USU MƐNƆ 15:3 - WE NU GALE 1995

³ kɔ wa tɛ zɛ zuma kɛ Mɔizɛ, wi dɛa to 'da Gale ga zɛ́ ma ni, do zuma 'da Be Bata na: “Nwa Gale, mɔ do nganda vɛ, mɔ dɛa ogba mɔ, nɛ Owele wa ɔngbɔ ma ɔngba. Mɔ a Nwa ngɔ winɔ vɛ̃. Walanɔ 'da mɔ ma bɔlɔ wena, nɛ wele wia we gbini zã ɛ do ma.

USU MƐNƆ 15:3 Iomraidhean Croise

Ndo Nyanga Dɛ Mɔ 17:1

Abrama ɔa zi sabɛlɛ 'bu nɛ kusi ngɔ nɛ kusi, nɛ NWA be tɛ̃ ɛ hã a, nɛ a tɔ̃ hã a na: “Mi a Gale kɛ mi do nganda vɛ̃. Mɔ dɛ mbula 'da mi, nɛ mɔ ɔ wi bɔlɔ zu fai.

1 Sakonɔ 6:49

Obe Israɛlɛ wa hã zi lenɔ ni fala nɛ kpo do fala dala do onadalamɛnɔ kɛ zã nɛ ni hã obe zã Levi.

2 Sakonɔ 24:6

Nɛ nwa sa mɔ hã gã nwa nganga Yoyada, nɛ a tɔ̃ hã a na: “Mɔizɛ, wi toe 'da NWA, fala nɛ kpo do mba li ngba wi 'da owinɔ, wa tɔ̃a zi na, obe Israɛlɛ wa futa tako, takɔ wa 'dafa do tɔa dɔnggɔ do Gale kɛ 'buku Gba Tɔkɛ kɔ nɛ ni. Kɔ gulu kɛ mɔ yòlò 'do olevitɛnɔ na, wa kala takoe ni kɔ̃ Oyuda do owi Yeruzalɛmɛ gɔ we ge nde?

NEHEMIE 9:14

Do wala 'da Mɔizɛ, wi toe 'da mɔ, wa ĩ zi ti kɔ̃ tũ ɔmɔ tɛ wa, kɛ mɛ a tũ dɔnggɔ do mɔ, nɛ mɔ bia 'bɔ ogele mbulanɔ kɔ 'buku mbula 'da mɔ hã wa.

YƆBƆ 36:24

Mɔ dɔ́nggɔ́ Gale we mɛnɔ a dɛa ni, ɔ nɛ kɛ owinɔ wa ga zɛ ma do zuma, we dɔnggɔ do a fai ni.

YƆBƆ 5:9

Lɛ wè we zele gulu gba sɔ̃ mɛnɔ kɛ a dɛ ni gɔ. Nɛ lɛ wè we tɔlɔ oɔngbamɛnɔ 'da a vɛ̃ gɔ.

Zumanɔ 100:5

Mba gɔ, NWA a de wena, a kɔ̃a lɛ ndɔti nɛ bina, nɛ a dɛ olo nu a hã lɛ fai. A élé olo nu a gɔ kɔ sabɛlɛ do sabɛlɛ.

Zumanɔ 105:5

Nɛ, obe zã Abrahama, wi dɛa toe 'da Gale, kɛ nɛ 'bɔ a obenɔ 'da Yakɔbɔ, kɛ Gale saka nɛ ni, nɛ lénggé ɔngbamɛnɔ kɛ Gale dɛa ni, do 'bili wenɔ kɛ a 'bili zi ni.

Zumanɔ 111:2

Mɛnɔ kɛ NWA dɛ ni, mɛ a gba mɔ. Owinɔ vɛ̃ kɛ wa kɔ̃a gɛnɛ ma ni, wa yambala gulu nɛ fai.

Zumanɔ 111:7

Gbãlã we do bɔlɔ zu be tɛ̃ ɛ li toe 'da a. Lɛ wia we gbini zã lɛ do mbulanɔ a e ni.

Zumanɔ 139:14

Aa NWA, mi gese iɔ̃nae hã mɔ, we kɛ kili tɛ mi mɔ dɛa ni, mɛ a gã ɔngbamɔ. Nɛ mi ĩ do sila mi vɛ̃ na, mɛnɔ kɛ mɔ dɛ ni, mɛ vɛ̃ a gba mɔ.

Zumanɔ 145:17

NWA dɛa mɛnɔ vɛ̃ do wala olo nɛ, nɛ dia zã 'da a be tɛ̃ ɛ kɔ mɛnɔ vɛ̃ a dɛa ni.

Zumanɔ 145:6

Owinɔ wa tɔ̃ sɛ sako gba mɛnɔ mɔ dɛa ni, nɛ mi tɔ̃ sako gã wi 'da mɔ.

Zumanɔ 18:30

Mɔ hã ngawi hã mi, nɛ mi bi do Owi sɛnɛ mi, nɛ mi waka ngɔ gba ngbo 'da wa.

Zumanɔ 78:12

Gale dɛa zi ɔngbamɔ kɔ le Soanɛ, tɛ ngɔ nù Ezipeto, nɛ oyaa lɛ wa zɔa ma.

Zumanɔ 92:5

Aa NWA, mɛnɔ mɔ dɛa ni, ma hã yangga hã mi wena, mi zɛ kaliã, nɛ mi ga zuma yangga we duzu ma.

Zumanɔ 99:4

Aa mɔ nwa kɛ mɔ do nganda vɛ̃, mɔ kɔ̃a mɔ kɛ ma ɔ bɔlɔ ni. Mɔ a mɔ 'dafa mɛnɔ ngɔ nù Israɛlɛ, nɛ mɔ a mɔ ia gbãlã we do bɔlɔ zu ngɔ nùi ni.

Ezai 33:22

Ofɛlɛnɔ kɛ Owi sɛnɛ lɛ wa kpo do bɛndɛlɛnɔ 'da wa ni, ma gɔnɔ sɛ, nɛ fo sɛ 'bɔ wala na, wa gbɔtɔ bɛndɛlɛnɔ 'da wa dɛ ngɔ bina. Do 'da fala ni, nɛ lɛ kɛ̃ sɛ sanga gba gili mɔ olo wa dɛ kɔ̃ lɛ vɛ̃. Gɛnɛ kɔ Owi 'dã nyanganɔ, nɛ wa kpa sɛ mɔ olo Owi sɛnɛ lɛ. NWA Gale a wi kpasa lɛ. A dungu sɛ nwa ngɔ lɛ, nɛ a gɔnɔ ngbangganɔ 'da lɛ.

Ezai 45:21

Nɛ tɛ́, hã nɛ tɔ̃ ngbangga 'da nɛ. Nɛ bá zã zu we, nɛ nɛ bé dia gulu we 'da nɛ dɛ nza. Wi kɛ a tɔ̃a zɛ́ gulu mɛnɔ kɛ ma dɛ tɛ̃ ɛ sɔɛ gɛ zɛ́ dati belee ia ni, wi a wio nde? Wi tati a mi NWA Gale, kɛ mi kpasa owinɔ 'da mi ni. Nɛ fo gele gale olo mi bina.

DANIƐLƐ 6:20

Ma hɔa sanga titole belee, nɛ nwa Dariusi kulu ngɔ, nɛ a wɛlɛ tɛ̃ a dɛ nu kɔ̃ɛ 'da ogbɔgbɔnɔ i.

DANIƐLƐ 9:11

Lɛ obe Israɛlɛ vɛ̃, lɛ bɛ̃a mbula nu mɔ, nɛ lɛ kɔ̃̀ we zele wenɔ mɔ tɔ̃a hã lɛ ni gɔ. Lɛ dɛa 'dã mɔ, nɛ mɔ dɛa na, ofɔmbanɔ kɛ Mɔizɛ, wi toe 'da mɔ kɔma zi kɔ 'buki 'da a ni, ma te ngɔ lɛ.

OZE 14:9

We mɔ Oisraɛlɛ sɛ tɛ kpikima bina, we kɛ mi a mi gese sɛ nu sambala 'da wa, nɛ mi zɔ mɔ tɛ wa. Mi ɔ nɛ te kɛ ma hã gɔ̃lɔ̃ hã wa fai ni, nɛ wi hã dia dungu hã wa, wi a mi zu mi kpo.”

Mike 7:20

Mɔ be sɛ kɔ̃a zã 'da mɔ hã lɛ, obe zã Abrahama do Yakɔbɔ, nɛ mɔ élé we dɛ omɛnɔ kɛ mɔ kpua zi mbulu nɛ hã oyaa lɛ ni hã lɛ gɔ.

SOFONI 3:5

Nɛ nde ĩ na, NWA Gale kɔ le Yeruzalɛmɛ boe. A kɔ̃a bɔlɔ zu dɛa mɔ, nɛ a bɛ̃ 'dã mɔ. Titole kpo kpo, nɛ a gɔnɔ wenɔ 'da owinɔ do bɔlɔ nɛ. Gɛnɛ kɔ na mɛ ni, nɛ nde o'dã winɔ wa dɛ tɛ mɛ 'dã mɔ dɛa fai, nɛ sape bá li wa gɔ.

ZAKARIA 9:9

Aa nɛ, owi Yeruzalɛmɛ, nɛ dɛ́ yangga, nɛ nɛ zɛ́ kaliã. Nɛ zɔ́ nwa 'da nɛ, a tɛ tɛ nɛ. A a wi bɔlɔ zu, nɛ a nɛa ngɔ owi sɛnɛ a li bolo. Nɛ nde a ba tɛ̃ a dɛ nù, nɛ a kũ ngɔ be punda.

YOANƐ 1:17

Gale hã zɛ́ mbula 'da a hã lɛ do wala 'da Mɔizɛ, nɛ Gale bia dia zã dɛ 'da lɛ do wala 'da Yezu Kristo, nɛ lɛ ĩ ti gbãlã we ngɔ Gale we duzu a.

Mbulanɔ 31:30

'Do nɛ, nɛ Mɔizɛ tɔlɔ olɛnggɛnɔ kɔ zuma ni vɛ̃ dɛ ngɔ, nɛ obe Israɛlɛ wa zele.

Mbulanɔ 32:3

Mi dɔnggɔ sɛ zu li NWA, nɛ obe Israɛlɛ wa tɔ̃ sɛ na, Gale 'da lɛ, a gã wena.

Mbulanɔ 34:5

'Do nɛ, nɛ Mɔizɛ, wi toe 'da NWA fia dɛ ngɔ nù Moabɛ, ɔ nɛ kɛ NWA tɔ̃a zi nɛ ni.

1 TIMOTE 1:17

E kɔ owele wa dɔnggɔ Gale, kɛ a a Nwa fai ni. A fé fio gɔ, wele zɔ́ a gɔ, nɛ a zu a kpo a Gale. E kɔ wa hã dɔ̃lɔ̃ li hã a kɔ sabɛlɛ do sabɛlɛ! Amɛ.

OHEBRE 3:5

Mɔizɛ zi a wi dɛ to sanga owinɔ 'da Gale. Toe 'da a zi a mbese owinɔ do wenɔ kɛ Gale nɛ tɔ̃ ma ni, nɛ a dɛa toe ni do wala olo nɛ.

Yozue 22:5

Nɛ nde ma wia na, nɛ dɛ ombulanɔ vɛ̃ kɛ Mɔizɛ hã ma hã nɛ ni do dia nɛ. Nɛ kɔ̃ gɛnɛ NWA Gale 'da nɛ, nɛ dɛ mbula 'da a, nɛ nɛ dɛ mɔ tɛ nɛ nɛ́ kɛ zã a kɔ̃a ni. Nɛ hã tɛ nɛ vɛ̃ hã a, nɛ nɛ dɛ to hã a do sila nɛ kpo.”

USU MƐNƆ 1:8

Nwa Gale kɛ a do nganda vɛ, kɛ a zɛ́ boe, nɛ a sɔɛ gɛ boe, nɛ a tɛ sɛ ni, a tɔ̃a na: “Mi a Alfa do Omega.” Gulu nɛ na: “Ndo nyanga mɛnɔ vɛ̃ wi a mi, nɛ sɔkpɔ mɛnɔ vɛ 'bɔ a mi.”

USU MƐNƆ 11:17

tɛ tɔ̃ na: “Aa Nwa Gale, mɔ do nganda vɛ̃, mɔ zɛ́ boe, nɛ mɔ sɔɛ gɛ boe. Lɛ hã iɔ̃nae hã mɔ, we kɛ mɔ bia ngawi 'da mɔ, nɛ mɔ dungu nwa ngɔ nùi gɛ.

USU MƐNƆ 14:3

Gili winɔ ni wa yula dɛ dati kpongbo nwa 'da Gale, do dati Otunu li mɛnɔ nalɛ, do okpasa winɔ ni, nɛ wa ga mbé zuma. Zuma ni mɛ a zuma kɛ gele wele wè zi tɛ yambala ma gɔ, tati a owinɔ kote kama do 'bu wa nalɛ ngɔ wa nalɛ, kɛ Kristo gɔnɔ zi zu wa ngɔ nù gɛ ni iko.

USU MƐNƆ 14:8

Nɛ mbé anzɛ hɔa 'dɔkɔlɔ wele kɛ sɔ ni, nɛ a na: “Gã le Babilɔnɛ tia! Ma tia wuku! Mɛ a le kɛ ma ia zi dɔ̃ yɛnggɛ vĩ zu yɛli nu ogele winɔ vɛ, nɛ wa nɔa.”

USU MƐNƆ 17:14

Wa bi sɛ bolo do Be Bata, nɛ Be Bata nɛ ngɔ wa, we kɛ a a Nwa ngɔ Onwanɔ, nɛ to nwa 'da a nɛa ngɔ to nwanɔ vɛ. Nɛ winɔ 'da a, kɛ a sa zɛ́ mɔ hã wa, nɛ a saka zɛ́ wa, nɛ wa kàfà a gɔ ni, wa nɛ sɛ ngɔ Onwanɔ ni fala nɛ kpo do a.”

USU MƐNƆ 19:16

Wa kɔma li a tɛ gba tuli 'da a do tɛ ku a na: “Nwa ngɔ Onwanɔ, kɛ to nwa 'da a nɛa ngɔ to nwanɔ vɛ ni.”

USU MƐNƆ 19:2

A 'bili we do bɔlɔ nɛ fai. A 'bili we dɛ zu gã wuko ndumba, kɛ a 'danga zi nùi gɛ do vĩ zu yɛli 'da a ni. A bili nu gbã tɔkɔ tɛ owi dɛa tonɔ 'da a hã wuke ni.”

USU MƐNƆ 4:8

Otunu li mɛnɔ nalɛ ni, wa do 'baka wa gazɛlɛ gazɛlɛ ɔ nɛ 'baka nɔɛ ni. Nɛ gbali wa kpa do tɛ 'baka wa vɛ̃, ombe do ngɔ, nɛ ombe do ti nɛ. Nɛ wa tɛ ga zuma fai, tũ do gba wese na: “Mɔ a santo, mɔ a santo, mɔ a santo. Mɔ a Nwa Gale kɛ mɔ do nganda vɛ̃. Mɔ zɛ́ boe, nɛ mɔ sɔɛ gɛ boe, nɛ mɔ tɛ sɛ.”