USU MƐNƆ 17:12 - WE NU GALE 1995

¹² “Nɛ zamba zu a 'bu kɛ mɔ zɔa sɔ ni, mɛ a onwa 'bu, kɛ wa tɛ ndò dɛa to nwa 'da wa gɔ. Nɛ nde wa dɛ sɛ to nwa fala nɛ kpo do sa'de ni we sa kpo.

USU MƐNƆ 17:12 Iomraidhean Croise

DANIƐLƐ 7:20

Nɛ mi kɔ̃a 'bɔ we ĩ ti gulu zamba zu a 'bu ni, do gulu be zamba zu a kɛ ma kunu do 'do, nɛ ma fua ã za zu a talɛ do'do ni. Be za ni do gbali ɛ boe, nɛ ma do nu ɛ, nɛ ma tɔ̃ lɛnggɛ gã zu. Nɛ ma hã zi 'bɔ kili nɛa ngɔ ogele zanɔ vɛ̃.

DANIƐLƐ 7:24

Oza sa'denɔ 'bu ni, ma be Onwanɔ 'bu kɛ wa dungu sɛ ngɔ le nwa ni. Wa dɛ sɛ to nwa dɛ 'do ngba wa. Nɛ 'do nɛ, nɛ nwa wele kɛ 'bu ngɔ nɛ kpo a hɔ sɛ, nɛ a si sɛ tɛ̃ ɛ do wanɔ dati ni. A fo sɛ ogele nwa talɛ, sɛ nɛ a ba to nwa 'da a de.

USU MƐNƆ 10:11

Nɛ wa tɔ̃ hã mi na: “Ma wia na, mɔ gba 'bɔ do nu Gale, nɛ mɔ tɔ̃ wenɔ ngɔ odɛlɛ nu fɛlɛ kulanɔ, do nu kpalanɔ, do lɛnggɛnɔ, do onwanɔ hã winɔ.”

USU MƐNƆ 12:3

Nɛ mbe gele gba sɔ̃ mɔ hɔa 'bɔ li nza i. Mɛ a gba sɔ̃ sa'de, a gã wena, tɛ̃ a fila kpangbangba, nɛ zu a sambo, nɛ zamba zu a 'bu. Nɛ a gu ndasa nwa zu a sambo ni kpo kpo vɛ.

USU MƐNƆ 13:1

'Do ki ni, kɔ mi nɛ ka mɔ, nɛ mi zɔ sa'de kpo, a yula 'dɔ gba lì, kɔ a tɛ hɔ nza. Zu a sambo, nɛ zamba zu a 'bu, nɛ wa gu ndasa nwa ngɔ zamba zu a ni kpo kpo vɛ, nɛ wa kɔma 'dã li tɛ ozu a ni kpo kpo vɛ, we dã zu li Gale.

USU MƐNƆ 17:16

Nɛ zamba zu sa'de 'bu, do sa'de kɛ mɔ zɔa ni, wa sɛnɛ sɛ wuko ndumba, nɛ wa kala mɛnɔ kɔ̃ a vɛ, nɛ wa la a do kũlĩ tɛ a iko. Nɛ wa nyɔngɔ sɛ mulu tɛ a, nɛ wa dɔ a do we.

USU MƐNƆ 18:10

Nɛ wa yolo sɛ ndũu we dɛ kili ngamɛnɔ ma kpa a ni, nɛ wa he sɛ na: “'Bako! Kɛ gɛ a 'bako ge nde! Aa Babilɔnɛ, gã le Babilɔnɛ, mɔ nganda zi wena, nɛ 'do sa kpo iko, nɛ nde we 'da mɔ sɔkpɔ vɛ ia nde!”

USU MƐNƆ 18:17

Nɛ 'do sa kpo iko, nɛ nde kpamɛnɔ 'da a 'danga vɛ ia nde!” Owi ba masuanɔ, do Owi nɛ gɛnɛnɔ, Owi dɛ to kɔ masuanɔ, do owinɔ vɛ kɛ wa kpasa we dɛa toe 'da wa 'dɔ gba lì i ni, wa yolo sɛ ndũu,

USU MƐNƆ 18:19

Nɛ wa so sɛ fumbɛlɛ dɛ zu wa, nɛ wa he kɔ̃a, nɛ wa bi tɛ wa, nɛ wa zɛ nu wa do 'bako na: “'Bako! Kɛ gɛ a 'bako ge nde! Owele masuanɔ wa hɔa zi wi kpamɔ we duzu kpamɛnɔ kɔ gã le gɛ. Nɛ 'do sa kpo iko, nɛ nde ma 'danga vɛ ia nde!”