USU MƐNƆ 14:2 - WE NU GALE 1995

² Nɛ mi zele wila we li nza i tɛ dɔ̃lɔ̃ ɔ nɛ giti sulu lì, tabi giti ua dã kolo ni. Nɛ wila we kɛ mi zele ni, ma wele ɔ nɛ giti kundu kɛ Owele wa zɛ ma ni.

USU MƐNƆ 14:2 Iomraidhean Croise

2 SAMUƐLƐ 6:5

nɛ Davidi do obe Israɛlɛ vɛ̃, wa kala omɔ ga zuma kpi do kpi, nɛ wa zɛ ma we be yangga 'da wa dati NWA. Mɛ a omɔ ga zuma kɛ wa dɛa do te pinɛ ɔ nɛ obe kundu, ogã kundu, be biã, nzanga, do mbala mɔ bolo kɛ wa zɛ do ngbɛ ɛ ni.

2 Sakonɔ 20:28

'Da fala kɛ wa hɔa le i, nɛ wa ba wala tɔa Tɛmpɛloe 'da NWA, nɛ wa ga zuma tɛ zɛ be kundu do gã kundu do dama mɔtũlũ.

Zumanɔ 147:7

Nɛ gá zuma we dɔnggɔ do NWA, nɛ zɛ́ kundu hã NWA Gale 'da lɛ.

Zumanɔ 149:3

Nɛ yɔ́ yɔla we dɔnggɔ do NWA, nɛ zɛ́ biã do kundu hã a.

Zumanɔ 33:2

Nɛ zɛ́ be kundu hã NWA, nɛ nɛ zɛ́ gã kundu we dɔnggɔ do a.

Zumanɔ 43:4

Nɛ mi nɛ sɛ, nɛ mi kɔlɔ do gbagala 'da mɔ, nɛ mi kɔlɔ sɛ do mɔ Gale, kɛ mɔ hã yangga hã mi ni. Mɔ a Gale 'da mi, mi zɛ sɛ kundu we dɔnggɔ do mɔ.

Zumanɔ 57:8

Aa Gale, mi wè 'bɔ tɛ ba kafi fala kpo gɔ, mi kɔ̃a we ga zuma we dɔnggɔ do mɔ.

Zumanɔ 92:3

Titole kpo kpo, nɛ lɛ sa mbula kɔ̃a zã 'da mɔ, nɛ do tũi, nɛ lɛ tɔ̃ hã winɔ na, mɔ a wi kɛ mɔ dɛ olo nu mɔ fai.

Zumanɔ 93:4

Nɛ nde yolo do li nza i, mɔ NWA Gale, mɔ dungu nwa ngɔ mɛnɔ vɛ̃. Mɔ gã nɛa ngɔ gba lìnɔ kɛ ma sulu ni, nɛ mɔ nganda nɛa ngɔ ngele lìnɔ ni.

Zumanɔ 98:5

Nɛ kálá obe kundu do ogã kundu, nɛ nɛ zɛ́ do zuma hã a.

Kulu Tɔa 19:16

Ma hɔa kpo soe ni, do sanga titole belee, nɛ ngɔ kala 'di kpia do gba kutu. Nɛ wa zɔa nyɛa kolo, nɛ wa zele giti ua dã kolo, do giti mɔtũlũ tɛ wele nganda wena ngɔ kala ni. Nɛ owinɔ wa tana kili tɛ fala ɔi 'da wa 'di.

Kulu Tɔa 20:18

Do 'da fala ni, nɛ obe Israɛlɛ vɛ̃ wa zila giti ua dã kolo, do giti mɔtũlũ tɛ wele nɛ. Nɛ wa vɛ̃ wa zɔa nyɛa li kolo, nɛ wa zɔa 'bɔ kala tɛ kutu do zɛ̃ we. Wa nɛa we zɔ ni, nɛ wa tana kili, nɛ wa yolo nyɛlɛ do kala.

Ezai 17:13

Ogele nu kɔnggɔnɔ wa tɛ tɛ ma, wa he mɔ wena, nɛ giti wa wele ɔ nɛ giti ngele gba lì ni. Nɛ nde NWA Gale kila ti wa we bi do wa, nɛ wa yu, nɛ wa pɛsɛ ɔ nɛ 'bulu zɔ̃ kɛ gba bũ kala ma ni. Wa pɛsɛ ɔ nɛ be tolo we do 'da fala galagula ni.

EZEKIƐLƐ 43:2

Nɛ mi zɔ Gale 'da obe Israɛlɛ, a yula si 'biti gba wese, kɔ a tɛ tɛ do gã dɔ̃lɔ̃ li 'da a vɛ̃. Nɛ giti a tɛ dɔ̃lɔ̃ ɔ nɛ giti gba fua lì ni. Nɛ yele ngbala dɔ̃lɔ̃ li 'da a, ma yele nùi.

ZAKARIA 9:14

NWA Gale a yolo sɛ si ba gɔtɔ, nɛ a tɛ do gba kolo, nɛ a dama mɔtũlũ tɛ la do ma. A hɔ sɛ, nɛ a yolo dɛ ngɔ owinɔ 'da a, nɛ a da sɛ kpilinɔ 'da a, nɛ ma la do ngɔ wa ɔ nɛ nyɛa li kolo ni.

1 KORINTƐ 13:1

Ɔ do kɛ mi ĩ sɔ ti tɔ̃ lɛnggɛ nu owinɔ do anzɛnɔ vɛ, kɔ mi sɔ do kɔ̃a zã dɛ 'da ongba mi bina, nɛ nde wenɔ vɛ́ kɛ mi wele ni, ma ɔ nɛ manda, tabi biã kɛ ma wele ngbu ngbu ngbu, nɛ ma kpe zala wele iko ni.

USU MƐNƆ 1:10

'Da fala mi zi i mɔ ni, nɛ mbe ngba soe ɛngga kpo, nɛ ngawi 'da Hi Wi Santo lia kɔ mi, nɛ mi zele wala gɛlɛ wele do 'do mi, ma wele nganda wena ɔ nɛ giti mɔtũlũ ni

USU MƐNƆ 1:15

Nɛ nyanga a ndele kpala kpala ɔ nɛ tũ mɔ bolo, kɛ wa fĩ li we gbaa, nɛ 'dɔlɔ nɛ hɔa kɔ nɛ ni. Nɛ wala gɛlɛ a dɔ̃lɔ̃ wuu ɔ nɛ sulu lì ni.

USU MƐNƆ 11:12

Nɛ Owi gba olo nu Gale bɔa ni, wa zila wala gɛlɛ wele, ma wele hã wa do li nza i nganda wena na: “Nɛ kũ dɛ i nga!” Nɛ wa kũ dɛ li nza i do sanga kutunɔ dɛ li Owi sɛnɛ wa ni vɛ.

USU MƐNƆ 11:15

'Do nɛ, nɛ sambo anzɛ dama mɔtũlĩ 'da a. Nɛ wala gɛlɛ Owele wila nganda wena tɛ li nza i na: “Dɛa to nwa ngɔ nù gɛ ma hɔa dɛ tambala kɔ̃ Gale Nwa 'da lɛ, do Kristo kɛ a tumba a ni. Gale a dungu sɛ nwa kɔ sabɛlɛ do sabɛlɛ.”

USU MƐNƆ 15:2

'Do nɛ, nɛ mi zɔa 'bɔ mɔ ɔ nɛ gba lì ni, ma ndele nɛ́ talatala, nɛ ma mba do nyɛa we. Nɛ mi zɔ 'bɔ winɔ kɛ wa nganda zi nɛa ngɔ sa'de, do hi sa'de, do wele kɛ li a bia tɛ̃ ɛ do motuya ni. Wa yula dɛ ngɔ gba lì kɛ ma ndele nɛ́ talatala ni, nɛ wa kala okundunɔ kɛ Gale hã zi hã wa ni,

USU MƐNƆ 18:22

Nɛ giti Owi zɛ kundu, do Owi ga zuma, do Owi dama gaga do mɔtũlũ wélé sɛ 'bɔ kɔ gã le gɛ fala kpo gɔ. Wa zɔ́ sɛ 'bɔ Owi dɛ si'bili to kɔ le gɛ gɔ. Nɛ giti Owi 'bili tula wélé sɛ 'bɔ gɔ.

USU MƐNƆ 5:8

Kɔ a nɛa we ba 'buki ni, nɛ otunu li mɛnɔ nalɛ, do kpasa winɔ 'bu wa bɔa ngɔ wa nalɛ ni, wa gu gba zugolo dati a. Nɛ wele do wele do kundu, do bila mɔ mbali kɛ ma dunu do fũ yɔmbɔ ni dɛ kɔ̃ ɛ. Fũ yɔmbɛ ni, mɛ a sambala kɛ winɔ 'da Gale wa sambala do a ni.

USU MƐNƆ 6:1

Nɛ 'do ki ni, nɛ mi zɔ Be Bata tɛ ɛlɛ kuti ndaka nu 'buki ni, nɛ mi zele mbe kpo sanga tunu li mɛnɔ nalɛ ni tɛ he mɔ, nɛ wala gɛlɛ a dɔ̃lɔ̃ nɛ́ ua dã kolo ni na: “Mɔ tɛ́!”

USU MƐNƆ 8:7

Nɛ kuti anzɛ dama mɔtũlĩ 'da a, nɛ kolo gbãlã mũlũ, do we, mba do tɔkɔ ala dɛ nù nga, nɛ kpo mbee talɛ nùi do kpo mbee talɛ tenɔ, do wɔkɔsɔnɔ bɛla vɛ̃.