USU MƐNƆ 17:3 - WE NU GALE 1995

³ Nɛ Hi Wi 'da Gale lia kɔ mi, nɛ anzɛ la do mi gbaa dɛ li gba zɔ̃ i. Nɛ mi zɔ mbe wuko i mɔ, nɛ nde a dungu ngɔ gba sɔ̃ fila sa'de. Nɛ wa kɔma o'dã li kpa do tɛ sa'de ni vɛ̃, we dã do Gale. Sa'de ni do zu a sambo, nɛ zamba zu a 'bu.

USU MƐNƆ 17:3 Iomraidhean Croise

1 Onwanɔ 18:12

Kɔ fala kɛ mi la di do'do, hã Hi Wi 'da NWA Gale tɛ, hã a ba mɔ la do mɔ dɛ gele fala do olo mi gɛ, nɛ mi dɛ sɛ nɛ nɛ nde? Fala kɛ mi tɔ̃ hã Akabɛ ní, hã a zɔ̀ mɔ gɔ ni, nɛ a gbɛ́ sɛ mi gɔ nde? Mɔ ĩ vɛ̃ na, yolo tɛ gã 'da mi gbaa tia do sɔɛ gɛ, mi a ngbongbo wi dɔnggɔ NWA Gale ngboo.

2 Onwanɔ 2:16

nɛ wa tɔ̃ hã a na: “Lɛ vɛ̃ 'bu lɛ mɔlɔ gɛ a sɔ̃a gbãlã tɛ Owele. Kɔ lɛ kɔ̃a we nɛ, hã lɛ fa wele mɔ. Mbe gɔ, nɛ nde Hi Wi 'da nwa ba a, nɛ a e a ngɔ kala kpo, tabi kɔ gbangɔlɔ̃.” Nɛ Elize bɛ̃ na, wa tɛ nɛ̀ gɔ.

SƆKPƆ DIA ZUMANƆ 8:5

Wuke wele kɛ a fi kɔ̃ a ti 'baka wili a, kɔ wa tɛ nɛ li go i gɛ a wio nde? Mɔ ɔa yala ti te ndimɔ, tɛ kɔ le kɛ naa mɔ kua do mɔ ni, nɛ mi yaka mɔ, nɛ mi tunu mɔ.

EZEKIƐLƐ 11:24

Nɛ Hi Wi 'da Gale ba mi dɛ ngɔ do kɔ yalɛ mi zɔ ni, nɛ a gese mi dɛ 'da owi 'dulinɔ tɛ ngɔ nù Babilonia i. Nɛ mɛnɔ mi zɔa kɔ yalɛ ni, ma bi tũ do'do.

EZEKIƐLƐ 3:12

'Do nɛ, nɛ Hi Wi 'da NWA ba mi dɛ ngɔ, nɛ mi zele gɛlɛ wele do 'do mi tɛ he mɔ nganda wena na: “E kɔ wa dɔnggɔ NWA tɛ fala kɛ a be do gã dɔ̃lɔ̃ li 'da a ni.”

EZEKIƐLƐ 8:3

Nɛ mɔ ɔ nɛ kɔ̃ wi ni ma hɔ, nɛ ma 'be mili zu mi. Nɛ nde mɛnɔ ni vɛ̃, Gale bia ma li mi kɔ yalɛ. Nɛ Hi Wi 'da a ba mi la do mi do kɔ bũi, nɛ a e mi tɛ Yeruzalɛmɛ, do 'do nu ngbo le kɛ ma ka mɔ si gbãlã ngɔ. Mɛ a fala kɛ wa ia do kpikima kɛ ma hã sape hã Gale wena ni.

DANIƐLƐ 11:36

“Nwa ngɔ nù Siri a dɛ sɛ mɛ ma dia tɛ̃ a ni vɛ̃. Zu a ma gã sɛ wena, nɛ a ba sɛ tɛ̃ a na, ɛ nɛa ngɔ ogalenɔ vɛ̃. A tɔ̃ sɛ 'dã we hã Gale kɛ a do nganda vɛ̃. Nɛ a dɛ sɛ ni gbaa we hɔ 'da fala kɛ Gale nɛ hã do etumbui hã a, ɔ nɛ kɛ a handa zi we dɛ ma ni.

DANIƐLƐ 7:20

Nɛ mi kɔ̃a 'bɔ we ĩ ti gulu zamba zu a 'bu ni, do gulu be zamba zu a kɛ ma kunu do 'do, nɛ ma fua ã za zu a talɛ do'do ni. Be za ni do gbali ɛ boe, nɛ ma do nu ɛ, nɛ ma tɔ̃ lɛnggɛ gã zu. Nɛ ma hã zi 'bɔ kili nɛa ngɔ ogele zanɔ vɛ̃.

DANIƐLƐ 7:25

A tɔ̃ sɛ 'dã we do zu li Gale kɛ a gã nɛa ngɔ mɔ vɛ̃ ni, nɛ a hã sɛ ngamɔ hã owinɔ 'da Gale. A fa sɛ we 'danga mbulanɔ do tũ ɛngganɔ 'da wa. Nɛ wa dungu sɛ ti mbula 'da a 'do sabɛlɛ talɛ do dɔ nɛ.

DANIƐLƐ 7:8

Mi nɛ ka mɔ tɛ ozanɔ zu a ni, nɛ mbé be nɛ ma ngɔ kunu dɛ ti gele kɛnɔ ni, nɛ ma fo mbe ã za zu a talɛ do'do. Mbé za ni do gbali ɛ ɔ nɛ gbali wele ni. Nɛ ma 'bɔ do nu ɛ, nɛ ma tɔ̃ lɛnggɛ gã zu.

MATIE 27:28

Nɛ wa hɔla otulunɔ tɛ̃ a ni do'do, nɛ wa he'de gba du fila tulu hã a.

Owi Nɛ Tonɔ 8:39

Kɔ wa nɛa we hɔ nza 'dɔ lì, nɛ Hi Wi 'da Nwa Gale ba Filipɛ la do a do'do, nɛ gã wi ni zɔ̀ 'bɔ a gɔ. Nɛ a si do yangga.

2 TƐSALONIKƐ 2:4

Wi sɛnɛ Gale ni a bɛ̃ sɛ gɛnɛ mɛnɔ vɛ kɛ owele wa sa li nɛ na gale ni, do mɛnɔ vɛ kɛ winɔ wa dɔnggɔ ma ni, nɛ a ba sɛ tɛ a na, ɛ nɛa ngɔ mɛnɔ ni vɛ. Nɛ a nɛ sɛ gbaa we dungu nù kɔ gã tɔa Gale we be tɛ̃ a hã winɔ na, ɛ a Gale ngboo.

USU MƐNƆ 1:10

'Da fala mi zi i mɔ ni, nɛ mbe ngba soe ɛngga kpo, nɛ ngawi 'da Hi Wi Santo lia kɔ mi, nɛ mi zele wala gɛlɛ wele do 'do mi, ma wele nganda wena ɔ nɛ giti mɔtũlũ ni

USU MƐNƆ 12:14

Nɛ wa hã 'baka ziki bɔa hã wuke ni na, a bũlũ do nɛ gbaa dɛ fala kɛ wa 'dafa hã a li gba zɔ̃ i ni. Nɛ a ɔ dɛ di ni, nɛ wa dala a gbaa 'do sabɛlɛ talɛ do dɔ nɛ, nɛ wa zɔ mɔ tɛ a na, dɔ gba sɔ̃ sa'de dɛ́ mɔ do a gɔ.

USU MƐNƆ 12:3

Nɛ mbe gele gba sɔ̃ mɔ hɔa 'bɔ li nza i. Mɛ a gba sɔ̃ sa'de, a gã wena, tɛ̃ a fila kpangbangba, nɛ zu a sambo, nɛ zamba zu a 'bu. Nɛ a gu ndasa nwa zu a sambo ni kpo kpo vɛ.

USU MƐNƆ 12:6

Nɛ wuke yu dɛ tɛ fala Gale 'dafa zi hã a li gba zɔ̃ i ni, we ɔ do i mɔ, takɔ wa dala a gbaa 'do tũ koto do kama bɔa do 'bu nɛ gazɛlɛ.

USU MƐNƆ 17:18

“Nɛ wuke kɛ mɔ zɔa a ni, mɛ a gã le kɛ ma ia mbula ngɔ Onwanɔ nù gɛ vɛ́ ni.”

USU MƐNƆ 17:4

Nɛ wuke ni hi'da dia fila tulu, nɛ mɔ mbali, do ota olo gã gole, do oiyaka ma ndele tɛ nɛ kpala kpala. Nɛ a 'bia bila mɔ mbali, kɛ ma dunu do sɔkpɔ o'dã mɔ kpi do kpi, nɛ mɛ a ndi mɔ sapenɔ 'da a ni dɛ kɔ̃ a.

USU MƐNƆ 18:12

Wa be zi gole mɛnɔ kpi do kpi: mɔ mbali, fɛa mɔ bolo, odia ta do gã gole, do oiyaka, otulu linɛ, do odia fila tulu kpi do kpi, do tulu sɔa. Gili odia te kpi do kpi, do gili mɛnɔ kɛ wa sɛa ma do gogo fɔlɔ, tabi do odia te, tabi wa dolo do tũ mɔ bolo, do mɔ bolo, tabi wa sɛa do ta marbrɛ.

USU MƐNƆ 18:16

Nɛ wa tɔ̃ sɛ na: “'Bako! Kɛ gɛ a 'bako ge nde! Gã le gɛ ɔ zi nɛ wuko kɛ a hi'da tulu linɛ, do dia fila tulu kpi do kpi, nɛ mɔ mbali, do odia ta olo gã gole, do oiyaka ma ndele tɛ nɛ kpala kpala.

USU MƐNƆ 21:10

Nɛ ngawi 'da Hi Wi Santo lia kɔ mi, nɛ anzɛ la do mi gbaa dɛ ngɔ ngala kala. Nɛ a be Yeruzalɛmɛ, gã le santoe hã mi. Ma yula 'da Gale li nza i, nɛ ma tɛ zĩlĩ dɛ nù nga.

USU MƐNƆ 4:2

Nɛ do ti, nɛ ngawi 'da Hi Wi Santo ba mi la do mi, nɛ mi zɔa kpongbo nwa li nza i, nɛ nde wele dungu ngɔ nɛ.