USU MƐNƆ 17:4 - WE NU GALE 1995

⁴ Nɛ wuke ni hi'da dia fila tulu, nɛ mɔ mbali, do ota olo gã gole, do oiyaka ma ndele tɛ nɛ kpala kpala. Nɛ a 'bia bila mɔ mbali, kɛ ma dunu do sɔkpɔ o'dã mɔ kpi do kpi, nɛ mɛ a ndi mɔ sapenɔ 'da a ni dɛ kɔ̃ a.

USU MƐNƆ 17:4 Iomraidhean Croise

1 Onwanɔ 14:24

Nɛ dɛ kpo kpo kɔ wa ni, owi wili do owuko wa dɛ zi ndumba tɛ ofalanɔ wa dɔnggɔ do kpikimanɔ ni. Owi ngɔ nù Yuda wa nɛa 'do 'dã mɔ sape 'da ogele winɔ. Ĩ na, we duzu 'dã mɔ sapenɔ ni, ma kɛ NWA ndaka zi ogele winɔ ngɔ nùnɔ 'da wa, we ba ma hã obe Israɛlɛ ni.

2 Onwanɔ 21:2

Manase dɛa zi mɔ kɛ ma dè tɛ NWA gɔ ni. A dɛa zi kpo kpo gã 'dã mɛnɔ olo Okanana kɛ nwa ndaka zi wa, takɔ a hã nùi olo wa hã Oisraɛlɛ ni.

Ɛsdrasi 9:11

kɛ mɔ tumba do wala 'da owi dɛa tonɔ 'da mɔ kɛ wa gba olo nu mɔ ni. Mɔ mbisa zi lɛ na, nùi lɛ nɛ ba ma we kulu dɛ tɛ nɛ ni, ma do 'dã mɔ ngɔ nɛ wena, we duzu kɛ ogele winɔ kɛ wa ɔa di ni ni, wa zi a sa wi li mɔ Gale gɔ. 'Dã mɛnɔ 'da wa, kɛ ma la li ngele ni, ma kpa ngɔ nùi ni vɛ̃.

Ezai 66:3

“Nɛ kɛ 'da owinɔ wa dɛ mɛnɔ do kɔ sila wa wele nɛ iko ni, mi dɛ yangga wa gɔ. Wa gbɛ wili ngɔmbɔ, nɛ wa gbɛ 'bɔ wele, nɛ wa hã a do dɔnggamɔ. Wa 'bili gɛlɛ bata, nɛ wa gbini 'bɔ gɛlɛ tolo we hã do dɔnggamɔ. Wa hã dɔnggamɔ fũ, nɛ wa hã 'bɔ tɔkɔ tɛ ngulu do dɔnggamɔ. Wa dɔ yɔmbɔ hã mi, nɛ wa dɔnggɔ 'bɔ ogale bɛlɛnɔ. Nɛ dɔnggamɛnɔ kɛ ma dè gɔ ni, ma ɛ̃fɛ̃ tɛ wa wena.

Yeremi 51:7

“Obabilonia wa ɔ zi nɛ bila mɔ mbali, kɛ ma dunu do nɔ̃lɔ̃ zã 'da mi ni. Mi ba zi ma dɛ kɔ̃ mi, nɛ mi isi dɛ nu owinɔ ngɔ nù gɛ vɛ̃, nɛ wa nɔ, nɛ ma ba wa, nɛ zu wa vĩ.

ALA NU 1:9

Wa hɔa Owi ndi li Gale, nɛ ndi ni, ma 'danga tɛ tulunɔ 'da wa vɛ̃. Wa lengge zi na, mɔ ɔ ni hɔ sɛ hã lo gɔ. Nɛ nde ngangga ni, wa tia kɔ gba 'du kɔ̃, nɛ fo wi ɛfɛ kɔ̃ ɛ hã wa, we ba wa dɛ nza bina. Wa tɛ he mɔ na: “Aa nwa, mɔ zɔ́ 'bakoe 'da lɛ, owi sɛnɛ lɛ wa tɛ dɛ wali ngɔ lɛ!”

EZEKIƐLƐ 20:30

“We duzu ki ni, mɔ tɔ̃ lɛnggɛnɔ mi NWA Gale, mi tɔ̃ gɛ hã obe Israɛlɛ na: Gulu kɛ nɛ nɛ 'do dɛa mɔ tɛ oyaa nɛ ni we ge nde? Nɛ dɔngga kpo kpikimanɔ wa dɔnggɔ zi wa ni, nɛ nɛ hɔa Owi ndi ɔ nɛ wa ni.

EZEKIƐLƐ 24:11

'Do nɛ, nɛ wa e wila sasoe dɛ ngɔ kalĩnɔ, takɔ ma hɔ we, nɛ ndi tɛ nɛ ma e, nɛ sasoe sa.

EZEKIƐLƐ 24:13

“Le Yeruzalɛmɛ dunu do Sɔkpɔ tala 'dã mɛnɔ vɛ̃. Nɛ mi kɔ̃a zi we fɔlɔ ma takɔ ma sa, nɛ nde ma kɔ̃̀ we sa nɛ gɔ. Ma kɛ ma 'bana sɛ do ndi na mɛ ni gbaa na, mi hɔ Sɔkpɔ nɔ̃lɔ̃ zã 'da mi dɛ tɛ nɛ sɛ nɛ de.

EZEKIƐLƐ 28:13

Mɔ ɔ zi tɛ Edɛnɛ, fɔɛ 'da mi Gale. Mɔ hi'da zi tulu kɛ wa gɛza ma do odia ta olo gã golenɔ gɛ: sardɔanɛ, topazɛ, yaspɛ, krizolitɛ, berilɛ, ɔniksi, lazulitɛ, ɛskarbukɛlɛ do emɛrɔdɛ. Mɔ hi'da zi omɔ 'dafa tɛ wi, kɛ wa dula ma do mɔ mbali. Wa dula zi ma do tũi mi Gale, mi dɛa do mɔ ni.

EZEKIƐLƐ 36:25

Mi sulu sɛ gɛ̃lɛ̃ li lì dɛ ngɔ nɛ, nɛ ma fɔlɔ ndi kpikimanɔ do gele ndinɔ tɛ nɛ do'do.

DANIƐLƐ 11:38

Olo li sambala ogalenɔ ni, nɛ a dɔnggɔ sɛ kɛ 'da a tati a gale bolo. Nɛ gale ni sɛ a gale kɛ oyaa a wa ĩ̀ zɛ́ mbe ti a gɔ ni. A dɔnggɔ sɛ a do dɔnggamɔ mɔ mbali, do fɛ̃a mɔ bolo, do odia ta olo gã gole, do mbe gele mɔ olo gã gole.

OZE 9:10

NWA tɔ̃a na: “Kuti kɛ mi kpa zi nɛ, obe Israɛlɛ ni, ma dia zi ɔ nɛ mi kpa be ganza wala te vinɔ li go ni. Nɛ 'da fala kɛ mi zɔa zi oyaa nɛ ni, ma ɔ zi nɛ mi zɔa kuti wala te kɛ ma fila ngɔ te nɛ ni. Nɛ nde 'da fala oyaa nɛ wa nɛa we hɔ tɛ Bɛtɛ-Peɔrɛ ni, nɛ wa hã tɛ wa we dɔnggɔ gale Bala. Nɛ wa ngboo ni, wa dɛa mɔ sape ɔ nɛ galenɔ kɛ wa kɔ̃a gɛnɛ wa ni.

Mbulanɔ 29:17

Kɔ nɛ dɛ zĩ na, da dɛ kɔ wele kpo sanga nɛ gɛ, wi wili, tabi wuko, tabi nu kpala nɛ, tabi nu kɔnggɔ nɛ síkí 'do ɛ lo do NWA Gale 'da lɛ, we dɔnggɔ galenɔ 'da ogele nu kɔnggɔnɔ gɔ. Wele sanga nɛ gɛ dɛ na mɛ ni, nɛ a ɔ sɛ nɛ gbolo, kɛ wele nyɔngɔ, nɛ a fe ni.

USU MƐNƆ 14:8

Nɛ mbé anzɛ hɔa 'dɔkɔlɔ wele kɛ sɔ ni, nɛ a na: “Gã le Babilɔnɛ tia! Ma tia wuku! Mɛ a le kɛ ma ia zi dɔ̃ yɛnggɛ vĩ zu yɛli nu ogele winɔ vɛ, nɛ wa nɔa.”

USU MƐNƆ 18:12

Wa be zi gole mɛnɔ kpi do kpi: mɔ mbali, fɛa mɔ bolo, odia ta do gã gole, do oiyaka, otulu linɛ, do odia fila tulu kpi do kpi, do tulu sɔa. Gili odia te kpi do kpi, do gili mɛnɔ kɛ wa sɛa ma do gogo fɔlɔ, tabi do odia te, tabi wa dolo do tũ mɔ bolo, do mɔ bolo, tabi wa sɛa do ta marbrɛ.

USU MƐNƆ 18:16

Nɛ wa tɔ̃ sɛ na: “'Bako! Kɛ gɛ a 'bako ge nde! Gã le gɛ ɔ zi nɛ wuko kɛ a hi'da tulu linɛ, do dia fila tulu kpi do kpi, nɛ mɔ mbali, do odia ta olo gã gole, do oiyaka ma ndele tɛ nɛ kpala kpala.

USU MƐNƆ 19:2

A 'bili we do bɔlɔ nɛ fai. A 'bili we dɛ zu gã wuko ndumba, kɛ a 'danga zi nùi gɛ do vĩ zu yɛli 'da a ni. A bili nu gbã tɔkɔ tɛ owi dɛa tonɔ 'da a hã wuke ni.”

USU MƐNƆ 21:21

Onu ngbonɔ 'bu ngɔ nɛ bɔa ni, wa dɛa ma do dia oiyaka 'bu ngɔ nɛ bɔa, nɛ nu ngbo kpo kpo do iyaka kpo. Nɛ walanɔ kɔ le ni, wa dɛa ma do dia mɔ mbali kɛ ma ɔ nɛ kristalɛ ni.

USU MƐNƆ 9:21

Owinɔ ni wa là 'bɔ fala gbɛ winɔ, do dɛ sɔ̃nɔ, do yɛnggɛ vĩ zu yɛlinɔ, do zũ mɛnɔ gɔ.