USU MƐNƆ 15:4 - WE NU GALE 1995

⁴ Aa Nwa, wi kɛ a dɛ́ sɛ kili mɔ gɔ ni a wio nde? Wi kɛ a bɛ sɛ we dɔnggɔ mɔ ni a wio nde? We duzu kɛ mɔ zu mɔ kpo, mɔ a santo. Onu kpala winɔ ngɔ nù gɛ vɛ wa tɛ sɛ, nɛ wa gu nù ti mɔ we dɔnggɔ mɔ, we kɛ wa zɔa na, mɔ a wi dɛ bɔlɔ zu dɛa mɔ.”

USU MƐNƆ 15:4 Iomraidhean Croise

Zumanɔ 105:7

Gale 'da lɛ wi a NWA, a ia mbula ngɔ nù gɛ vɛ̃.

Zumanɔ 111:9

A fua owinɔ 'da a ti mbula 'da ogele winɔ, nɛ a kpua mbulu hã wa, nɛ mbuli ni ma 'bana sɛ fai. A a Gale santo, a a wi hã kili hã wi.

Zumanɔ 22:23

Mi tɔ̃ sɛ lɛnggɛ mɛnɔ kɛ mɔ dɛa ma ni hã onya mi, nɛ mi dɔnggɔ sɛ mɔ dɛ sanga ogba dɔa winɔ.

Zumanɔ 22:27

Mi sa sɛ mɔ hã owi sãnɔ, nɛ wa nyɔngɔ mɔ, nɛ zã wa hɛ̃. Owinɔ kɛ wa fa mɔ NWA ni, wa dɔnggɔ sɛ mɔ, nɛ tũ kɔ̃ wa ma dɔ sɛ ngɔ nù gɛ, nɛ wa kpa sɛ dia dungu.

Zumanɔ 22:3

Do gba wese, nɛ mi sa mɔ hã mɔ, Gale 'da mi, nɛ nde mɔ kɔ̃̀ nu mi gɔ. Nɛ do tũi, mi sa 'bɔ mɔ hã mɔ fai, nɛ mɔ kɔ̃̀ 'bɔ nu mi gɔ.

Zumanɔ 86:9

Mɔ a mɔ dɛa nu fɛlɛ kulanɔ vɛ̃, nɛ wa tɛ sɛ we gu nù ti mɔ, we dɔnggɔ dɔ̃lɔ̃ li 'da mɔ NWA.

Zumanɔ 89:7

Aa NWA, fo wi we kɔ̃ do mɔ tɛ li nza i bina. Sanga ogalenɔ nyanga nza gɛ vɛ̃, wele kpo wè kɔ̃ do mɔ gɔ.

Zumanɔ 97:8

Aa NWA, owi Sioni wa zɛ kaliã, nɛ owi kɔ lenɔ ngɔ nù Yuda wa dɛ yangga, we duzu 'bili wenɔ 'da mɔ.

Zumanɔ 99:5

Lɛ dɔ́nggɔ́ NWA Gale 'da lɛ, lɛ gú nù dati kpongbo nwa 'da a. Gbãlã we, nwa a santo!

Zumanɔ 99:9

Lɛ dɔ́nggɔ́ NWA Gale 'da lɛ, lɛ gú nù, nɛ lɛ siki li lɛ si 'biti kala 'da a kɛ ma santo. Gbãlã we, NWA Gale 'da lɛ a santo!

Ezai 24:15

nɛ owanɔ si 'biti gba wese, wa 'bu kɔ̃ wa hã NWA. Owanɔ kɛ wa ɔ nu gba lìnɔ ni, wa tɔ̃ de sako li NWA Gale 'da obe Israɛlɛ.

Ezai 25:3

Ma hã owinɔ kɛ wa nganda zi wena ni, wa dɔnggɔ sɛ dɔ̃lɔ̃ li 'da mɔ, nɛ wa dɛ sɛ 'bɔ kili mɔ. Ogã winɔ kɛ wa zɛlɛ zi tɛ ongba wa ni, wa dɛ sɛ 'bɔ kili mɔ.

Ezai 26:9

Do tũi, nɛ mi lengge do mɔ, nɛ mi e sila mi vɛ̃ we fa mɔ. Aa NWA, mɔ gɔnɔ ngbangga 'da owinɔ sɛ a wa yambala we dɛ mɔ do bɔlɔ nɛ de.

Ezai 45:23

Mi kpo mbulu, nɛ ma dɛ gbãlã we, nɛ nde mi kpóló nu mi gɔ. Mi tɔ̃a dɛ nza na: Owinɔ vɛ̃ wa tɛ sɛ, nɛ wa gu gba zugolo dati mi. Nɛ wa kana sɛ tɛ wa dati mi na, lo élé sɛ dɛ olo nu mi gɔ.

Ezai 57:15

Mi a Gale santo, mi nɛa ngɔ mɛnɔ vɛ̃, nɛ mi 'bana sɛ fai. Mi ɔ ndũu li ngɔ i, tɛ fala kɛ ma santo. Nɛ mi 'bɔ fala nɛ kpo do owinɔ kɛ wa kifi sila wa, nɛ wa ba tɛ wa dɛ nù ni na, mi nganda sila wa kɔ mɛnɔ kɛ wa dɛ ma ni.

Ezai 6:3

Nɛ oanzɛnɔ ni wa he mɔ hã ngba wa na: “Santo, santo, santo! NWA ngɔ mɔ nyanga nza vɛ̃ a santo! Dɔ̃lɔ̃ li 'da a ma kpa ngɔ nù gɛ vɛ̃.”

Ezai 60:5

Nɛ zɔ sɛ wa, nɛ sila nɛ ma 'bɔ, nɛ nɛ sɛ do yangga wena. Wa kala sɛ okpamɛnɔ 'da ogele winɔ do kɛnɔ kulu gba lì i ni, nɛ wa si do ma.

Yeremi 10:7

Mɔ a nwa ngɔ onu kɔnggɔnɔ nù gɛ vɛ̃. Ma wia sɔ na, owinɔ wa ĩ ti mɔ, nɛ wa dɔnggɔ mɔ. Mbé gele nwa, tabi wi hã zã kɛ a wia kɔ̃ do mɔ tɛ sanga owinɔ ngɔ nù gɛ bina.

Yeremi 16:19

Aa NWA, mɔ a wi fɔmɔ mi, nɛ mɔ a mɔ hã ngawi hã mi. Mɔ a wi kele zu mi 'da fala ngamɔ. Ogele nu kɔnggɔnɔ wa yolo sɛ tɛ ndɔti nùi, nɛ wa tɛ dɛ 'da mɔ. Nɛ wa tɔ̃ sɛ na: “Sambala 'da oyaa lɛ ma zi a gbãlã we sambala gɔ, mɛ zi a mɔ bɛlɛ kɛ ma do gulu nɛ bina.

Yeremi 5:22

Mi a NWA 'da nɛ, kɔ gulu kɛ nɛ dɔ́nggɔ́ mi gɔ we ge nde? Gulu kɛ nɛ táná kili dati mi gɔ we ge nde? Mi a mi ngɛmɛ zi kɛnzɛ dɛ nu lì, takɔ ma ɔ do ngbala we gba lì, nɛ ngbala ni, ma ɔ sɛ fai. Gba lì wè we kũ ngɔ nɛ gɔ. Gɛnɛ kɔ ma yaka tɛ̃ ɛ wena, nɛ nde ma kṹ sɛ 'do nɛ gɔ. Nɛ Ongele lìnɔ ma wia we bũlũ dɛ ngɔ wena, nɛ nde ma lá sɛ ngɔ nɛ gɔ.

OZE 3:5

'Do nɛ, nɛ obe Israɛlɛ wa kpolo sɛ tɛ wa dɛ 'da nwa. Wa siki sɛ li wa dɛ 'da Gale 'da wa, do 'da nwa ngɔ wa, kɛ a a be zã Davidi ni. Nɛ wa yu sɛ kili NWA, nɛ wa kpa sɛ dia mɔ kɔ̃ a.

HABAKUKƐ 1:12

Aa NWA, gbaa mɔ zi belee, mɔ fai a NWA. Mɔ a Gale 'da mi, mɔ a santo, nɛ mɔ fé fio gɔ. NWA Gale 'da mi, mɔ a wi amba zu mi. Mɔ saka Obabilɔnɛ, nɛ mɔ hã ngawi hã wa na, wa hã etumbu hã lɛ, ɔ nɛ kɛ mɔ 'bili ni.

ZAKARIA 14:16

'Do nɛ, nɛ tala owinɔ wa 'bana sɛ nza kɔ ogele winɔ kɛ wa nɛa we 1 bi le Yeruzalɛmɛ ni, wa nɛ sɛ tɛ Yeruzalɛmɛ i sabɛlɛ kpo kpo, we dɔnggɔ nwa ngɔ mɔ nyanga nza vɛ̃. Nɛ wa nɛ sɛ 'bɔ i mɔ we dungu ɛngga Ɔ ti Da.

MALAKI 1:11

“Ogele winɔ nyanga nza gɛ vɛ̃, wa dɔnggɔ mi. Falanɔ vɛ̃, yolo 'biti gba wese we hɔ 'biti gɛ̃a wese, wa dɔ fũ yɔmbɔ we dɔnggɔ do mi, nɛ wa tɛ do dɔnggamɛnɔ kɛ ma wia do mi ni hã mi. Gbãlã we, ogele winɔ wa ĩ ti gã wi 'da mi.

ROMA 15:9

Nɛ a tɛa 'bɔ we ĩ 'bako hã ogele winɔ, takɔ wa dɔnggɔ Gale do wala 'da a. Ma ɔ nɛ kɛ wa kɔma kɔ 'Buki 'da Gale na: “We duzu ma, mi dɔnggɔ sɛ mɔ sanga ogele winɔ, nɛ mi ga sɛ zuma hã mɔ.”

1 PETRO 1:16

Mba gɔ, wa kɔma kɔ 'Buki 'da Gale na: “Nɛ ɔ́ santo, we kɛ mi Gale, mi santo.”

USU MƐNƆ 11:15

'Do nɛ, nɛ sambo anzɛ dama mɔtũlĩ 'da a. Nɛ wala gɛlɛ Owele wila nganda wena tɛ li nza i na: “Dɛa to nwa ngɔ nù gɛ ma hɔa dɛ tambala kɔ̃ Gale Nwa 'da lɛ, do Kristo kɛ a tumba a ni. Gale a dungu sɛ nwa kɔ sabɛlɛ do sabɛlɛ.”

USU MƐNƆ 14:7

Nɛ a he mɔ dɛ ngɔ na: “Nɛ dɛ́ kili Gale, nɛ nɛ dɔnggɔ a! Mba gɔ, ngba soe a nɛ 'bili do we 'da owinɔ ni, ma hɔa ia. Nɛ dɔ́nggɔ́ wi kɛ a dɛa li nza do nùi, gba lì, do be lìnɔ ni!”

USU MƐNƆ 16:5

Nɛ mi zele gɛlɛ anzɛ kɛ a zɔ mɔ tɛ lìnɔ ni tɛ tɔ̃ na: “Aa Gale, mɔ a santo! Mɔ zɛ́ boe, nɛ mɔ sɔɛ gɛ boe. Mɔ dɛ mɔ do wala olo nɛ, we kɛ mɔ 'bili we do bɔlɔ nɛ.

USU MƐNƆ 16:7

Nɛ 'do ki ni, nɛ mi zele wala gɛlɛ wele ma yula tɛ gbagala i tɛ tɔ̃ na: “Ma a ni, Nwa Gale do nganda vɛ̃! Mɔ 'bili we 'da owinɔ do wala do nɛ, do bɔlɔ nɛ ngboo!”

USU MƐNƆ 19:2

A 'bili we do bɔlɔ nɛ fai. A 'bili we dɛ zu gã wuko ndumba, kɛ a 'danga zi nùi gɛ do vĩ zu yɛli 'da a ni. A bili nu gbã tɔkɔ tɛ owi dɛa tonɔ 'da a hã wuke ni.”

USU MƐNƆ 19:8

Wa hã tulu linɛ ma fɛnga nde nde, nɛ ma ndele wena hã a na, a he'de.” (Tulu linɛ ni, ma be bɔlɔ zu dɛa mɛnɔ kɛ owinɔ 'da Gale wa dɛa zi ni.)

USU MƐNƆ 3:7

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Filadɛlfi ni na: “Wi kɛ a santo, nɛ a tɔ̃ gbãlã we fai, nɛ a do fungula kɛ nwa Davidi zɛ́ do ma ni dɛ kɔ̃ a, kɔ a hũi nu tɔa, nɛ nde wele kpo kpé ma gɔ, hã a kpe, nɛ nde wele kpo hṹi ma gɔ ni, a tɔ̃a na:

USU MƐNƆ 4:8

Otunu li mɛnɔ nalɛ ni, wa do 'baka wa gazɛlɛ gazɛlɛ ɔ nɛ 'baka nɔɛ ni. Nɛ gbali wa kpa do tɛ 'baka wa vɛ̃, ombe do ngɔ, nɛ ombe do ti nɛ. Nɛ wa tɛ ga zuma fai, tũ do gba wese na: “Mɔ a santo, mɔ a santo, mɔ a santo. Mɔ a Nwa Gale kɛ mɔ do nganda vɛ̃. Mɔ zɛ́ boe, nɛ mɔ sɔɛ gɛ boe, nɛ mɔ tɛ sɛ.”

USU MƐNƆ 6:10

Kɔ wa tɛ he mɔ do nga gɛlɛ na: “Aa Nwa, mɔ a santo, nɛ mɔ tɔ̃ fai a gbãlã we. Mɔ nɛ 'bɔ gbaa we 'bili we 'da winɔ nù gɛ, nɛ mɔ hã etumbu hã wa do kɛ wa gbɛa zi lɛ ni soe ki nge nde?”

1 SAMUƐLƐ 2:2

“Fo santo kpo ngɔ nù gɛ ɔ nɛ nwa ni bina. Gele gale kɛ a wia we kele zu lɛ ni bina, tati a mɔ Gale kɛ lɛ dɔnggɔ mɔ ni, mɔ a mɔ wia we kele zu lɛ.