USU MƐNƆ 16:6 - WE NU GALE 1995

⁶ Mba gɔ, owinɔ ni, wa a zi tɔkɔ tɛ winɔ 'da mɔ, do owi gba olo nu mɔ nù. Kɔ ngangga ni, mɔ hã tɛ mɛ 'bɔ tɔkɔ hã wa na, wa nɔ, nɛ ma wia olo li 'dã mɛnɔ 'da wa.”

USU MƐNƆ 16:6 Iomraidhean Croise

2 Onwanɔ 24:4

A gbɛa zi Owele kɛ wa dɛ̀ 'dã mɔ gɔ ni. Nɛ le Yeruzalɛmɛ dunu zi do tɔkɔ tɛ winɔ ni, nɛ NWA Gale kɔ̃ zi 'bɔ we mbɔkɔ 'dã mɛ ni gɔ.

Kulu Tɔa 21:24

gbali wi olo gbali wi, gogo wi olo gogo wi, kɔ̃ wi olo kɔ̃ wi, nyanga wi olo nyanga wi,

Kulu Tɔa 7:17

We duzu bɛ̃a we 'da a, ma kɛ NWA tɔ̃a na, di ngangga ni, a ĩ sɛ na, ɛ a NWA kɛ ɛ do ngawi ni. Nɛ mɔ Mɔizɛ, mɔ zɛ sɛ lì Nilɛ do dɔndɔlɛ, nɛ ma kifi sɛ tɔkɔ.

Ezai 49:26

Mi dɛ sɛ na, owinɔ kɛ wa hã ngamɛ hã nɛ ni, wa gbɛ ngba wa dɛ sanga ngba wa. Wa zɔ sɛ tɔkɔ tɛ ngba wa, nɛ zu wa ma zĩ sɛ, ɔ nɛ kɛ wa nɔa mbé dɔ̃ ni. Na mɛ ni, nɛ owinɔ ngɔ nùi gɛ vɛ̃, wa ĩ sɛ na, mi NWA, mi a wi kpasa nɛ, nɛ mi a mi fo nɛ kɔ ngamɔ. Nɛ wa ĩ sɛ 'bɔ na, mi a Gale ngawi 'da nɛ, obe Israɛlɛ.”

Yeremi 2:30

Mi hã zi etumbu hã nɛ, nɛ nde nɛ kpòlò linggamɛ 'da nɛ gɔ, nɛ etumbui ni dɛ̀ mɔ hã nɛ gɔ. Dɛ ngɔ nɛ, nɛ gbɛa Owi gba olo nu mi, ɔ nɛ kɛ ogbɔgbɔ wa gbɛ do Owele ni.”

Yeremi 26:11

Nɛ onganganɔ, do Owi gba olo nu Gale, wa tɔ̃ hã wa do owinɔ vɛ̃ na: “Wi gɛ, a wia do fio, we kɛ a tɔ̃a 'dã we dɛ ngɔ le Yeruzalɛmɛ. Nɛ do tɛ nɛ, nɛ zila wenɔ a tɔ̃a ni.”

Yeremi 26:16

Owi olo li nwa, do owinɔ vɛ̃ wa nɛa we zele ni, nɛ wa tɔ̃ hã onganganɔ, do owi gba olo nu Gale na: “Wi gɛ, a wè do fio gɔ, we duzu kɛ wenɔ a tɔ̃ hã lɛ gɛ, mɛ a we nu NWA Gale 'da lɛ ngboo.”

ALA NU 4:13

Nɛ nde ma dɛa tɛ̃ ɛ ní, we duzu yɔa ti dɛa mɛ 'da Owi gba olo nu Gale, do 'dã mɛnɔ 'da onganganɔ kɛ wa gbɛa zi Owi bɔlɔ zunɔ ni.

EZEKIƐLƐ 32:6

Mi a sɛ tɔkɔ tɛ mɔ dɛ ngɔ kalanɔ, nɛ nùi nɔmɔ ma, nɛ lìnɔ ma dunu sɛ do tɔkɛ ni.

MATIE 7:2

We kɛ Gale a 'bili sɛ we 'da nɛ kpasaa ɔ nɛ kɛ nɛ 'bili do wenɔ 'da ngba nɛ ni. Mɛ nɛ we do mɔ hã ngba nɛ ni, Gale a we sɛ tɛ mɛ 'bɔ do mɔ hã nɛ.

LUKA 12:48

Nɛ nde wi dɛa toe kɛ a ĩ̀ ti we zã wele a gɔ, kɔ a dɛ 'dã mɔ do ta zu a iko ni, nɛ wa zɛ sɛ a 'bana sanga. Wi kɛ wa hã mɔ hã a wena ni, nɛ wa aka sɛ a we mɔ wena. Nɛ wele kɛ wa a ngɔ gili omɔ dɛ kɔ̃ a dɛlɛ wena ni, nɛ wa aka sɛ tɛ mɛ 'bɔ a we omɔ wena.

OHEBRE 10:29

Kɔ ma ɔ na mɛ ni, nɛ nɛ lengge na ge nde? Wi kɛ a zɔ Be 'da Gale li a yala iko, nɛ a faka gba tɔkɛ kɛ Gale fua do ku'da 'dã mɛnɔ zu a ni na, fo gulu nɛ bina, nɛ a dã 'bɔ zu li Hi Wi Santo kɛ a be dia zã 'da Gale hã lɛ ni, a kpá sɛ zɛlɛ tɛ 'danga nɛ ngɔ wele kɛ sɔ ni gɔ nde?

USU MƐNƆ 11:18

Zã ogele winɔ nɔ̃lɔ̃ zi dɛ tɛ mɔ wena, nɛ nde tũi kɛ mɔ nɛ be do nɔ̃lɔ̃ zã 'da mɔ ni, ma wia ia. Mɛ a tũi kɛ mɔ nɛ 'bili do we 'da ofionɔ. Nɛ mɛ 'bɔ a tũ si do de mɔ hã owi dɛa tonɔ 'da mɔ, kɛ wa gba olo nu mɔ ni, do winɔ 'da mɔ vɛ̃, ogã winɔ do obe winɔ kɛ wa dɔnggɔ mɔ dɔngga ni. Mɛ a tũi kɛ mɔ nɛ kumu do winɔ kɛ wa 'danga zi nùi gɛ ni.”

USU MƐNƆ 13:10

Wi kɛ ma we na, a la kɔlɔ 'duli, nɛ a la sɛ. Nɛ wi kɛ ma we na, wa gbɛ a do du kɔya, nɛ wa gbɛ sɛ a do du kɔya. Kɔ we duzu ki ni, ma wia na, owinɔ 'da Gale wa kunu sila wa, nɛ wa 'bana do kɔ̃a we dɛ 'da Gale.”

USU MƐNƆ 13:15

Nɛ wa hã 'bɔ ngawi hã bɔa sa'de na, a ufu bũ kpasi dɛ kɔ hi kuti sa'de, takɔ a wele we, nɛ a gbɛ owinɔ vɛ kɛ wa kɔ̃̀ we dɔnggɔ a gɔ ni.

USU MƐNƆ 18:20

Aa nɛ, winɔ li nza i, nɛ dɛ́ yangga, we kɛ le Babilɔnɛ tia. Aa nɛ, winɔ 'da Gale, do Owi nɛ tonɔ 'da a, do owi gba do nu a, nɛ dɛ́ yangga! We kɛ Gale 'bili 'dã gulu we hã a, we 'dã mɛnɔ a dɛa zi do nɛ ni.

USU MƐNƆ 18:24

Le Babilɔnɛ tia, we duzu tɔkɔ tɛ owi gba olo nu Gale, do owinɔ 'da Gale, kɛ wa gbɛa zi wa ni. Gbãlã we, wa kpa tɔkɔ tɛ winɔ vɛ kɛ wa gbɛa zi wa ngɔ nù gɛ ni dɛ di ni.

USU MƐNƆ 19:2

A 'bili we do bɔlɔ nɛ fai. A 'bili we dɛ zu gã wuko ndumba, kɛ a 'danga zi nùi gɛ do vĩ zu yɛli 'da a ni. A bili nu gbã tɔkɔ tɛ owi dɛa tonɔ 'da a hã wuke ni.”