USU MƐNƆ 16:7 - WE NU GALE 1995

⁷ Nɛ 'do ki ni, nɛ mi zele wala gɛlɛ wele ma yula tɛ gbagala i tɛ tɔ̃ na: “Ma a ni, Nwa Gale do nganda vɛ̃! Mɔ 'bili we 'da owinɔ do wala do nɛ, do bɔlɔ nɛ ngboo!”

USU MƐNƆ 16:7 Iomraidhean Croise

Ezai 6:6

Nɛ mbe kpo kɔ oanzɛnɔ bũlũ dɛ 'da mi nga, nɛ a ba be sa'ba dɛ kɔ a, nɛ nde a 'bɔmɔ do mbe kalĩ wenɔ ngɔ gbagala i ni.

EZEKIƐLƐ 10:2

Nɛ Gale tɔ̃ hã wi wili kɛ a hi'da tulu linɛ ni na: “Mɔ lá do sanga okolonɔ kɛ ma dɛ ti Otunu li mɛnɔ ni, nɛ mɔ kpa sɛ okãlĩ we di ni, nɛ mɔ kala ma, nɛ mɔ nɛ hã mɔ kpã ma dɛ ngɔ le vɛ̃.” Nɛ mi zɔ wi wili ni tɛ nɛ we kala kalĩ wenɔ ni.

EZEKIƐLƐ 10:7

Nɛ mbe kpo sanga Otunu li mɛnɔ nalɛ ni, ɛfɛ kɔ ɛ dɛ tɛ nyɛa we kɛ ma kɔlɔ do wi ni, nɛ a kala mbe kalĩ wenɔ, nɛ a a ma dɛ kɔ wi wili ni. Nɛ wi wili ni kala ma, nɛ a la.

USU MƐNƆ 1:8

Nwa Gale kɛ a do nganda vɛ, kɛ a zɛ́ boe, nɛ a sɔɛ gɛ boe, nɛ a tɛ sɛ ni, a tɔ̃a na: “Mi a Alfa do Omega.” Gulu nɛ na: “Ndo nyanga mɛnɔ vɛ̃ wi a mi, nɛ sɔkpɔ mɛnɔ vɛ 'bɔ a mi.”

USU MƐNƆ 13:10

Wi kɛ ma we na, a la kɔlɔ 'duli, nɛ a la sɛ. Nɛ wi kɛ ma we na, wa gbɛ a do du kɔya, nɛ wa gbɛ sɛ a do du kɔya. Kɔ we duzu ki ni, ma wia na, owinɔ 'da Gale wa kunu sila wa, nɛ wa 'bana do kɔ̃a we dɛ 'da Gale.”

USU MƐNƆ 14:10

a nɔ sɛ dɔ̃ nɔ̃lɔ̃ zã 'da Gale. A nɔ sɛ nga dɔ̃ɛ ni, nɛ ma e kɔ bila nɛ vɛ. Winɔ kɛ wa dɛ mɛnɔ ní ni, tɛ wa ma zɛlɛ sɛ li gba nyɛa we, dɛ li oanzɛ santonɔ, do li Be Bata.

USU MƐNƆ 14:18

Nɛ mbé gele anzɛ, kɛ a a wi zɔ mɔ tɛ nyɛa we ngɔ gbagala kɛ wa hã do dɔnggamɛnɔ hã Gale ni, a yula fala gbagala ni, nɛ a tɛ, nɛ a he mɔ dɛ ngɔ hã wele kɛ a do tɔ̃a nu dugbi dɛ kɔ̃ a ni na: “Wala te vinɔnɔ ngɔ nù gɛ fila ia! Kɔ mɔ fí dugbi 'da mɔ, hã mɔ ndo sɛlɛ ma.”

USU MƐNƆ 19:2

A 'bili we do bɔlɔ nɛ fai. A 'bili we dɛ zu gã wuko ndumba, kɛ a 'danga zi nùi gɛ do vĩ zu yɛli 'da a ni. A bili nu gbã tɔkɔ tɛ owi dɛa tonɔ 'da a hã wuke ni.”

USU MƐNƆ 6:9

Nɛ 'do ki ni, nɛ Be Bata ɛ̃lɛ̃ mɔlɔ ndaka nu 'buki ni, nɛ mi nɛ ka mɔ dɛ ti gbagala kɛ wa hã dɔnggamɛnɔ hã Gale ngɔ nɛ ni, nɛ mi zɔ ohi wele. Mɛ a hi owinɔ wa gbɛa zi wa, we kɛ wa kɔ̃a gɛnɛ we nu Gale, nɛ wa bia ma hã winɔ ni.