USU MƐNƆ 16:12 - WE NU GALE 1995

¹² Nɛ gazɛlɛ anzɛ sulu ngamɛ kɔ bila kɔ̃ a ni dɛ ngɔ gba lì Efratɛ. Nɛ gba lì ɔ̃sɔ̃ vɛ, nɛ ma hã wala hã nwanɔ kɛ wa yula si 'bili gba wese i ni na, wa la do ma.

USU MƐNƆ 16:12 Iomraidhean Croise

Ezai 11:15

NWA a dɛ sɛ 'bɔ na, gba lì Sala Tɔ̃ tɛ Ezipeto ma ɔ̃sɔ̃. A tombo sɛ bawe bũ dɛ ngɔ gba lì Efratɛ, nɛ ma gɔnɔ sɛ sanga tɛ ngbɛ ɛ do be lì sambo, nɛ winɔ wa kũ sɛ do nyanga wa iko.

Ezai 41:25

“Nɛ zɔ́, mi saka wele kpo na, a yolo do si 'biti gba wese, kɔ a tɛ. Wa ĩ ti a i mɔ de wena. Nɛ wi ni ndua tɛ ma ia. Mi dɛ sɛ na, a hɔ do kɛ si gbãlã ngɔ, kɔ a tɛ we bi winɔ. A tɛ sɛ, nɛ a ma sɛ ogã wi ngɔ lenɔ ti nyanga a ɔ nɛ wi 'bo kpana ma do gili ni.

Ezai 42:15

Mi gbɛsɛ sɛ otɔ̃nɔ do okalanɔ, nɛ mi dɛ sɛ na, owɔkɔsɔnɔ do otenɔ kɛ ma hɔ ngɔ kalanɔ ni, ma kolo vɛ̃. Mi dɛ sɛ 'bɔ na, ogbangɔlɔ̃ lìnɔ ma kifi li go, nɛ ondɔnɔ ma kolo na nù.

Ezai 44:27

Mi ba nu mi hã gba lì, nɛ ma ɔ̃sɔ̃, nɛ ma na nù.

Ezai 46:11

Mi sa mɔ hã wele kpo na, a yolo ndũu tɛ si 'biti gba wese, kɔ a tɛ. Nɛ wi ni a te sɛ ngɔ ogele winɔ ɔ nɛ ziki ni, nɛ a dɛ sɛ mɛnɔ kɛ mi 'dafa ma ni. Mi tɔ̃a ni ia, ma dɛ sɛ tɛ̃ ɛ.

Ezai 8:7

Ma kɛ mi dɛ sɛ na, nwa ngɔ nù Asiri kulu ngɔ do onga wi bolonɔ 'da a, we bi nù Yuda. Wa le sɛ ngɔ nù Yuda do gbɛngɛ tɛ, ɔ nɛ ngele lì Efratɛ, kɛ ma hɛ̃, nɛ ma fo nganda wena, nɛ ma nɛ ngɔ kungba nɛ ni.

Yeremi 51:36

NWA tɔ̃a hã owi kɔ le Yeruzalɛmɛ na: “Mi a mi nɛ zɔ we 'da nɛ, nɛ mi dɛ sɛ na, owi sɛnɛ nɛ wa futa olo mɛnɔ vɛ̃ kɛ wa dɛa zi do nɛ ni. Mi dɛ sɛ na, gba lì, do obe wayanɔ ngɔ nù Babilonia ma ɔ̃sɔ̃ vɛ̃.

USU MƐNƆ 11:14

Bɔa ngamɛ la ia, nɛ nde talɛ ngamɛ ma hɔ sɛ ngangga ni.

USU MƐNƆ 17:15

Nɛ anzɛ tɔ̃ 'bɔ hã mi na: “Lìnɔ mɔ zɔa, kɛ wuko ndumba ɔ nu nɛ ni, mɛ a ogili nu fɛlɛ kulanɔ, do lɛnggɛnɔ, do nu kpalanɔ, do lenɔ vɛ.

USU MƐNƆ 7:2

Nɛ mi zɔ 'bɔ mbé anzɛ, a yula si 'biti gba wese, nɛ a 'bia mɔ gɔnɔ do dã 'da Gale, wele kpasi dɛ kɔ̃ a. Nɛ anzɛ ni hia mɔ nganda wena hã oanzɛnɔ nalɛ, kɛ wa do ngawi we 'danga nùi do gba lìnɔ ni na:

USU MƐNƆ 9:14

Nɛ a tɔ̃ hã gazɛlɛ anzɛ kɛ a do mɔtũlĩ kɔ̃ a ni na: “Mɔ yálá dɔkpɛ tɛ anzɛnɔ nalɛ kɛ wa ɛnzɛ wa dɛ kɛ zã gba lì Efratɛ ni.”