USU MƐNƆ 14:1 - WE NU GALE 1995

¹ 'Do ki ni, nɛ mi nɛ ka mɔ, nɛ mi zɔ Be Bata, nɛ nde a yolo dɛ ngɔ kala Sioni, fala nɛ kpo do ogili wele koto kama do 'bu wa nalɛ ngɔ wa nalɛ (144.000). Wa kɔma li a, do li Baa a dɛ dati owinɔ ni.

USU MƐNƆ 14:1 Iomraidhean Croise

Zumanɔ 2:6

“Mi saka zi nwa, nɛ mi ia a tɛ Sioni, kala 'da mi kɛ ma santo.”

Ezai 49:14

Owi Yeruzalɛmɛ wa tɔ̃a na: “NWA Gale bɛ̃a gɛnɛ lɛ, nɛ ta zu a ila ngɔ lɛ.”

Yeremi 1:11

NWA aka mi na: “Yeremi, mɔ zɔ ge nde?” Nɛ mi gese na: “Mi zɔ gbakɔ̃ te amandɛ, te sɔ̃a li.”

EZEKIƐLƐ 1:4

Mi nɛ ka mɔ, nɛ mi zɔ gba bũ kamba, ma yula si gbãlã ngɔ, nɛ ma tɛa do gã tũ kolo. Nɛ kolo nyɛa li ɛ kɔ tũ kole ni. Nɛ yele ngbala zĩ do tũ kole ni takpa. Nɛ kɔ nɛ ni, mi zɔa we tɛ nyɛ ɔ nɛ talatala ni.

EZEKIƐLƐ 10:1

'Do nɛ, nɛ mi ka mɔ tɛ mɛ bili nɛ́ ndumbe dɛ zu Otunu li mɛnɔ nalɛ kɛ wa ɔ nɛ Owele ni, nɛ mi zɔ mɔ ɔ nɛ kpongbo nwa, kɛ wa sɛa ma do gã ta safirɛ ni.

EZEKIƐLƐ 10:9

Mi nɛa we ka mɔ, nɛ mi zɔ kolo kpo kpo dɛ kɛ zã bula li wa nalɛ ni. Nɛ kolonɔ ni to ɔ nɛ dia ta olo gã gole ni, nɛ ma wia kɔ vɛ̃. Wa dɛa ma do tɛlɛ tɛ kɛ na, mɔ zɔ, nɛ nde ma lia dɛ kɔ ngbɛ ɛ.

EZEKIƐLƐ 2:9

Nɛ mi nɛ ka mɔ, nɛ mi zɔ kɔ̃ wele, nɛ nde ma bɔlɔ dɛ 'da mi nga, nɛ kasa 'buku dɛ kɔ̃ wi ni.

EZEKIƐLƐ 44:4

Nɛ wi ni kã 'bɔ mi dɛ nu ngbo Tɛmpɛloe kɛ ma siki li ɛ si gbãlã ngɔ ni. Nɛ mi zɔ na, gã dɔ̃lɔ̃ li 'da nwa kpa kɔ Tɛmpɛloe vɛ̃. Nɛ mi te, nɛ mi gu li mi nu.

EZEKIƐLƐ 8:7

Nɛ NWA ba mi, nɛ a e mi tɛ li fanda kɛ do 'do Tɛmpɛloe ni. Nɛ mi zɔ holo tɛ dɛlɛ.

EZEKIƐLƐ 9:4

nɛ a tɔ̃ hã a na: “Mɔ bá 'da le, nɛ mɔ yɔlɔ mɔ dati owinɔ vɛ̃ kɛ wa dɛ 'bako, nɛ wa he kɔ̃a we duzu gã 'dã mɛnɔ wa zɔ ma kɔ le gɛ ni.”

DANIƐLƐ 12:5

“'Do nɛ, nɛ mi zɔa Owele bɔa, wa yula dɛ nu lì. Mbe kpo do kulu lì i, nɛ mbee nɛ do kulu nɛ nga.

AMƆSI 8:2

nɛ a aka mi na: “Amɔsi, mɛ mɔ zɔ ni a ge nde?” Nɛ mi gese hã a na: “Mi zɔ yele ofila wala te.” Nɛ NWA tɔ̃ hã mi na: “Oisraɛlɛ wa fila ɔ nɛ owala tenɔ gɛ, nɛ wa hɔa ndɔti dungu 'da wa ia, wa 'báná sɛ 'bɔ gɔ. Mi kpóló sɛ linggamɛ 'da mi gɔ, mi hã sɛ etumbu hã wa.

Mike 4:7

Wa 'dɔlɔ wa nyɛlɛ do le 'da wa, nɛ wa mbɔka vɛ̃. Nɛ nde mi mba sɛ li owanɔ wa 'bana nza ni, nɛ mi dɛ sɛ na, wa hɔ nganda nu kɔnggɔ wele. Do 'da fala ni, nɛ mi Gale, mi ɔ sɛ do ngɔ kala Sioni tɛ Yeruzalɛmɛ, nɛ mi dungu sɛ nwa ngɔ wa pii.

ZAKARIA 4:2

Nɛ a aka mi na, mi zɔ ge nde? Nɛ mi gese na: “Mi zɔ mɔ e do mwinda, kɛ ma vɛ̃ do mɔ mbali, nɛ daka nɔ dɛ ngɔ nɛ. Nɛ wa dɛa ongbɔnɔ sambo, yolo tɛ daka nɔɛ ni dɛ ngɔ, takɔ ma gbɔtɔ nɔɛ dɛ tɛ omwinda sambo na ma nyɛ.

LUKA 12:8

“Mi tɔ̃ hã nɛ na, wi kɛ a tɔ̃ dɛ li owele na, ɛ a wi 'da mi ni, nɛ mi Be 'da Wele, mi tɔ̃ sɛ tɛ mɛ 'bɔ dɛ li oanzɛnɔ 'da Gale vɛ̃ na, wi ni a wi 'da mi.

ROMA 9:33

kɛ wa kɔma we nɛ kɔ 'Buki 'da Gale na: “Nɛ zɔ́, mi ia ta kɔ le Sioni, mɛ a ta kɛ owinɔ wa kɔ do nyanga wa, nɛ wa te ni. Nɛ nde wi kɛ a kɔ̃ zu li a ni, a kpá sɛ sape gɔ.”

USU MƐNƆ 14:14

Nɛ mi nɛ ka mɔ, nɛ mi zɔ gba kutu, nɛ mi zɔ 'bɔ mɔ ɔ nɛ wele ni, a dungu ngɔ gba kuti ni. A gu ndasa nwa, wa dɛa do mɔ mbali, nɛ a 'bia tɔ̃a nu dugbu dɛ kɔ̃ a.

USU MƐNƆ 14:3

Gili winɔ ni wa yula dɛ dati kpongbo nwa 'da Gale, do dati Otunu li mɛnɔ nalɛ, do okpasa winɔ ni, nɛ wa ga mbé zuma. Zuma ni mɛ a zuma kɛ gele wele wè zi tɛ yambala ma gɔ, tati a owinɔ kote kama do 'bu wa nalɛ ngɔ wa nalɛ, kɛ Kristo gɔnɔ zi zu wa ngɔ nù gɛ ni iko.

USU MƐNƆ 15:5

'Do ki ni, nɛ mi nɛ ka mɔ, nɛ nde nu tɔa Tɛmpɛloe li nza i hũi, nɛ mi zɔ tɔa Tande kɛ ma be na, Gale di ni boe ni.

USU MƐNƆ 22:4

Wa zɔ sɛ tɛ̃ a, nɛ wa kɔmɔ sɛ li a dati wa.

USU MƐNƆ 3:12

Wi kɛ a kunu sila a kɔ ngamɛnɔ gbaa we hɔ ndɔti nɛ, nɛ mi e sɛ a ɔ nɛ bɛlɛduma kɔ Tɛmpɛloe 'da Gale 'da mi, nɛ a 'bana sɛ dɛ di ni fai. Nɛ mi kɔmɔ sɛ li Gale 'da mi, do li le 'da Gale 'da mi bula li a. Mɛ a mbé le Yeruzalɛmɛ kɛ ma yolo 'da Gale 'da mi tɛ li nza i ni. Nɛ mi kɔmɔ sɛ 'bɔ mbé li mi bula li a.

USU MƐNƆ 4:1

Nɛ 'do ki ni, nɛ mbé mɔ hɔa li mi do li yalɛ. Mi ka mɔ li nza i, nɛ mi zɔ nu tɔa kpo, nɛ nde ma hũi. Nɛ mi zele 'bɔ wala gɛlɛ wi kɛ mi zila sɔ dati ni, ma wele nɛ́ mɔtũlũ ni. Nɛ ma tɔ̃ hã mi na: “Mɔ ku dɛ 'da mi nga, kɔ mi be mɛnɔ kɛ ma hɔ sɛ do 'do ni hã mɔ.”

USU MƐNƆ 6:8

Nɛ mi nɛ ka mɔ, nɛ mi zɔ mbalata, tɛ̃ a ɔ tuu nɛ zɛ̃ we ni. Nɛ wi kũ ngɔ a li a a Fio. Nɛ Le 'da ofionɔ tɛ tɛ 'dɔkɔlɔ a. Nɛ wa hã ngawi hã wa na, wa yɛnggɛ ngɔ kpo mbee nalɛ nùi gɛ, nɛ wa gbɛ winɔ do du kɔya, tabi do gba wɔ, tabi do zɛlɛ, tabi do wala 'da odã sa'de.