USU MƐNƆ 13:7 - WE NU GALE 1995

⁷ Nɛ wa hã 'bɔ wala hã a na, a bi bolo do owinɔ 'da Gale, nɛ a nɛ ngɔ wa. Nɛ wa hã ngawi hã a we dungu nwa ngɔ nu fɛlɛ kulanɔ, do lɛnggɛnɔ, do nu kpalanɔ, do lenɔ vɛ.

USU MƐNƆ 13:7 Iomraidhean Croise

Kulu Tɔa 9:16

Kɔ mi la a do tunu li a, we be ngawi 'da mi, takɔ sako dɔ̃lɔ̃ li 'da mi ma yɛ'bɛ ngɔ nù gɛ vɛ̃.

Ezai 10:15

Nɛ nde NWA Gale tɔ̃a na: “Kpɛnɛmɔ wia we dɔnggɔ tɛ̃ ɛ ngɔ wi gɔmɔ te nde? Nɛ sii ma nɛa ngɔ wi gba ma'baya nde? Zufa é mbula ngɔ kɔ̃ wi gɔ, nɛ nde kɔ̃ wi a ba ma we zɛ do wele.”

Ezai 37:26

“Nɛ nde mɔ Sɛnakeribɛ, mɔ ĩ̀ na, mɛnɔ ma dɛ tɛ̃ ɛ ni, wi a mi NWA hã mi 'dafa zi ma belee ni gɔ nde? Mɛnɔ kɛ mi 'dafa zɛ́ ma ni, ma kɛ mi dɛ ma ngangga gɛ. Mi hã ngawi hã mɔ, nɛ mɔ bi lenɔ kɛ gba ngbo zĩ ma takpa ni, nɛ mɔ gbini ma dɛ nù.

Yeremi 25:9

mi sa sɛ mɔ hã owinɔ si gbãlã ngɔ i vɛ̃, mba do wi toe 'da mi Nabukɔdɔnɔzɔrɛ, nwa ngɔ nù Babilonia na, wa tɛ. Nɛ mi tombo sɛ wa we bi nɛ, owi ngɔ nù Yuda, do onu kɔnggɔnɔ kɛ zã nɛ ni tɛ mɛ 'bɔ. Mi kumu sɛ nɛ vɛ̃, nɛ mi dɛ sɛ na, nùi gɛ ma hɔ olo tɔa. Winɔ wa zɔ sɛ ma, nɛ sila wa gɔnɔ, nɛ wa zɛ nu wa. Mi nwa, mi tɔ̃a ni.

DANIƐLƐ 12:1

“Anzɛ kɛ a hi'da tulu linɛ ni, a tɔ̃a hã mi na: ‘Do 'da fala ni, nɛ Mikaɛlɛ, gã wi ngɔ anzɛnɔ kɛ a fɔmɔ owinɔ 'da mɔ ni, a hɔ sɛ. Mɛ sɛ a 'da fala ngamɔ ngboo. Ndo nyanga kɛ wa dɛa do nùi gbaa we hɔ sɔɛ gɛ, mbe ngamɔ nɛ́ mɛ ni dɛ̃ mbe tɛ̃ ɛ fala kpo gɔ. Nɛ nde do 'da fala ni, nɛ owinɔ 'da mɔ vɛ̃ kɛ li wa kɔ 'buki 'da Gale ni, wa kpasa sɛ.

DANIƐLƐ 7:21

Mi tɛ ka mɔ tɛ be za ni, nɛ mi zɔ, nɛ nde ma tɛ bi bolo do owinɔ 'da Gale, nɛ ma ma ngɔ nɛ ngɔ wa.

DANIƐLƐ 7:25

A tɔ̃ sɛ 'dã we do zu li Gale kɛ a gã nɛa ngɔ mɔ vɛ̃ ni, nɛ a hã sɛ ngamɔ hã owinɔ 'da Gale. A fa sɛ we 'danga mbulanɔ do tũ ɛngganɔ 'da wa. Nɛ wa dungu sɛ ti mbula 'da a 'do sabɛlɛ talɛ do dɔ nɛ.

LUKA 4:6

nɛ a tɔ̃ hã a na: “Fala kɛ mɔ dɔnggɔ mi, nɛ mi hã sɛ lenɔ gɛ, do dɔ̃lɔ̃ li 'da ma vɛ̃ hã mɔ, nɛ mɔ dungu nwa ngɔ nɛ. We kɛ wa 'dɔlɔ ma vɛ̃ hã mi, nɛ mi wia we hã ma hã wi kɛ zã mi kɔ̃a a ni.”

YOANƐ 19:11

Nɛ Yezu gese hã a na: “Ɔ do kɛ Gale hã̀ sɔ ngawi hã mɔ gɔ, nɛ nde mɔ sɔ do ngawi ngɔ mi bina. Ma kɛ 'dã mɛ 'da wi kɛ a ba mi hã mɔ ni, ma nɛa ngɔ gɛlɛ 'dã mɛ 'da mɔ.”

USU MƐNƆ 10:11

Nɛ wa tɔ̃ hã mi na: “Ma wia na, mɔ gba 'bɔ do nu Gale, nɛ mɔ tɔ̃ wenɔ ngɔ odɛlɛ nu fɛlɛ kulanɔ, do nu kpalanɔ, do lɛnggɛnɔ, do onwanɔ hã winɔ.”

USU MƐNƆ 11:18

Zã ogele winɔ nɔ̃lɔ̃ zi dɛ tɛ mɔ wena, nɛ nde tũi kɛ mɔ nɛ be do nɔ̃lɔ̃ zã 'da mɔ ni, ma wia ia. Mɛ a tũi kɛ mɔ nɛ 'bili do we 'da ofionɔ. Nɛ mɛ 'bɔ a tũ si do de mɔ hã owi dɛa tonɔ 'da mɔ, kɛ wa gba olo nu mɔ ni, do winɔ 'da mɔ vɛ̃, ogã winɔ do obe winɔ kɛ wa dɔnggɔ mɔ dɔngga ni. Mɛ a tũi kɛ mɔ nɛ kumu do winɔ kɛ wa 'danga zi nùi gɛ ni.”

USU MƐNƆ 11:7

Kɔ bia wenɔ 'da wa e do'do, nɛ gba sɔ̃ sa'de a yolo sɛ kɔ gba 'du kɔ̃ɛ, nɛ a hɔ nza we bi do wa. A nganda sɛ nɛ ngɔ wa, nɛ a gbɛ sɛ wa.

USU MƐNƆ 12:17

Gba sɔ̃ sa'de nɛa we zɔ ni, nɛ zã a nɔ̃lɔ̃ dɛ tɛ wuke wena. Nɛ a la, nɛ a nɛ we bi do tala obenɔ 'da wuke ni. Obenɔ ni, wi a owinɔ kɛ wa dɛ olo nu Gale, nɛ wa kɔ̃a gɛnɛ we 'da Gale, kɛ Yezu bia hã wa ni.

USU MƐNƆ 17:15

Nɛ anzɛ tɔ̃ 'bɔ hã mi na: “Lìnɔ mɔ zɔa, kɛ wuko ndumba ɔ nu nɛ ni, mɛ a ogili nu fɛlɛ kulanɔ, do lɛnggɛnɔ, do nu kpalanɔ, do lenɔ vɛ.

USU MƐNƆ 5:9

Nɛ wa vɛ̃ wa ga mbé zuma na: “Mɔ wia do ba kasa 'buki, nɛ mɔ ɛ̃lɛ̃ ndaka wa nãlã do nu nɛ ni. We kɛ wa gbɛa zi mɔ, nɛ mɔ gɔnɔ zu ogba gili wele do tɔkɔ tɛ mɔ, nɛ mɔ hã wa hã Gale. Winɔ mɔ gɔna zu wa ni, wa a wi kɔ nu fɛlɛ kulanɔ, do lɛnggɛnɔ, do nu kpalanɔ, do kɔ lenɔ vɛ.