USU MƐNƆ 17:5 - WE NU GALE 1995

⁵ Nɛ wa kɔma li kpo dati a, nɛ gulu li ni usu tɛ̃ ɛ usu. Li ni a: “Gã le Babilɔnɛ, naa vĩ zu yɛli do sɔkpɔ mɔ sapenɔ ngɔ nù gɛ vɛ.”

USU MƐNƆ 17:5 Iomraidhean Croise

Ezai 3:9

Bula li wa ma be na, wa a wi dɛ 'dã mɔ. Wa dɛ 'dã mɔ dɛ gbali owinɔ, ɔ nɛ kɛ owi Sodɔmɛ wa dɛ zi ni, nɛ wa úsú ma gɔ. 'Bako do wa, wa fa ngamɛ 'da wa do tɛ wa.

EZEKIƐLƐ 16:35

NWA Gale tɔ̃a na: “Aa mɔ Yeruzalɛmɛ, kɛ mɔ ɔ nɛ wuko ndumba gɛ, mɔ zélé mi sɛ!

FILIPƐ 3:19

Winɔ ni, wa kã tɛ wa hã fio, we kɛ gale 'da wa mɛ a zã wa. Wa dɔnggɔ tɛ wa do mɛnɔ kɛ ma wia sɔ we hã sape hã wa ni, nɛ wa lengge tati a mɛnɔ nù gɛ iko.

2 TƐSALONIKƐ 2:7

Ngawi 'da Wi ni, ma ndua dɛ to sanga winɔ do usu nɛ ia. Nɛ nde mɛ ma nɛ hɔ nɛ ni, ma hɔ sɛ do ti gɔ gbaa, hã wi kpe wala nɛ fo tɛ ɛ do'do sɛ nɛ de.

USU MƐNƆ 1:20

Mi nɛ be gulu usu we ngɔ osɔlanɔ sambo, kɛ mi 'bia do ngawili kɔ̃ mi gɛ, do omɔ a do mwindanɔ sambo gɛ hã mɔ. Sɔlanɔ sambo gɛ, ma be oanzɛnɔ kɛ wa zɔ mɔ tɛ oeklezianɔ kɔ lenɔ sambo ni. Nɛ omɔ a do mwindanɔ sambo gɛ, ma be oeklezianɔ sambo ni.”

USU MƐNƆ 11:8

Nɛ wɔlɔ wa, ma ɔ sɛ dɛ li fanda tɛ kɔ gã le kɛ wa bɛ̃lɛ̃ zi do Nwa 'da wa ngɔ finda te ni. Wa sa li gã le ni do gba we na Sodɔmɛ, tabi Ezipeto.

USU MƐNƆ 14:8

Nɛ mbé anzɛ hɔa 'dɔkɔlɔ wele kɛ sɔ ni, nɛ a na: “Gã le Babilɔnɛ tia! Ma tia wuku! Mɛ a le kɛ ma ia zi dɔ̃ yɛnggɛ vĩ zu yɛli nu ogele winɔ vɛ, nɛ wa nɔa.”

USU MƐNƆ 16:19

Nɛ gã le Babilɔnɛ gbini sanga tɛ ngbɛ ɛ talɛ, nɛ lenɔ ngɔ gele nùnɔ ma 'danga vɛ̃. Nɛ ta zu Gale gba ngɔ Babilɔnɛ, nɛ a ba bila kɛ dɔ̃ nɔ̃lɔ̃ zã 'da a kɔ nɛ ni, nɛ a isi dɛ nu owinɔ kɔ le ni.

USU MƐNƆ 17:1

'Do ki ni, nɛ mbe kpo sanga anzɛnɔ sambo kɛ wa 'bia zi bilanɔ sambo dɛ kɔ̃ wa ni tɛa, nɛ a tɔ̃ hã mi na: “Mɔ tɛ́, kɔ mi be etumbui kɛ Gale a hã sɛ hã wuko ndumba olo 'dã mɛnɔ 'da a ni hã mɔ. Wuke ni a gã le kɛ wa dɛa ma dɛ nu gba lìnɔ ni.

USU MƐNƆ 17:2

Onwanɔ nù gɛ, wa yɛnggɛ vĩ zu yɛli do a, nɛ owinɔ ngɔ nùi gɛ, wa dɛa mɔ sape do a gbaa, kɔ 'dã mɛ 'da a ba wa ɔ nɛ dɔ̃ ni.”

USU MƐNƆ 17:7

Nɛ anzɛ aka mi na: “Mɔ dɛ kili ge nde? Mi tɔ̃ sɛ gulu usu wenɔ 'da wuke gɛ, do kɛ 'da sa'de a dungu ngɔ a, kɛ zu a sambo, nɛ zamba zu a 'bu ni hã mɔ.

USU MƐNƆ 18:2

Nɛ a hia mɔ nganda wena na: “Gã le Babilɔnɛ tia! Ma tia ia! Di ngangga ni, ma hɔa le 'da ozabulunɔ. Mɛ a fala na 'dã hi winɔ kpi do kpi wa usu do tɛ wa. Onɔɛ ndi kpi do kpi, kɛ owinɔ wa kɔ̃̀ wa gɔ ni wa ɔ dɛ di ni.

USU MƐNƆ 18:21

'Do nɛ, nɛ mbé anzɛ kpo kɛ a nganda wena ni, a ba gba gbɛlɛ ta, ma gã nɛ́ ta hɔnɔ do ble ni, nɛ a da ma 'dɔ gba lì duvwu, nɛ a tɔ̃ na: “Nɛ zɔ́, gã le Babilɔnɛ ma te sɛ na mɛ ni, nɛ wa zɔ́ sɛ 'bɔ mbé tɛ nɛ fala kpo gɔ!

USU MƐNƆ 19:2

A 'bili we do bɔlɔ nɛ fai. A 'bili we dɛ zu gã wuko ndumba, kɛ a 'danga zi nùi gɛ do vĩ zu yɛli 'da a ni. A bili nu gbã tɔkɔ tɛ owi dɛa tonɔ 'da a hã wuke ni.”

USU MƐNƆ 7:3

“Nɛ tɛ 'dàngà nùi, do gba lìnɔ do tenɔ do ti gɔ. Nɛ 'bɔ́ hã lɛ gɔnɔ dã dati Owi dɛa tonɔ 'da Gale 'da lɛ do'do sɛ.”