USU MƐNƆ 13:8 - WE NU GALE 1995

⁸ Nɛ winɔ ngɔ nù gɛ, wa dɔnggɔ sɛ sa'de ni. Winɔ ni, wi a wanɔ kɛ Gale kɔ̀mɔ̀ zɛ́ li wa kɔ 'Buku Kpasi, dati kɛ a ndua zɛ́ nyanga dɛ mɛnɔ vɛ́ ni gɔ ni. 'Buku Kpasi ni, mɛ a kɛ 'da Be Bata kɛ wa gbɛa zi a ni.

USU MƐNƆ 13:8 Iomraidhean Croise

Ndo Nyanga Dɛ Mɔ 22:7

Wa hɔa li wala i, nɛ Izaka aka baa ɛ na: “Lɛ ba we, do gua, kɔ be bata kɛ lɛ nɛ dɔ a ni a do nde?”

Zumanɔ 69:28

Mɔ kɔ́mɔ́ 'dã mɛnɔ 'da wa kpo kpo, nɛ mɔ tɛ ĩ̀ 'bako hã wa fala kpo gɔ.

Kulu Tɔa 32:32

Kɔ mi ala nu mi hã mɔ na, mɔ fo ku'da 'dã mɛ ni zu wa. Kɔ mɔ kɔ̃̀ we fo ku'da nɛ zu wa gɔ, nɛ mɔ gbɛ li mi kɔ 'buki kɛ mɔ kɔma li owinɔ 'da mɔ kɔ nɛ ni do'do.”

Ezai 4:3

Nɛ tala owinɔ kɛ wa 'bana kɔ le Yeruzalɛmɛ, kɛ NWA saka wa na wa kpasa, nɛ wa 'bana dɛ di ni ni, wa sa sɛ li wa na: “Winɔ 'da NWA Gale.”

DANIƐLƐ 12:1

“Anzɛ kɛ a hi'da tulu linɛ ni, a tɔ̃a hã mi na: ‘Do 'da fala ni, nɛ Mikaɛlɛ, gã wi ngɔ anzɛnɔ kɛ a fɔmɔ owinɔ 'da mɔ ni, a hɔ sɛ. Mɛ sɛ a 'da fala ngamɔ ngboo. Ndo nyanga kɛ wa dɛa do nùi gbaa we hɔ sɔɛ gɛ, mbe ngamɔ nɛ́ mɛ ni dɛ̃ mbe tɛ̃ ɛ fala kpo gɔ. Nɛ nde do 'da fala ni, nɛ owinɔ 'da mɔ vɛ̃ kɛ li wa kɔ 'buki 'da Gale ni, wa kpasa sɛ.

MATIE 25:34

Nɛ mi tɔ̃ sɛ hã wanɔ si ngɔ ngawili kɔ̃ mi ni na: ‘Baa mi wila zɛ́ nu a tɛ nɛ ia! Nɛ tɛ́, kɔ nɛ le kɔ le nwa 'da a, kɛ a 'dafa zɛ́ ma hã nɛ dati ndo nyanga dɛ nùi ni.

LUKA 10:20

Nɛ nde nɛ tɛ sì tɛ dɛ yangga kɛ o'dã hi winɔ wa zele nu nɛ ni gɔ, nɛ nde nɛ dɛ́ yangga kɛ na, Gale kɔma li nɛ kɔ 'Buki 'da a li nza i ni.”

YOANƐ 1:29

Fala nɛa we sa 'do nɛ, nɛ Yoanɛ zɔ Yezu tɛ tɛ 'da a nga, nɛ a tɔ̃ hã owinɔ na: “Nɛ zɔ́, Be Bata 'da Gale kɛ a fo sɛ ku'da 'dã mɛnɔ zu winɔ ni, a kɛ!

EFƐZƐ 1:4

Mba gɔ, dati kɛ na Gale dɛ nùi ni, nɛ nde a saka zɛ́ lɛ, nɛ a mba lɛ kpo do Kristo, takɔ lɛ ɔ santo li a, nɛ mɔ kɔ'dɔ wi tɛ ɔ̀ kɔ lɛ gɔ.

FILIPƐ 4:3

Nɛ kɛ 'da mɔ, ngbongbo ngba mi wi dɛa toe, mi aka mɔ na, mɔ gálá wa, we kɛ wa dɛa zi to do mi we yɛ'bɛ Dia Sakoe, fala nɛ kpo do Klema, do tala ongba mi wi dɛa tonɔ, kɛ li wa vɛ̃ kɔ 'Buku Kpasi ni.

TITO 1:2

takɔ wa gbini zã wa do kpasi kɛ ma é sɛ gɔ ni. Gale 'bílí bɛlɛ gɔ. A kpua zɛ́ mbulu kpasi ni dati kɛ a tɛ dè mɛnɔ vɛ̃ gɔ ni,

USU MƐNƆ 12:15

Kɔ wuke ma ngɔ yu nɛ, nɛ gba sɔ̃ sa'de ɔ̃lɔ̃ gba fua lì gbɔngbɔɔ, nɛ a da ma 'dɔkɔlɔ wuke ni na, ma bindi a.

USU MƐNƆ 13:12

Nɛ a dɛ mɛnɔ do ngawi 'da kuti sa'de sɔ ni, nɛ a dɛa ma dɛ dati sa'de ni. Nɛ a ba nu a hã nùi do winɔ ngɔ nùi vɛ́ na, wa dɔnggɔ kuti sa'de, kɛ wa ia dani fie tɛ̃ a, nɛ ma ɛ̃a ni.

USU MƐNƆ 17:8

Sa'de kɛ mɔ zɔa a ni, a zi do tunu li a, kɔ ngangga ni a 'bɔ bina. Nɛ nde ma 'bana bi sĩ, nɛ a hɔ sɛ nza kɔ gba 'du kɔ̃ɛ, takɔ a la dɛ fala wa nɛ gbɛ do a ni. Nɛ winɔ ngɔ nù gɛ, kɛ 'da fala Gale ndua zɛ́ nyanga dɛ mɛnɔ, nɛ a kɔ̀mɔ̀ zɛ́ li wa kɔ 'Buku Kpasi gɔ ni, wa ɔngbɔ sɛ wena we zɔ sa'de ni, we kɛ a zi do tunu li a, kɔ ngangga ni a 'bɔ bina, nɛ a hɔ sɛ 'bɔ mbé nɛ ni.

USU MƐNƆ 21:27

Nɛ mɔ ndi kpo lé sɛ kɔ le ni gɔ, nɛ wele kɛ a hã tɛ a we dɛ mɔ sape, tabi we 'bili bɛlɛ ni, a lé sɛ di ni gɔ. Nɛ nde winɔ kɛ wa le sɛ i mɔ ni, wi tati a wanɔ kɛ Gale kɔma zɛ́ li wa kɔ 'Buku Kpasi 'da Be Bata ia ni.

USU MƐNƆ 3:10

Kɔ we duzu kɛ nɛ dɛa olo nu mi, nɛ nɛ kunu sila nɛ ni, mi fɔmɔ sɛ tɛ mɛ 'bɔ nɛ 'da fala ngamɛnɔ ma kpa sɛ winɔ ngɔ nùi gɛ vɛ̃, we yamba sila wa ni.

USU MƐNƆ 3:20

Nɛ zɔ́, mi yula, nɛ mi tɛ ngbolo 'do nu tɔa ko ko ko. Kɔ fala kɛ wele zele gɛlɛ mi, kɔ a hũi nu tɔa, nɛ mi le sɛ dɛ 'da a i, nɛ lɛ nyɔngɔ sɛ mɔ fala nɛ kpo do a.

USU MƐNƆ 3:5

Kɔ wi kɛ a kunu sila a kɔ ngamɛnɔ gbaa we hɔ ndɔti nɛ, nɛ a he'de sɛ fɛ̃a tuli ni, nɛ mi gbɛ́ sɛ li a kɔ 'Buku Kpasi gɔ. Nɛ mi tɔ̃ sɛ dati Baa mi do oanzɛnɔ 'da a na, a a wi 'da mi.

USU MƐNƆ 5:12

tɛ ga zuma nganda wena na: “Be Bata kɛ wa gbɛa zi a ni, a wia do nwa, nɛ a do kpamɔ, do hã zã, do ngawi. E kɔ a kpa dɔ̃lɔ̃ li, do dɔngga wi, nɛ wa tɔ̃ de sako li a.”

USU MƐNƆ 5:13

Nɛ 'do nɛ, nɛ mi zila 'bɔ wala gɛlɛ mɛnɔ vɛ kɛ Gale dɛa kɔ li nza i, do ngɔ nù gɛ, do kɔ le 'da ofionɔ, do kɛnɔ 'dɔ gba lì ni tɛ ga zuma na: “E kɔ wi dungu ngɔ kpongbo nwa, do Be Bata wa kpa dɔngga wi, do dɔ̃lɔ̃ li, do ngawi, nɛ lɛ tɔ̃ de sako li wa kɔ sabɛlɛ do sabɛlɛ!”

USU MƐNƆ 6:1

Nɛ 'do ki ni, nɛ mi zɔ Be Bata tɛ ɛlɛ kuti ndaka nu 'buki ni, nɛ mi zele mbe kpo sanga tunu li mɛnɔ nalɛ ni tɛ he mɔ, nɛ wala gɛlɛ a dɔ̃lɔ̃ nɛ́ ua dã kolo ni na: “Mɔ tɛ́!”