USU MƐNƆ 17:2 - WE NU GALE 1995

² Onwanɔ nù gɛ, wa yɛnggɛ vĩ zu yɛli do a, nɛ owinɔ ngɔ nùi gɛ, wa dɛa mɔ sape do a gbaa, kɔ 'dã mɛ 'da a ba wa ɔ nɛ dɔ̃ ni.”

USU MƐNƆ 17:2 Iomraidhean Croise

Yeremi 51:7

“Obabilonia wa ɔ zi nɛ bila mɔ mbali, kɛ ma dunu do nɔ̃lɔ̃ zã 'da mi ni. Mi ba zi ma dɛ kɔ̃ mi, nɛ mi isi dɛ nu owinɔ ngɔ nù gɛ vɛ̃, nɛ wa nɔ, nɛ ma ba wa, nɛ zu wa vĩ.

NAHUMƐ 3:4

Ninivɛ ɔ nɛ wuko ndumba kɛ 'dã mɛnɔ 'da a la li ngele ni. A ɔkɔlɔ zi ogele winɔ, nɛ a vĩ zu wa do dia zɔnga 'da a, do gba sɔ̃ mɛnɔ 'da a, nɛ a kala wa do ngbá.

YOANƐ 2:10

nɛ a aka a na: “Mɔ dɛa ní we ge nde? Ma wia sɔ na, wa kɛ̃ de dɔ̃ɛ, kɔ winɔ wa nɔ gbaa, kɔ ma ba wa do'do, sɛ nɛ wa ĩ ti kɛ̃ kɛ ma dè ngboo gɔɛ ni de. Kɔ mɔ dɛ̃ ní gɔ, nɛ mɔ usu dia lì dɔ̃ɛ gbaa ni we ge nde?”

USU MƐNƆ 14:8

Nɛ mbé anzɛ hɔa 'dɔkɔlɔ wele kɛ sɔ ni, nɛ a na: “Gã le Babilɔnɛ tia! Ma tia wuku! Mɛ a le kɛ ma ia zi dɔ̃ yɛnggɛ vĩ zu yɛli nu ogele winɔ vɛ, nɛ wa nɔa.”

USU MƐNƆ 17:13

Nɛ wa vɛ̃ 'bu ni, wa do linggamɔ kpo na, wa la ngawi 'da wa do dɛa to nwa 'da wa vɛ̃ dɛ kɔ̃ sa'de ni.

USU MƐNƆ 17:17

Mba gɔ, Gale ia dɛ kɔ sila wa na, wa dɛ mɛ kɛ zã ɛ kɔ̃a ni. Mɛ a kɛ na, wa mba linggamɛ 'da wa kpo, nɛ wa hã dɛa to nwanɔ 'da wa hã sa'de ni gbaa na, we nu Gale ma dɛ tɛ̃ ɛ vɛ̃ do'do sɛ nɛ de.

USU MƐNƆ 17:5

Nɛ wa kɔma li kpo dati a, nɛ gulu li ni usu tɛ̃ ɛ usu. Li ni a: “Gã le Babilɔnɛ, naa vĩ zu yɛli do sɔkpɔ mɔ sapenɔ ngɔ nù gɛ vɛ.”

USU MƐNƆ 17:8

Sa'de kɛ mɔ zɔa a ni, a zi do tunu li a, kɔ ngangga ni a 'bɔ bina. Nɛ nde ma 'bana bi sĩ, nɛ a hɔ sɛ nza kɔ gba 'du kɔ̃ɛ, takɔ a la dɛ fala wa nɛ gbɛ do a ni. Nɛ winɔ ngɔ nù gɛ, kɛ 'da fala Gale ndua zɛ́ nyanga dɛ mɛnɔ, nɛ a kɔ̀mɔ̀ zɛ́ li wa kɔ 'Buku Kpasi gɔ ni, wa ɔngbɔ sɛ wena we zɔ sa'de ni, we kɛ a zi do tunu li a, kɔ ngangga ni a 'bɔ bina, nɛ a hɔ sɛ 'bɔ mbé nɛ ni.

USU MƐNƆ 18:23

Nyɛa we mwinda nyɛ́ sɛ 'bɔ kɔ nɛ gɔ, nɛ gɛlɛ wi ba wuko, do wuko ba wili, ma wélé sɛ 'bɔ kɔ le gɛ gɔ. We kɛ zi dati, Owi be golenɔ kɔ le gɛ, wa nɛa zi ngɔ winɔ ngɔ nù gɛ vɛ́ do ngawi, nɛ le gɛ ɔlɔ zi nu fɛlɛ kulanɔ vɛ do dɛa mɔ sɔ̃nɔ 'da a.”

USU MƐNƆ 18:3

We kɛ zi dati, nɛ le ni ia dɔ̃ mɔ sape 'da a nu ogele winɔ vɛ̃, nɛ wa nɔa. Nɛ Onwanɔ ngɔ nùi gɛ, wa yɛnggɛ zi 'bɔ vĩ zu yɛli do a, nɛ owi be golenɔ wa hɔa ogã wi kpamɔ we duzu dia mɛnɔ kɔ le ni.”

USU MƐNƆ 18:9

Nɛ Onwanɔ ngɔ nùi gɛ, kɛ wa yɛngga zi vĩ zu yɛli do a, nɛ wa hã tɛ wa we kpa dia mɛnɔ fala nɛ kpo do a ni, wa zɔ sɛ zɛ̃ we bɛlɛ tɔanɔ 'da a, nɛ wa he sɛ kɔ̃a, nɛ wa bi tɛ wa.

USU MƐNƆ 2:22

Ma kɛ mi nɛ dɛ na, a te do zɛlɛ. Nɛ mi hã sɛ zɛlɛ tɛ hã winɔ kɛ wa dɛ zi mɔ sape do a ni, fala kɛ wa kìfì sila wa gɔ ni.

USU MƐNƆ 3:10

Kɔ we duzu kɛ nɛ dɛa olo nu mi, nɛ nɛ kunu sila nɛ ni, mi fɔmɔ sɛ tɛ mɛ 'bɔ nɛ 'da fala ngamɛnɔ ma kpa sɛ winɔ ngɔ nùi gɛ vɛ̃, we yamba sila wa ni.

USU MƐNƆ 9:21

Owinɔ ni wa là 'bɔ fala gbɛ winɔ, do dɛ sɔ̃nɔ, do yɛnggɛ vĩ zu yɛlinɔ, do zũ mɛnɔ gɔ.