Biblia Todo Logo
Bìoball air-loidhne

- Sanasan -




USU MƐNƆ 17:1 - WE NU GALE 1995

1 'Do ki ni, nɛ mbe kpo sanga anzɛnɔ sambo kɛ wa 'bia zi bilanɔ sambo dɛ kɔ̃ wa ni tɛa, nɛ a tɔ̃ hã mi na: “Mɔ tɛ́, kɔ mi be etumbui kɛ Gale a hã sɛ hã wuko ndumba olo 'dã mɛnɔ 'da a ni hã mɔ. Wuke ni a gã le kɛ wa dɛa ma dɛ nu gba lìnɔ ni.

Faic an caibideil Dèan lethbhreac




USU MƐNƆ 17:1
20 Iomraidhean Croise  

Owi kɔ le Yeruzalɛmɛ wa bɛ zi we nu NWA gɔ, kɔ wa ndua dɛ 'dã mɔ ɔ nɛ wuko ndumba ni we ge nde? Wa zi a wi bɔlɔ zu, nɛ nde dɛ ngangga gɛ, wa hɔa owi gbɛ wi.


“Nɛ tɛ́, kɔ mi 'bili ngbangga 'da nɛ. Nɛ nɛ̀ ngɔ Owi tunu mɛnɔ, do Owi yɛnggɛ vĩ zu yalinɔ do Owi dɛ ndumbanɔ gɔ.


NWA tɔ̃a 'bɔ na: “Aa nɛ, obe Israɛlɛ, nɛ bɛ̃a gɛnɛ mi, nɛ nɛ la fala mi 'do nɛ nyɛla, nɛ nɛ tɔ̃a na, lo kɔ̃̀ we ɔ ti mbula mɔ wele gɔ. Nɛ nɛ nɛa tɛ ngɔ kalanɔ do ti tenɔ kɛ onwá nɛ 'bɔ wena ni, nɛ nɛ yɛnggɛ 'dɔkɔlɔ ogele galenɔ ɔ nɛ owuko ndumba ni.


Aa nɛ, Obabilonia, nɛ ɔ tɛ nu gba lì Efratɛ, nɛ nɛ do kpamɔ wena. Nɛ nde ma Sɔkpɔ do nɛ sɔɛ gɛ ia. Mɛ a Sɔkpɔ kɔ̃ tũ ngɛmɛ li kpamɛnɔ 'da nɛ!


Lì yula ti nù, nɛ ma fo dɛ ti te, nɛ ma 'bɔ oliã nɛ, nɛ nùi gɛ̃a de wena. Nɛ ogbakɔ̃ lì ma pɛsa, nɛ ma fo dɛ ti ogele te zamɔ.


Nɛ wa ma ngɔ tɔ̃ hã ngba wa na: “'Da fala a ma sɔ ngɔ tɔ̃ wenɔ hã lɛ, do tɔ̃ gulu wenɔ wa kɔma kɔ 'Buki 'da Gale li wala i ni, nɛ sila lɛ dùnù sɔ do yangga gɔ nde?”


Nɛ Owi wili bɔa wa hɔa fala kpo, nɛ wa ma ngɔ wele we do Yezu. Winɔ ni a Mɔizɛ do Elia,


'Buki gɛ, ma tɔ̃ lɛnggɛ ngɔ usu mɛnɔ kɛ Yezu Kristo bia hã Owi dɛa tonɔ 'da a, takɔ wa ĩ ti mɛnɔ kɛ ma hɔ sɛ ngangga gɛ ni. Gale bia ma hã Kristo dati, nɛ Kristo tumba anzɛ 'da a we be ma hã mi Yoanɛ, wi dɛa toe 'da a.


'Do ki ni, nɛ mi zɔ mbé gele gã bia mɔ kpo tɛ li nza i, kɛ mɛ a gba mɔ ɔ ɔngba. Oanzɛ sambo wa tɛa do ngamɔ sambo. Nɛ mɛ a tala ngɔ go'do ngamɛnɔ vã, we duzu kɛ wa tɛa we be tala nɔ̃lɔ̃ zã 'da Gale.


Nɛ gã le Babilɔnɛ gbini sanga tɛ ngbɛ ɛ talɛ, nɛ lenɔ ngɔ gele nùnɔ ma 'danga vɛ̃. Nɛ ta zu Gale gba ngɔ Babilɔnɛ, nɛ a ba bila kɛ dɔ̃ nɔ̃lɔ̃ zã 'da a kɔ nɛ ni, nɛ a isi dɛ nu owinɔ kɔ le ni.


Nɛ 'do ki ni, nɛ mi zɔ 'bɔ mbe gele anzɛ li nza i tɛ zĩlĩ dɛ nù nga. A a nwa ngboo, nɛ yele ngbala dɔ̃lɔ̃ li 'da a yila ngɔ nùi vɛ.


A 'bili we do bɔlɔ nɛ fai. A 'bili we dɛ zu gã wuko ndumba, kɛ a 'danga zi nùi gɛ do vĩ zu yɛli 'da a ni. A bili nu gbã tɔkɔ tɛ owi dɛa tonɔ 'da a hã wuke ni.”


Nɛ anzɛ tɔ̃ hã mi na: “Mɔ kɔ́mɔ́ wenɔ gɛ do mbɛti! Winɔ kɛ wa sa mɔ hã wa we nyɔngɔ mɔ dɔ ba ngba wi 'da Be Bata ni, wa a wi yangga.” Nɛ a tɔ̃ 'bɔ na: “Wenɔ gɛ ma yula nu Gale ngboo.”


Nɛ anzɛ kɛ a wele zi we hã mi ni, a 'bia mɔ mbali, wa 'dafa nɛ́ kã gole ni dɛ kɔ̃ a. Mɛ a te we do 'da du mɔ. Nɛ a ba we we do 'da du le, do nu ngbonɔ, do 'da du ngboe ngboo ni.


Nɛ mbe kpo sanga oanzɛnɔ sambo kɛ wa 'bia zi bilanɔ sambo, ma dunu do tala ngɔ go'do ngamɛnɔ sambo ni tɛa, nɛ a tɔ̃ hã mi na: “Mɔ tɛ́! Mi nɛ be wuke kɛ Be Bata nɛ ba a ni hã mɔ.”


Nɛ 'do ki ni, nɛ mbé mɔ hɔa li mi do li yalɛ. Mi ka mɔ li nza i, nɛ mi zɔ nu tɔa kpo, nɛ nde ma hũi. Nɛ mi zele 'bɔ wala gɛlɛ wi kɛ mi zila sɔ dati ni, ma wele nɛ́ mɔtũlũ ni. Nɛ ma tɔ̃ hã mi na: “Mɔ ku dɛ 'da mi nga, kɔ mi be mɛnɔ kɛ ma hɔ sɛ do 'do ni hã mɔ.”


Lean sinn:

Sanasan


Sanasan