USU MƐNƆ 16:11 - WE NU GALE 1995

¹¹ Nɛ wa ma ngɔ dã zu li Gale kɛ a li nza i ni, we duzu ngamɛnɔ wa zɔ ni, do we gã daninɔ tɛ wa ni. Nɛ nde wa là fala 'dã dɛa mɔ tɛ wa gɔ.

USU MƐNƆ 16:11 Iomraidhean Croise

2 Sakonɔ 28:22

Do ngba soe kɛ wa linggi Ahazɛ ni, nɛ nde a dɛ mɛnɔ kɛ ma dè tɛ nwa gɔ ni dɛa fai.

2 Sakonɔ 36:23

“Nɛ zélé mbula, Sirusi, gã nwa ngɔ nù Pɛrsɛ ba nu a na wa sa ma gɛ. NWA Gale kɛ a li nza i ni, a ia mi na, mi ɔ ngɔ nùnɔ vɛ̃. A hã to hã mi na, mi dɛ mbé tɔa Tɛmpɛlo hã ɛ ko le Yeruzalɛmɛ, tɛ ngɔ nù Yuda. E kɔ nɛ winɔ 'da a kɔ le gɛ vɛ̃, nɛ si dɛ Yeruzalɛmɛ. E kɔ NWA Gale 'da nɛ ɔ do nɛ!”

Ɛsdrasi 1:2

“Nɛ zélé wenɔ kɛ Sirusi, gã nwa ngɔ nù Pɛrsɛ tɔ̃a na, wa sa ma do mbula ni. NWA Gale kɛ li nza i, a ia mi na, mi ɔ nwa ngɔ nùnɔ vɛ̃. A hã to hã mi na, mi dɛ mbé tɔa Tɛmpɛlo hɛ̃ ɛ tɛ Yeruzalɛmɛ, ngɔ nù Yuda.

Ɛsdrasi 6:10

Na mɛ ni, nɛ wa hã sɛ mɛnɔ kɛ ma hã yangga hã Gale kɛ li nza i ni, we dɔnggɔ do a. Nɛ wa sambala sɛ we mi gã nwa, do we obulu benɔ 'da mi.

Ɛsdrasi 7:12

“Mi Artasɛrsɛsi, nwa 'da Onwanɔ, mi kɔma mbɛti gɛ hã nganga Ɛsdrasi, wi ĩ ti mbula 'da Gale kɛ li nza i ni.

Ɛsdrasi 7:21

“Mi gà nwa Artasɛrsɛsi, mi ba nu mi hã Owi fɔmɔ mbilinɔ vɛ̃ ngɔ nùi kulu lì Efratɛ, kɛ si 'biti gɛ̃a wese ni na, wa dɛ mɛnɔ vɛ̃ kɛ nganga Ɛsdrasi a aka sɛ wa we nɛ ni do dia nɛ. Nganga Ɛsdrasi a wi ĩ ti mbula 'da Gale kɛ li nza i ni.

Ɛsdrasi 7:23

“Mbulanɔ vɛ̃ kɛ Gale kɛ li nza i ni, a hã we duzu Tɛmpɛloe 'da a ni, winɔ wa dɛ sɛ ma do wala olo nɛ ngboo. Da dɛ kɔ zã a nɔ̃lɔ̃ dɛ tɛ winɔ 'da mi, tabi dɛ tɛ mi, do obe zã mi gɔ.

NEHEMIE 1:4

'Da fala kɛ mi nɛa we zele Sakonɔ ni, nɛ mi dungu nù, nɛ mi ma ngɔ he nɛ. Mi dungu do 'bako, nɛ mi bɛ̃a nyɔngɔmɔ 'do tũ dɛlɛ wena. Nɛ 'do nɛ, nɛ mi sambala Gale li nza i na:

NEHEMIE 2:4

Nɛ gã nwa aka 'bɔ mi na: “Ní a mɔ kɔ̃a ge nde?” Nɛ mi aka Gale li nza i do ti,

Zumanɔ 136:26

Nɛ dɔ́nggɔ́ Gale wele kɛ li nza i ni, kɔ̃a zã 'da a do ndɔti nɛ bina.

DANIƐLƐ 2:44

'Da fala 'da Onwanɔ ni, nɛ Gale tɛ li nza i, a 'dafa sɛ mbé nu kɔnggɔ wele kɛ wa kúmú sɛ fala kpo gɔ, nɛ gele nu fɛlɛ kula dúngú sɛ 'bɔ nwa ngɔ wa gɔ ni. Nɛ nu kɔnggɔ winɔ ni wa 'danga sɛ okɛnɔ dati ni vɛ̃, nɛ wa 'bana sɛ fai.

YONASI 1:9

Nɛ a gese hã wa na: “Mi a be hebre, mi dɔnggɔ NWA Gale tɛ li nza i, kɛ a dɛa gba lìnɔ do nga nùi ni.”

2 TIMOTE 3:13

Nɛ o'dã winɔ do Owi ɔlɔ winɔ, 'dã mɛ 'da wa ma gã sɛ dɛ dati fai. Wa ɔlɔ sɛ winɔ, nɛ Owele wa ɔlɔ sɛ tɛ mɛ 'bɔ wa.

USU MƐNƆ 11:13

Nɛ do 'da fala nɛ ni, nɛ nùi tana nganda wena, nɛ kpo mbee 'bu gã le ni gbini, nɛ ma gbɛa Owele koto sambo do ti. Nɛ kili ba owanɔ kɛ wa 'bana ni, nɛ wa dɔngga Gale, kɛ a li nza i ni.

USU MƐNƆ 16:2

Nɛ kuti anzɛ la, nɛ a sulu ngamɛ kɔ bila kɔ̃ a ni dɛ ngɔ nùi. Nɛ gã odani kɛ ma zɛlɛ wena ni, ma te tɛ winɔ, kɛ wa gɔna zi dã 'da sa'de dati wa, nɛ wa dɔnggɔ hi a ni.

USU MƐNƆ 16:21

Nɛ gba kolo gbãlã mũlũ yula li nza i, nɛ ma ala dɛ ngɔ winɔ nù nga. Kili gbãlã mũlũ kpo wia 'bu kilo nalɛ. Nɛ ma ala dɛ ngɔ winɔ, nɛ wa ma ngɔ dã zu li Gale we nɛ, we duzu kɛ ngamɛ ni ma nganda zi do wa la li ngele.

USU MƐNƆ 16:9

Nɛ wese ma ngɔ to nganda wena, nɛ ma dɔa winɔ, nɛ winɔ wa ma ngɔ dã zu li Gale kɛ a do ngawi we tombo ngamɛnɔ ni. Gɛnɛ kɔ na mɛ ni, nɛ nde wa là fala 'dã mɛnɔ 'da wa we dɔnggɔ Gale gɔ.

USU MƐNƆ 2:21

Mi hã ngba soe hã a na, a kifi sila a. Nɛ nde a kɔ̃̀ we la fala dɛ mɔ sape ni gɔ.