USU MƐNƆ 16:8 - WE NU GALE 1995

⁸ Nɛ nalɛ anzɛ sulu ngamɛ kɔ bila kɔ̃ a ni dɛ li wese, nɛ ma dɛa na wese to, nɛ ma dɔ winɔ nganda wena.

USU MƐNƆ 16:8 Iomraidhean Croise

Ezai 24:23

Sape ma ba sɛ li zɛkɛ do wese, nɛ ma tó sɛ 'bɔ gɔ. Mba gɔ, NWA Gale ngɔ mɔ nyanga nza vɛ̃, a dungu sɛ nwa kɔ le Yeruzalɛmɛ, tɛ ngɔ kala Sioni. Nɛ dɔ̃lɔ̃ li 'da a ma be sɛ tɛ̃ ɛ dati okumunɔ kɔ le ni.

YONASI 4:8

Fala wese hɔa ngɔ, nɛ Gale fi bawe bũ, nɛ ma yolo do si 'biti gba wese, nɛ wese dɔa zu Yonasi nganda wena. Nɛ ma 'bana sĩ na, li a tũ. Nɛ a kɔ̃a na ɛ fe do'do, nɛ a tɔ̃ na: “Fe fio dia tɛ mi nɛa ngɔ dungu nza.”

MATIE 13:6

Kɔ wese nɛa we nganda nɛ, nɛ bɔlɔ kpalɛ ni kula do'do, we duzu kɛ liã nɛ nyɛ̀lɛ̀ dɛ ti nù i gɔ.

LUKA 21:25

“Nɛ omɔ ma dɛ sɛ li wese, do zɛkɛ, do osɔlanɔ. Nɛ ngɔ nù nga, sila owinɔ ma ɔ sɛ ngɔ ngbũu, nɛ wa zele sɛ giti ngele gba lì kɛ ma sulu ni, nɛ wa tana kili.

Owi Nɛ Tonɔ 2:20

Li wese ma tũ sɛ mbĩi, nɛ li zɛkɛ ma fele ɔ nɛ tɔkɔ ni. Mɛnɔ ni vɛ̃ ma hɔ sɛ dati kɔ̃ tũi kɛ mi Nwa, mi nɛ gɔnɔ do ngbangga 'da owinɔ ni. Mɛ sɛ a gã ngba soe be dɔlɔ li 'da mi.

USU MƐNƆ 14:18

Nɛ mbé gele anzɛ, kɛ a a wi zɔ mɔ tɛ nyɛa we ngɔ gbagala kɛ wa hã do dɔnggamɛnɔ hã Gale ni, a yula fala gbagala ni, nɛ a tɛ, nɛ a he mɔ dɛ ngɔ hã wele kɛ a do tɔ̃a nu dugbi dɛ kɔ̃ a ni na: “Wala te vinɔnɔ ngɔ nù gɛ fila ia! Kɔ mɔ fí dugbi 'da mɔ, hã mɔ ndo sɛlɛ ma.”

USU MƐNƆ 6:12

Nɛ 'do ki ni, nɛ Be Bata ɛ́lɛ́ gazɛlɛ ndaka nu 'buki ni. Nɛ do 'da fala ni, nùi ma ngɔ tana nganda wena, nɛ li wese tũ ɔ nɛ tũ tulu ni, nɛ li zɛkɛ fele ɔ nɛ tɔkɔ ni.

USU MƐNƆ 7:16

Nɛ wɔ tabi wɔ lì bá sɛ wa gɔ. Nɛ wese dɔ́ sɛ wa gɔ, nɛ tɛ wa gí sɛ 'bɔ gɔ.

USU MƐNƆ 8:12

'Do nɛ, nɛ nalɛ anzɛ dama mɔtũlĩ 'da a, nɛ kpo mbee talɛ li wese bi, nɛ kpo mbee talɛ li zɛkɛ do sɔlanɔ bi 'bɔ. Na mɛ ni, nɛ kpo mbee talɛ gba wese, do kpo mbee talɛ tũi, fo zi mɔ tu tua bina.

USU MƐNƆ 9:2

Nɛ sɔla ni hũi nu 'du kɔ̃ɛ, nɛ gba zɛ̃ we ma ngɔ kutu dɛ ngɔ ɔ nɛ zɛ̃ we bɛlɛ fɔ ni. Nɛ ma kpe li wese do nyanga nza vɛ, nɛ ma tũ mbĩi.