USU MƐNƆ 13:6 - WE NU GALE 1995

⁶ Nɛ a ma ngɔ dã Gale, do dã zu li le santoe kɛ Gale ɔ nɛ ni, do zu li winɔ vɛ̃ kɛ wa tɛ li nza i ni.

USU MƐNƆ 13:6 Iomraidhean Croise

YƆBƆ 3:1

Dɛ 'do nɛ, nɛ Yɔbɔ ma ngɔ wele we, nɛ a kana nu a tɛ kɔ̃ tũ kula 'da a na mɛ gɛ:

Zumanɔ 73:9

Wa wele 'dã we hã Gale dɛ li nza i, nɛ nu wa lá mɔ kpo ngɔ nù gɛ gɔ.

DANIƐLƐ 11:36

“Nwa ngɔ nù Siri a dɛ sɛ mɛ ma dia tɛ̃ a ni vɛ̃. Zu a ma gã sɛ wena, nɛ a ba sɛ tɛ̃ a na, ɛ nɛa ngɔ ogalenɔ vɛ̃. A tɔ̃ sɛ 'dã we hã Gale kɛ a do nganda vɛ̃. Nɛ a dɛ sɛ ni gbaa we hɔ 'da fala kɛ Gale nɛ hã do etumbui hã a, ɔ nɛ kɛ a handa zi we dɛ ma ni.

DANIƐLƐ 7:25

A tɔ̃ sɛ 'dã we do zu li Gale kɛ a gã nɛa ngɔ mɔ vɛ̃ ni, nɛ a hã sɛ ngamɔ hã owinɔ 'da Gale. A fa sɛ we 'danga mbulanɔ do tũ ɛngganɔ 'da wa. Nɛ wa dungu sɛ ti mbula 'da a 'do sabɛlɛ talɛ do dɔ nɛ.

DANIƐLƐ 7:8

Mi nɛ ka mɔ tɛ ozanɔ zu a ni, nɛ mbé be nɛ ma ngɔ kunu dɛ ti gele kɛnɔ ni, nɛ ma fo mbe ã za zu a talɛ do'do. Mbé za ni do gbali ɛ ɔ nɛ gbali wele ni. Nɛ ma 'bɔ do nu ɛ, nɛ ma tɔ̃ lɛnggɛ gã zu.

MATIE 12:34

Aa nɛ, kɛ nɛ ɔlɔ wele ɔ nɛ gɔ̃nɔ gɛ! Nɛ a o'dã wi, nɛ nɛ nɛ dɛ fala tɔ̃ gbãlã we ni nɛ nde? Mba gɔ, nu wele tɔ̃ wenɔ kɛ ma yolo kɔ sila a ni.

MATIE 15:19

Mba gɔ, 'dã linggamɔ yolo kɔ zã wele, sɛ nɛ ma tombo a we gbɛ wi, ɔ do kɛnɛ ngba a tabi wili mɔ́ ngba a, yɛnggɛ vĩ zu yali, zũ mɔ, 'bili bɛlɛ do zu li wele, do dã dɛla de.

YOANƐ 1:14

We nu Gale hɔa wele, nɛ a ɔa sanga lɛ, nɛ lɛ zɔa dɔ̃lɔ̃ li 'da a. Mɛ a dɔ̃lɔ̃ li kɛ Baa a Gale hã hã a, kɛ a a kpo Be 'da a ni. Be ni do dia zã wena, nɛ a tɔ̃ zi gbãlã we ngɔ Baa a.

ROMA 3:13

Wala gɛlɛ wa 'danga ɔ nɛ zunu kɛ wa kpè nu ma gɔ ni. Wila we nu wa vɛ a bɛlɛ, ma ɔ nɛ faliã gɔ̃, kɛ ma hɔ ti lɛfɛ wa ni.

KƆLƆSƐ 1:19

We kɛ Gale kɔ̃a zi na, Kristo ba tɛlɛ tɛ̃ ɛ, nɛ a we kɔ̃ do ɛ kɔ mɛnɔ vɛ̃.

KƆLƆSƐ 2:9

Mba gɔ, 'da fala Kristo zi a wele ngɔ nù gɛ, nɛ a wia zi kɔ̃ do Gale vɛ̃.

OHEBRE 9:2

Wa dɛa zɛ́ tɔa tande, nɛ wa 'bili kɔ nɛ bɔa. Nɛ 'bili kɛ wa le kɔ nɛ dati ni, wa sa li nɛ na, fala kɛ ma santo. Mɛ a fala wa ia do mɔ a do mwindanɔ, do mɛsa kɛ wa a mapa dɔnggɔ do Gale ngɔ nɛ ni.

OHEBRE 9:24

Mba gɔ, Kristo lè zi kɔ tɔa tande kɛ Owele wa dɛa ma do kɔ̃ wa, nɛ mɛ a hi gbãlã we tɔa kɛ li nza i ni gɔ, nɛ nde a lia zi li nza ngboo. Nɛ ngangga gɛ, a yolo dati Gale we tɔ̃ we ngɔ lɛ.

USU MƐNƆ 11:12

Nɛ Owi gba olo nu Gale bɔa ni, wa zila wala gɛlɛ wele, ma wele hã wa do li nza i nganda wena na: “Nɛ kũ dɛ i nga!” Nɛ wa kũ dɛ li nza i do sanga kutunɔ dɛ li Owi sɛnɛ wa ni vɛ.

USU MƐNƆ 12:12

Kɔ we duzu ki ni, ma wia na li nza, do nɛ owinɔ kɔ nɛ vɛ́, nɛ dɛ yangga! Nɛ nde 'bako do nùi do gba lì! Mba gɔ, Satana zĩlĩ dɛ i mɔ, nɛ sila a dunu do mãlã, we kɛ a ĩ na, ngba soe 'da ɛ 'bànà gã gɔ.”

USU MƐNƆ 15:5

'Do ki ni, nɛ mi nɛ ka mɔ, nɛ nde nu tɔa Tɛmpɛloe li nza i hũi, nɛ mi zɔ tɔa Tande kɛ ma be na, Gale di ni boe ni.

USU MƐNƆ 18:20

Aa nɛ, winɔ li nza i, nɛ dɛ́ yangga, we kɛ le Babilɔnɛ tia. Aa nɛ, winɔ 'da Gale, do Owi nɛ tonɔ 'da a, do owi gba do nu a, nɛ dɛ́ yangga! We kɛ Gale 'bili 'dã gulu we hã a, we 'dã mɛnɔ a dɛa zi do nɛ ni.

USU MƐNƆ 21:3

Nɛ mi zele giti gɛlɛ wele tɛ fala kpongbo nwa ni, ma wila nganda wena na: “Nɛ zɔ́, Gale dɛa fala ɔi 'da a dɛ sanga winɔ. A ɔ sɛ do wa fala nɛ kpo, nɛ wa sɛ a owinɔ 'da a. Gale ngboo sɛ fala nɛ kpo do wa.

USU MƐNƆ 4:1

Nɛ 'do ki ni, nɛ mbé mɔ hɔa li mi do li yalɛ. Mi ka mɔ li nza i, nɛ mi zɔ nu tɔa kpo, nɛ nde ma hũi. Nɛ mi zele 'bɔ wala gɛlɛ wi kɛ mi zila sɔ dati ni, ma wele nɛ́ mɔtũlũ ni. Nɛ ma tɔ̃ hã mi na: “Mɔ ku dɛ 'da mi nga, kɔ mi be mɛnɔ kɛ ma hɔ sɛ do 'do ni hã mɔ.”

USU MƐNƆ 4:4

Nɛ ombe gele kpongbo nwa 'bu nɛ bɔa ngɔ nɛ nalɛ, ma zĩ 'bɔ kuti kpongbo nwa ni takpa. Nɛ okpasa wi 'bu wa bɔa ngɔ wa nalɛ, wa dungu ngɔ nɛ. Wa hi'da fɛa tulu, nɛ wa gu ndasa nwa zu wa, mɛ a ondasa mɔ mbali.

USU MƐNƆ 5:13

Nɛ 'do nɛ, nɛ mi zila 'bɔ wala gɛlɛ mɛnɔ vɛ kɛ Gale dɛa kɔ li nza i, do ngɔ nù gɛ, do kɔ le 'da ofionɔ, do kɛnɔ 'dɔ gba lì ni tɛ ga zuma na: “E kɔ wi dungu ngɔ kpongbo nwa, do Be Bata wa kpa dɔngga wi, do dɔ̃lɔ̃ li, do ngawi, nɛ lɛ tɔ̃ de sako li wa kɔ sabɛlɛ do sabɛlɛ!”

USU MƐNƆ 7:15

Ma kɛ wa yolo dɛ dati kpongbo nwa 'da Gale, nɛ wa tɛ dɛ to hã a tũ do gba wese kɔ Tɛmpɛlo 'da a ni. Nɛ Wi dungu ngɔ kpongbo nwa ni, a kele sɛ zu wa.

USU MƐNƆ 7:9

Nɛ 'do ki ni, nɛ mi nɛ ka mɔ, nɛ mi zɔ gba gili Owele, kɛ wele wè tɛ tɔlɔ wa gɔ ni. Wa yula kɔ nu fɛlɛ kulanɔ, do lɛnggɛnɔ, do nu kpalanɔ, do kɔ lenɔ vɛ̃, nɛ wa dɛ dati kpongbo nwa 'da Gale, do Be Bata. Wa hi'da du fɛ̃a tulu turr, nɛ wa do nwá 'bete dɛ kɔ̃ wa.