USU MƐNƆ 16:10 - WE NU GALE 1995

¹⁰ Nɛ mɔlɔ anzɛ sulu ngamɛ kɔ bila kɔ̃ a ni dɛ ngɔ kpongbo nwa 'da sa'de, nɛ gba tũ tũ kɔ le nwa 'da sa'de ni. Nɛ owinɔ wa ma ngɔ nyɔngɔ li gogo wa we ngamɛ ma kpa wa ni.

USU MƐNƆ 16:10 Iomraidhean Croise

Zumanɔ 78:49

Nɛ zã Gale nɔ̃lɔ̃ dɛ tɛ Oezipeto la li ngele, nɛ a hã gã 'bako hã wa. A tumba oanzɛ gbɛ winɔ 'da a dɛ ngɔ wa.

MATIE 13:42

nɛ wa a wa li gba nyɛa we. Nɛ wa he sɛ kɔ̃a tɛ nyɔngɔ li gogo wa dɛ di ni.

MATIE 13:50

nɛ wa a o'dã winɔ li gba nyɛa we. Nɛ wa he sɛ kɔ̃a tɛ nyɔngɔ li gogo wa dɛ di ni.”

MATIE 22:13

Nɛ nwa ni hã nu ɛ hã Owi tonɔ 'da a na: ‘Nɛ ɛ́nzɛ́ kɔ̃ a do nyanga a, kɔ nɛ dá a nza kɔ gba tũ, tɛ fala kɛ a he sɛ kɔ̃a, nɛ a nyɔngɔ li gogo a ni.’ ”

MATIE 24:51

nɛ a hã sɛ etumbu hã a nganda wena. Nɛ a dɛ sɛ do a ɔ nɛ kɛ wa dɛ do owi 'bili bɛlɛnɔ ni. A ndaka sɛ a, nɛ a e a tɛ fala kɛ a he sɛ kɔ̃a, tɛ nyɔngɔ li gogo a ni.”

MATIE 8:12

Nɛ nde wanɔ wa wia sɔ we le kɔ le nwa 'da Gale ni, wa lé sɛ gɔ. Gale a da sɛ wa nza kɔ gba tũ, tɛ fala kɛ wa he sɛ kɔ̃a, nɛ wa nyɔngɔ li gogo wa ni.”

LUKA 13:28

Kɔ fala kɛ nɛ zɔ sɛ Abrahama, do Izaka, do Yakɔbɔ, do owi gba olo nu Gale vɛ̃ tɛ kɔ le nwa 'da Gale i ni, nɛ Gale a da sɛ nɛ nza. Nɛ nɛ ma sɛ ngɔ he kɔ̃a do nyɔngɔ li gogo nɛ.

1 PETRO 2:17

Nɛ dɔ́nggɔ́ winɔ vɛ, nɛ nɛ kɔ̃́ gɛnɛ onya nɛ wi kɔ̃a wenɔ. Nɛ dɛ́ kili Gale, nɛ nɛ zélé nu gã nwa ngɔ nù Roma.

USU MƐNƆ 11:10

Nɛ fie 'da winɔ bɔa ni, ma de sɛ tɛ winɔ ngɔ nù gɛ wena. Wa dɛ sɛ yangga, nɛ wa hã odia mɔ hã ngba wa, we duzu kɛ owinɔ bɔa kɛ wa gba zi olo nu Gale, nɛ wa hã zi ngamɔ hã winɔ ngɔ nù gɛ wena ni, wa fia ia.

USU MƐNƆ 11:2

Nɛ mɔ tɛ wè 'da du li fanda kɛ 'do tɔa Gale nza nga ni gɔ. Mɔ la ma, we kɛ mi la zi ma hã ogele winɔ. Wa tɛ sɛ, nɛ wa ma le santoe gɛ do nyanga wa gbutu gbutu, gbaa 'do tũ koto do kama bɔa do 'bu nɛ gazɛlɛ.

USU MƐNƆ 11:8

Nɛ wɔlɔ wa, ma ɔ sɛ dɛ li fanda tɛ kɔ gã le kɛ wa bɛ̃lɛ̃ zi do Nwa 'da wa ngɔ finda te ni. Wa sa li gã le ni do gba we na Sodɔmɛ, tabi Ezipeto.

USU MƐNƆ 17:17

Mba gɔ, Gale ia dɛ kɔ sila wa na, wa dɛ mɛ kɛ zã ɛ kɔ̃a ni. Mɛ a kɛ na, wa mba linggamɛ 'da wa kpo, nɛ wa hã dɛa to nwanɔ 'da wa hã sa'de ni gbaa na, we nu Gale ma dɛ tɛ̃ ɛ vɛ̃ do'do sɛ nɛ de.

USU MƐNƆ 17:9

“We ĩ ti gulu we gɛ, ma gɔa hã zã. Zu sa'de sambo ni, mɛ a kalanɔ sambo, kɛ wuke dungu ngɔ nɛ ni. Nɛ ma be 'bɔ onwa sambo.

USU MƐNƆ 18:2

Nɛ a hia mɔ nganda wena na: “Gã le Babilɔnɛ tia! Ma tia ia! Di ngangga ni, ma hɔa le 'da ozabulunɔ. Mɛ a fala na 'dã hi winɔ kpi do kpi wa usu do tɛ wa. Onɔɛ ndi kpi do kpi, kɛ owinɔ wa kɔ̃̀ wa gɔ ni wa ɔ dɛ di ni.

USU MƐNƆ 18:21

'Do nɛ, nɛ mbé anzɛ kpo kɛ a nganda wena ni, a ba gba gbɛlɛ ta, ma gã nɛ́ ta hɔnɔ do ble ni, nɛ a da ma 'dɔ gba lì duvwu, nɛ a tɔ̃ na: “Nɛ zɔ́, gã le Babilɔnɛ ma te sɛ na mɛ ni, nɛ wa zɔ́ sɛ 'bɔ mbé tɛ nɛ fala kpo gɔ!

USU MƐNƆ 18:23

Nyɛa we mwinda nyɛ́ sɛ 'bɔ kɔ nɛ gɔ, nɛ gɛlɛ wi ba wuko, do wuko ba wili, ma wélé sɛ 'bɔ kɔ le gɛ gɔ. We kɛ zi dati, Owi be golenɔ kɔ le gɛ, wa nɛa zi ngɔ winɔ ngɔ nù gɛ vɛ́ do ngawi, nɛ le gɛ ɔlɔ zi nu fɛlɛ kulanɔ vɛ do dɛa mɔ sɔ̃nɔ 'da a.”

USU MƐNƆ 8:12

'Do nɛ, nɛ nalɛ anzɛ dama mɔtũlĩ 'da a, nɛ kpo mbee talɛ li wese bi, nɛ kpo mbee talɛ li zɛkɛ do sɔlanɔ bi 'bɔ. Na mɛ ni, nɛ kpo mbee talɛ gba wese, do kpo mbee talɛ tũi, fo zi mɔ tu tua bina.

USU MƐNƆ 9:2

Nɛ sɔla ni hũi nu 'du kɔ̃ɛ, nɛ gba zɛ̃ we ma ngɔ kutu dɛ ngɔ ɔ nɛ zɛ̃ we bɛlɛ fɔ ni. Nɛ ma kpe li wese do nyanga nza vɛ, nɛ ma tũ mbĩi.