USU MƐNƆ 16:5 - WE NU GALE 1995

⁵ Nɛ mi zele gɛlɛ anzɛ kɛ a zɔ mɔ tɛ lìnɔ ni tɛ tɔ̃ na: “Aa Gale, mɔ a santo! Mɔ zɛ́ boe, nɛ mɔ sɔɛ gɛ boe. Mɔ dɛ mɔ do wala olo nɛ, we kɛ mɔ 'bili we do bɔlɔ nɛ.

USU MƐNƆ 16:5 Iomraidhean Croise

Ndo Nyanga Dɛ Mɔ 18:25

Ɔ̃ ɔ̃, mɔ wè tɛ gbɛ owi bɔlɔ zu fala nɛ kpo do owi dɛ 'dã mɔ gɔ. We kɛ mɔ dɛ ni, nɛ ma ɔ sɛ nɛ kɛ de wi do 'dã wi wa wia kɔ̃ li mɔ iko ni. Mɔ, kɛ mɔ a wi gɔnɔ we 'da owinɔ nyanga nza gɛ vɛ̃ ni, ma wè na, mɔ gɔnɔ we do bɔlɔ nɛ gɔ nde?”

Zumanɔ 129:4

Nɛ nde NWA a wi bɔlɔ zu, a fua lɛ kɔ ngbá ti kɔ̃ o'dã winɔ.”

Zumanɔ 145:17

NWA dɛa mɛnɔ vɛ̃ do wala olo nɛ, nɛ dia zã 'da a be tɛ̃ ɛ kɔ mɛnɔ vɛ̃ a dɛa ni.

ALA NU 1:18

“Nɛ nde NWA dɛa do lɛ ni gbãlã we, we kɛ lɛ bɛ̃a zi nu a. Aa nɛ, owinɔ vɛ̃, nɛ zélé we gɛ, nɛ nɛ zɔ́ ngamɛ 'da lɛ! Wa kala obe zagbãlãnɔ, do obe zɔnga benɔ 'da lɛ, nɛ wa la do wa.

DANIƐLƐ 9:14

Ma kɛ mɔ dɛa na, lɛ kpa 'bakoe gɛ, ɔ nɛ kɛ mɔ tɔ̃a zi ni. Mba gɔ, mɛnɔ vɛ̃ kɛ mɔ NWA Gale 'da lɛ mɔ dɛ ni, ma a bɔlɔ, nɛ nde lɛ bɛ̃a we zele mbulanɔ 'da mɔ.

YOANƐ 17:25

Baa mi, mɔ a wi bɔlɔ zu, nɛ winɔ nù gɛ wa ĩ̀ ti mɔ gɔ. Nɛ nde mi ĩ ti mɔ, nɛ wanɔ kɛ mi do wa gɛ wa ĩ na, wi a mɔ a mɔ tumba mi.

ROMA 2:5

Zu mɔ nganda wena, nɛ mɔ kɔ̃̀ we kifi sila mɔ gɔ. Kɔ we duzu ki ni, mɔ do tɛ mɔ, mɔ fa na, ngbangga kpa mɔ do ngba soe kɛ Gale a be sɛ mãlã 'da a, nɛ a 'bili we 'da winɔ do bɔlɔ nɛ ngboo ni.

ROMA 3:5

Kɔ fala kɛ 'dã mɛ 'da lɛ, ma be bɔlɔ zui 'da Gale dɛ wila fala, nɛ lɛ tɔ̃ sɛ na ge nde? Lɛ tɔ̃ sɛ tabi na, Gale dɛ́ mɔ do bɔlɔ nɛ gɔ, we kɛ a hã etumbu hã lɛ ni nde? (Mi tɔ̃ ɔ nɛ kɛ winɔ vɛ wa wia tɛ tɔ̃ nɛ ni iko.)

USU MƐNƆ 1:4

Mi Yoanɛ, mi tombo balɛ hã nɛ oeklezianɔ tɛ kɔ de sambo ngɔ nù Azi. E kɔ Gale kɛ a zɛ́ boe, nɛ a sɔɛ gɛ boe, nɛ a tɛ sɛ ni, a be dia zã hã nɛ, nɛ a dɛ na, nɛ ɔ do gɛa sila. E kɔ ohi winɔ sambo, kɛ wa yolo dati kpongbo nwa 'da Gale ni, wa be 'bɔ dia zã, nɛ wa hã gɛ̃a dungu hã nɛ.

USU MƐNƆ 1:8

Nwa Gale kɛ a do nganda vɛ, kɛ a zɛ́ boe, nɛ a sɔɛ gɛ boe, nɛ a tɛ sɛ ni, a tɔ̃a na: “Mi a Alfa do Omega.” Gulu nɛ na: “Ndo nyanga mɛnɔ vɛ̃ wi a mi, nɛ sɔkpɔ mɛnɔ vɛ 'bɔ a mi.”

USU MƐNƆ 11:17

tɛ tɔ̃ na: “Aa Nwa Gale, mɔ do nganda vɛ̃, mɔ zɛ́ boe, nɛ mɔ sɔɛ gɛ boe. Lɛ hã iɔ̃nae hã mɔ, we kɛ mɔ bia ngawi 'da mɔ, nɛ mɔ dungu nwa ngɔ nùi gɛ.

USU MƐNƆ 16:4

Nɛ talɛ anzɛ sulu ngamɛ kɔ bila kɔ̃ a ni dɛ 'dɔ fua lìnɔ do zu lìnɔ, nɛ ma kifi 'bɔ tɔkɔ.

USU MƐNƆ 16:7

Nɛ 'do ki ni, nɛ mi zele wala gɛlɛ wele ma yula tɛ gbagala i tɛ tɔ̃ na: “Ma a ni, Nwa Gale do nganda vɛ̃! Mɔ 'bili we 'da owinɔ do wala do nɛ, do bɔlɔ nɛ ngboo!”

USU MƐNƆ 19:2

A 'bili we do bɔlɔ nɛ fai. A 'bili we dɛ zu gã wuko ndumba, kɛ a 'danga zi nùi gɛ do vĩ zu yɛli 'da a ni. A bili nu gbã tɔkɔ tɛ owi dɛa tonɔ 'da a hã wuke ni.”

USU MƐNƆ 4:8

Otunu li mɛnɔ nalɛ ni, wa do 'baka wa gazɛlɛ gazɛlɛ ɔ nɛ 'baka nɔɛ ni. Nɛ gbali wa kpa do tɛ 'baka wa vɛ̃, ombe do ngɔ, nɛ ombe do ti nɛ. Nɛ wa tɛ ga zuma fai, tũ do gba wese na: “Mɔ a santo, mɔ a santo, mɔ a santo. Mɔ a Nwa Gale kɛ mɔ do nganda vɛ̃. Mɔ zɛ́ boe, nɛ mɔ sɔɛ gɛ boe, nɛ mɔ tɛ sɛ.”

USU MƐNƆ 6:10

Kɔ wa tɛ he mɔ do nga gɛlɛ na: “Aa Nwa, mɔ a santo, nɛ mɔ tɔ̃ fai a gbãlã we. Mɔ nɛ 'bɔ gbaa we 'bili we 'da winɔ nù gɛ, nɛ mɔ hã etumbu hã wa do kɛ wa gbɛa zi lɛ ni soe ki nge nde?”