛ wa zɛ nu wa do 'bako na: “'Bako! Kɛ gɛ a 'bako ge nde! Owele masuanɔ wa hɔa zi wi kpamɔ we duzu kpamɛnɔ kɔ gã le gɛ. Nɛ 'do sa kpo iko, nɛ nde ma 'danga vɛ ia nde!”

USU MƐNƆ 18:23

Nyɛa we mwinda nyɛ́ sɛ 'bɔ kɔ nɛ gɔ, nɛ gɛlɛ wi ba wuko, do wuko ba wili, ma wélé sɛ 'bɔ kɔ le gɛ gɔ. We kɛ zi dati, Owi be golenɔ kɔ le gɛ, wa nɛa zi ngɔ winɔ ngɔ nù gɛ vɛ́ do ngawi, nɛ le gɛ ɔlɔ zi nu fɛlɛ kulanɔ vɛ do dɛa mɔ sɔ̃nɔ 'da a.”

USU MƐNƆ 18:7

Nɛ hã́ zɛlɛ tɛ do 'bako hã a we kɔ̃ do omɔ walinɔ, do dɔ̃lɔ̃ linɔ kɛ a dɔnggɔ zi do tɛ a ni. We kɛ a tɔ̃ zi do kɔ sila a na, ɛ a wuko nwa, ɛ a wi fio wili gɔ, nɛ ɛ dúngú sɛ gɛla fala kpo gɔ.

USU MƐNƆ 18:9

Nɛ Onwanɔ ngɔ nùi gɛ, kɛ wa yɛngga zi vĩ zu yɛli do a, nɛ wa hã tɛ wa we kpa dia mɛnɔ fala nɛ kpo do a ni, wa zɔ sɛ zɛ̃ we bɛlɛ tɔanɔ 'da a, nɛ wa he sɛ kɔ̃a, nɛ wa bi tɛ wa.