USU MƐNƆ 17:8 - WE NU GALE 1995

⁸ Sa'de kɛ mɔ zɔa a ni, a zi do tunu li a, kɔ ngangga ni a 'bɔ bina. Nɛ nde ma 'bana bi sĩ, nɛ a hɔ sɛ nza kɔ gba 'du kɔ̃ɛ, takɔ a la dɛ fala wa nɛ gbɛ do a ni. Nɛ winɔ ngɔ nù gɛ, kɛ 'da fala Gale ndua zɛ́ nyanga dɛ mɛnɔ, nɛ a kɔ̀mɔ̀ zɛ́ li wa kɔ 'Buku Kpasi gɔ ni, wa ɔngbɔ sɛ wena we zɔ sa'de ni, we kɛ a zi do tunu li a, kɔ ngangga ni a 'bɔ bina, nɛ a hɔ sɛ 'bɔ mbé nɛ ni.

USU MƐNƆ 17:8 Iomraidhean Croise

Zumanɔ 69:28

Mɔ kɔ́mɔ́ 'dã mɛnɔ 'da wa kpo kpo, nɛ mɔ tɛ ĩ̀ 'bako hã wa fala kpo gɔ.

DANIƐLƐ 11:45

A dɛ sɛ tɔa nwa 'da a dɛ ngbala gba lì, do kala wa dɛa do Tɛmpɛloe ngɔ nù Israɛlɛ ni. Nɛ fio ma gbanga sɛ a dɛ di ni, nɛ nde fo sɛ wi gbaka a bina.”

DANIƐLƐ 7:11

Mi 'bana tɛ zɔ be zamba zu sa'de ni, do zele lɛnggɛ gã zunɔ a tɔ̃ ma ni, nɛ mi nɛ ka mɔ, nɛ nde wa gbɛa sa'de wele kɛ nalɛ ni do'do. Nɛ wa da wɔlɔ a li we, nɛ ma bɛlɛ vɛ̃.

DANIƐLƐ 7:26

'Do nɛ, nɛ owi gɔnɔ wenɔ tɛ li nza i, wa gɔnɔ sɛ we 'da a, nɛ wa fo to nwa kɔ̃ a do'do. Wa 'danga sɛ dɛa to nwa 'da a, nɛ ma Sɔkpɔ sɛ fai.

DANIƐLƐ 7:3

Nɛ ogã gba sɔ̃ sa'de nalɛ wa yolo 'dɔ gba lì ni, nɛ wa hɔ nza. Sa'de kpo kpo si tɛ̃ ɛ do ongba a.

DANIƐLƐ 7:7

“Mi 'bana tɛ ka mɔ tɛ mɛnɔ ma hɔ dɛ li mi kɔ yalɛ ni, nɛ mi zɔ sa'de kɛ nalɛ. Mɛ a gba sɔ sa'de, kɛ a do ngawi wena, nɛ a gã 'bɔ wena. Mɔ zɔ a, nɛ kili ba mɔ iko. Gogo a a mɔ bolo, a ɛ̃ do sanga owinɔ kɛ a kpa wa ni, nɛ a nyɔngɔ wa, nɛ a ma kɛnɔ a nyɔ̀ngɔ̀ gɔ ni ti nyanga a. Zamba zu a 'bu, nɛ a wè mbe kɔ̃ do ogele sa'denɔ talɛ sɔ dati ni be sĩ gɔ.

MATIE 25:34

Nɛ mi tɔ̃ sɛ hã wanɔ si ngɔ ngawili kɔ̃ mi ni na: ‘Baa mi wila zɛ́ nu a tɛ nɛ ia! Nɛ tɛ́, kɔ nɛ le kɔ le nwa 'da a, kɛ a 'dafa zɛ́ ma hã nɛ dati ndo nyanga dɛ nùi ni.

LUKA 10:20

Nɛ nde nɛ tɛ sì tɛ dɛ yangga kɛ o'dã hi winɔ wa zele nu nɛ ni gɔ, nɛ nde nɛ dɛ́ yangga kɛ na, Gale kɔma li nɛ kɔ 'Buki 'da a li nza i ni.”

LUKA 8:31

Nɛ o'dã hi winɔ ni wa ala nu wa hã Yezu na, da dɛ kɔ a tómbó lo dɛ kɔ gba 'du kɔ̃ gɔ.

YOANƐ 17:24

“Baa mi, mɔ hã zi wa hã mi, kɔ mi kɔ̃a na, wa ɔ fala nɛ kpo do mi tɛ fála kɛ mi nɛ dungu do ma ni, takɔ wa zɔ dɔ̃lɔ̃ li 'da mi. Mɛ a dɔ̃lɔ̃ li kɛ mɔ hã zɛ́ ma hã mi, we kɛ mɔ kɔ̃a zɛ́ gɛnɛ mi dati kɛ na mɔ dɛ nùi ni.

Owi Nɛ Tonɔ 15:18

Ki ni a olo nu Nwa kɛ a bia zi do gulu mɛnɔ belee ia gɛ a ni.’ ”

EFƐZƐ 1:4

Mba gɔ, dati kɛ na Gale dɛ nùi ni, nɛ nde a saka zɛ́ lɛ, nɛ a mba lɛ kpo do Kristo, takɔ lɛ ɔ santo li a, nɛ mɔ kɔ'dɔ wi tɛ ɔ̀ kɔ lɛ gɔ.

TITO 1:2

takɔ wa gbini zã wa do kpasi kɛ ma é sɛ gɔ ni. Gale 'bílí bɛlɛ gɔ. A kpua zɛ́ mbulu kpasi ni dati kɛ a tɛ dè mɛnɔ vɛ̃ gɔ ni,

1 PETRO 1:20

Dati kɛ na Gale dɛ nùi ni, nɛ a saka zɛ́ Yezu na, a kpasa sɛ nɛ. Nɛ nde do ndɔti ngba soenɔ gɛ, Gale dɛa na, Yezu hɔ nù gɛ we duzu nɛ.

USU MƐNƆ 11:7

Kɔ bia wenɔ 'da wa e do'do, nɛ gba sɔ̃ sa'de a yolo sɛ kɔ gba 'du kɔ̃ɛ, nɛ a hɔ nza we bi do wa. A nganda sɛ nɛ ngɔ wa, nɛ a gbɛ sɛ wa.

USU MƐNƆ 17:11

Nɛ sa'de kɛ a zi do tunu li a, nɛ ngangga ni a 'bɔ bina ni, a ngboo hã a nɛ dungu sɛ nwa kɛ ngbɛ'dɛ'dɛ. Nɛ nde a sanga Onwanɔ sambo dati ni, kɔ a nɛ la dɛ fala wa gbɛ sɛ do a ni.

USU MƐNƆ 17:2

Onwanɔ nù gɛ, wa yɛnggɛ vĩ zu yɛli do a, nɛ owinɔ ngɔ nùi gɛ, wa dɛa mɔ sape do a gbaa, kɔ 'dã mɛ 'da a ba wa ɔ nɛ dɔ̃ ni.”

USU MƐNƆ 20:10

Nɛ wa ba Satana, kɛ a ɔlɔ wa ni, nɛ wa da a li gba nyɛa we, kɛ ma nyɛ gile gile ni. Mɛ a fala kɛ wa da zi 'bɔ do sa'de, do wi gba do nu Gale do bɛlɛ tɛ nɛ ni. I mɔ ni, wa zɔ sɛ ngamɔ tũ do gba wese kɔ sabɛlɛ do sabɛlɛ.

USU MƐNƆ 20:12

Nɛ mi zɔa ofionɔ vɛ, ogã winɔ do obe winɔ, nɛ nde wa yula dɛ dati kpongbo nwa ni. Nɛ mi zɔ 'bɔ ohũi li 'buku dɛ di ni. Nɛ wa hũi 'bɔ mbé gele 'buku kpo, kɛ Gale kɔma li owinɔ kɛ wa do kpasi kɛ ma é sɛ gɔ ni kɔ nɛ ni. Nɛ Gale 'bili we 'da ofionɔ vɛ, wele do wele do 'da dɛa tonɔ a dɛa zi ma, nɛ wa kɔma ma kɔ 'bukunɔ ni.

USU MƐNƆ 20:15

Nɛ wi kɛ Gale kɔ̀mɔ̀ li a kɔ 'Buku Kpasi gɔ ni, wa da a li gba nyɛa we ni.

USU MƐNƆ 3:10

Kɔ we duzu kɛ nɛ dɛa olo nu mi, nɛ nɛ kunu sila nɛ ni, mi fɔmɔ sɛ tɛ mɛ 'bɔ nɛ 'da fala ngamɛnɔ ma kpa sɛ winɔ ngɔ nùi gɛ vɛ̃, we yamba sila wa ni.

USU MƐNƆ 3:5

Kɔ wi kɛ a kunu sila a kɔ ngamɛnɔ gbaa we hɔ ndɔti nɛ, nɛ a he'de sɛ fɛ̃a tuli ni, nɛ mi gbɛ́ sɛ li a kɔ 'Buku Kpasi gɔ. Nɛ mi tɔ̃ sɛ dati Baa mi do oanzɛnɔ 'da a na, a a wi 'da mi.