USU MƐNƆ 16:9 - WE NU GALE 1995

⁹ Nɛ wese ma ngɔ to nganda wena, nɛ ma dɔa winɔ, nɛ winɔ wa ma ngɔ dã zu li Gale kɛ a do ngawi we tombo ngamɛnɔ ni. Gɛnɛ kɔ na mɛ ni, nɛ nde wa là fala 'dã mɛnɔ 'da wa we dɔnggɔ Gale gɔ.

USU MƐNƆ 16:9 Iomraidhean Croise

2 Onwanɔ 6:33

Elize 'bana tɔ̃ tɔ̃a iko, nɛ nwa hɔ, nɛ a na: “Wi hã ngamɛnɔ gɛ vɛ̃ hã lɛ wi a NWA Gale. Ma ɔ ni, nɛ nde mi wè 'bɔ we gbini zã mi do a gɔ.”

2 Sakonɔ 28:22

Do ngba soe kɛ wa linggi Ahazɛ ni, nɛ nde a dɛ mɛnɔ kɛ ma dè tɛ nwa gɔ ni dɛa fai.

Ezai 1:5

Nɛ 'bana dɛ nga zu fai, nɛ kɔ̃a na, a gbangba 'da ngamɛ 'da nɛ nde? Zu nɛ vɛ̃ do dani, nɛ sila nɛ ba zɛlɛ.

Ezai 8:21

Owinɔ wa mbɔka vɛ̃, wa yɛnggɛ ngɔ nù 'da wa tu tu, fo nyɔngɔmɔ kɔ zã wa bina. Wɔ tũ li wa, nɛ wa ma ngɔ 'danga nu wa hã nwa ngɔ wa, nɛ wa 'danga 'bɔ nu wa hã Gale 'da wa. Wa ka mɔ ngɔ,

Yeremi 13:6

Olo nɛ la dɔa kɔ̃ tũ, nɛ NWA tɔ̃ hã mi na, mi kpolo tɛ mi nu lì Fara i we ba 'dɛ̃ zi mi usu ni.

Yeremi 5:3

Ĩ na, mɔ NWA, mɔ kɔ̃a bɔlɔ zu dɛa mɔ. Mɔ hã etumbu hã wa, nɛ nde wa lénggé nɛ gɔ. Mɔ zɛlɛ tɛ wa, nɛ nde wa zélé mɔ gɔ. Wa dɛ mɛnɔ vɛ̃ do nga zu, nɛ wa bɛ̃ we kpolo tɛ wa 'da mɔ.

EZEKIƐLƐ 24:13

“Le Yeruzalɛmɛ dunu do Sɔkpɔ tala 'dã mɛnɔ vɛ̃. Nɛ mi kɔ̃a zi we fɔlɔ ma takɔ ma sa, nɛ nde ma kɔ̃̀ we sa nɛ gɔ. Ma kɛ ma 'bana sɛ do ndi na mɛ ni gbaa na, mi hɔ Sɔkpɔ nɔ̃lɔ̃ zã 'da mi dɛ tɛ nɛ sɛ nɛ de.

LUKA 13:3

Go! Nɛ nde mi tɔ̃ hã nɛ na, fala kɛ nɛ kìfì sila nɛ gɔ, nɛ nɛ vɛ̃ nɛ fe sɛ ɔ nɛ owinɔ ni.

LUKA 13:5

Gɔ! Nɛ nde mi tɔ̃ hã nɛ na, fala kɛ nɛ kìfì sila nɛ gɔ, nɛ nɛ vɛ̃ nɛ fe sɛ ɔ nɛ owinɔ ni.”

2 KORINTƐ 12:21

Nɛ mi 'bɔ do kili na, dɔ mi nɛ hɔ 'da nɛ i, nɛ mi kpá sape li Gale gɔ. Nɛ mi he sɛ kɔ̃a we duzu ombe gili winɔ sanga nɛ ni, kɛ wa dɛa zi 'dã mɛnɔ, nɛ wa là fala nɛ gɔ, nɛ wa 'bana tɛ dɛ mɔ sape, do yɛnggɛ vĩ zu yali, do dɛ 'dã mɛnɔ vɛ́ ni.

Yozue 7:19

Nɛ Yozue tɔ̃ hã Akanɛ na: “Be 'daa, ma wia na mɔ dɛ kili NWA Gale 'da lɛ obe Israɛlɛ. Mɔ tɛ kàfà gɔ, kɔ mɔ tɔ̃ kɛ vɛ̃ mɔ dɛa ni. Mɔ tɛ ùsù mɔ kpo gɔ.”

USU MƐNƆ 11:13

Nɛ do 'da fala nɛ ni, nɛ nùi tana nganda wena, nɛ kpo mbee 'bu gã le ni gbini, nɛ ma gbɛa Owele koto sambo do ti. Nɛ kili ba owanɔ kɛ wa 'bana ni, nɛ wa dɔngga Gale, kɛ a li nza i ni.

USU MƐNƆ 14:7

Nɛ a he mɔ dɛ ngɔ na: “Nɛ dɛ́ kili Gale, nɛ nɛ dɔnggɔ a! Mba gɔ, ngba soe a nɛ 'bili do we 'da owinɔ ni, ma hɔa ia. Nɛ dɔ́nggɔ́ wi kɛ a dɛa li nza do nùi, gba lì, do be lìnɔ ni!”

USU MƐNƆ 16:21

Nɛ gba kolo gbãlã mũlũ yula li nza i, nɛ ma ala dɛ ngɔ winɔ nù nga. Kili gbãlã mũlũ kpo wia 'bu kilo nalɛ. Nɛ ma ala dɛ ngɔ winɔ, nɛ wa ma ngɔ dã zu li Gale we nɛ, we duzu kɛ ngamɛ ni ma nganda zi do wa la li ngele.

USU MƐNƆ 2:21

Mi hã ngba soe hã a na, a kifi sila a. Nɛ nde a kɔ̃̀ we la fala dɛ mɔ sape ni gɔ.

USU MƐNƆ 9:20

Nɛ tala winɔ kɛ ngamɛnɔ ni gbɛ̀ wa gɔɛ ni, wa kɔ̃̀ we fo sila wa ngɔ mɛnɔ wa dɛa do kɔ̃ wa ni gɔ. Wa là fala dɔnggɔ 'dã hi winɔ do okpikimanɔ gɔ. Wa dula okpikimanɔ ni do mɔ mbali, tabi fɛ̃a mɔ bolo, tũ mɔ bolo, tabi wa sɛa ma do ota tabi ote. Nɛ mɛnɔ ni ma zɔ́ mɔ gɔ, nɛ ma zélé we gɔ, nɛ ma nɛ́ nɔ gɔ.