USU MƐNƆ 13:5 - WE NU GALE 1995

⁵ Nɛ wa hã wala hã sa'de ni na, a wele we do wali vɛ, nɛ a dã zu li Gale. A kpa ngawi we dɛ na mɛ ni gbaa, 'do zɛkɛ 'bu nɛ nalɛ ngɔ nɛ bɔa.

USU MƐNƆ 13:5 Iomraidhean Croise

Zumanɔ 12:3

Owinɔ wa tɔ̃ 'dã li ngba wa, wa tɔ̃ ɛ̃fɛ̃ nu hã ngba wa, nɛ nde kɔ sila wa si kpi.

EZEKIƐLƐ 35:13

Kafi bina, mi zila lɛnggɛ nga zui do lɛnggɛ yɔndɔ wi nɛ tɔ̃a hã mi ni.

DANIƐLƐ 11:36

“Nwa ngɔ nù Siri a dɛ sɛ mɛ ma dia tɛ̃ a ni vɛ̃. Zu a ma gã sɛ wena, nɛ a ba sɛ tɛ̃ a na, ɛ nɛa ngɔ ogalenɔ vɛ̃. A tɔ̃ sɛ 'dã we hã Gale kɛ a do nganda vɛ̃. Nɛ a dɛ sɛ ni gbaa we hɔ 'da fala kɛ Gale nɛ hã do etumbui hã a, ɔ nɛ kɛ a handa zi we dɛ ma ni.

DANIƐLƐ 12:12

Mɛ sɛ a yangga wena we owinɔ kɛ wa kpãlã sila wa kɔ kɔ̃a we dɛ 'da Gale gbaa 'do tũ koto do kama talɛ do 'bu nɛ talɛ ngɔ nɛ mɔlɔ ni.

DANIƐLƐ 7:11

Mi 'bana tɛ zɔ be zamba zu sa'de ni, do zele lɛnggɛ gã zunɔ a tɔ̃ ma ni, nɛ mi nɛ ka mɔ, nɛ nde wa gbɛa sa'de wele kɛ nalɛ ni do'do. Nɛ wa da wɔlɔ a li we, nɛ ma bɛlɛ vɛ̃.

DANIƐLƐ 7:20

Nɛ mi kɔ̃a 'bɔ we ĩ ti gulu zamba zu a 'bu ni, do gulu be zamba zu a kɛ ma kunu do 'do, nɛ ma fua ã za zu a talɛ do'do ni. Be za ni do gbali ɛ boe, nɛ ma do nu ɛ, nɛ ma tɔ̃ lɛnggɛ gã zu. Nɛ ma hã zi 'bɔ kili nɛa ngɔ ogele zanɔ vɛ̃.

DANIƐLƐ 7:25

A tɔ̃ sɛ 'dã we do zu li Gale kɛ a gã nɛa ngɔ mɔ vɛ̃ ni, nɛ a hã sɛ ngamɔ hã owinɔ 'da Gale. A fa sɛ we 'danga mbulanɔ do tũ ɛngganɔ 'da wa. Nɛ wa dungu sɛ ti mbula 'da a 'do sabɛlɛ talɛ do dɔ nɛ.

DANIƐLƐ 7:8

Mi nɛ ka mɔ tɛ ozanɔ zu a ni, nɛ mbé be nɛ ma ngɔ kunu dɛ ti gele kɛnɔ ni, nɛ ma fo mbe ã za zu a talɛ do'do. Mbé za ni do gbali ɛ ɔ nɛ gbali wele ni. Nɛ ma 'bɔ do nu ɛ, nɛ ma tɔ̃ lɛnggɛ gã zu.

DANIƐLƐ 8:14

Nɛ mi zele gɛlɛ mbe kpo anzɛ tɛ gese na: ‘Ma dɛ sɛ ni gbaa 'do tũ koto kpo, do kama do 'bu nɛ mɔlɔ. Kɔ̃ tũnɔ ni vɛ̃, wa hã sɛ 'bɔ dɔnggamɛnɔ do titole do gɛ̃a wese gɔ. Nɛ 'do nɛ, nɛ wa 'dafa sɛ Tɛmpɛloe dɛ olo nɛ.’

2 TƐSALONIKƐ 2:3

Da dɛ kɔ wele ɔlɔ nɛ do gele we gɔ. Mba gɔ, dati kɛ na kɔ̃ tũi ni ma we, nɛ Owele wena wa bé sɛ gɛnɛ Gale, nɛ Wi 'danga mbula 'da Gale a be sɛ tɛ a nza. A a wi kɛ Gale a gbɛ sɛ a do ndɔti nɛ.

2 TƐSALONIKƐ 2:4

Wi sɛnɛ Gale ni a bɛ̃ sɛ gɛnɛ mɛnɔ vɛ kɛ owele wa sa li nɛ na gale ni, do mɛnɔ vɛ kɛ winɔ wa dɔnggɔ ma ni, nɛ a ba sɛ tɛ a na, ɛ nɛa ngɔ mɛnɔ ni vɛ. Nɛ a nɛ sɛ gbaa we dungu nù kɔ gã tɔa Gale we be tɛ̃ a hã winɔ na, ɛ a Gale ngboo.

2 TƐSALONIKƐ 2:8

Do 'da fala nɛ ni, nɛ Wi sɛnɛ Gale a be sɛ tɛ a nza. Kɔ fala kɛ Nwa Yezu hɔ, nɛ a gbɛ sɛ a do bũ nu a, nɛ a kumu sɛ a do dɔ̃lɔ̃ li kɛ a tɛ sɛ nɛ ni.

USU MƐNƆ 11:7

Kɔ bia wenɔ 'da wa e do'do, nɛ gba sɔ̃ sa'de a yolo sɛ kɔ gba 'du kɔ̃ɛ, nɛ a hɔ nza we bi do wa. A nganda sɛ nɛ ngɔ wa, nɛ a gbɛ sɛ wa.

USU MƐNƆ 12:14

Nɛ wa hã 'baka ziki bɔa hã wuke ni na, a bũlũ do nɛ gbaa dɛ fala kɛ wa 'dafa hã a li gba zɔ̃ i ni. Nɛ a ɔ dɛ di ni, nɛ wa dala a gbaa 'do sabɛlɛ talɛ do dɔ nɛ, nɛ wa zɔ mɔ tɛ a na, dɔ gba sɔ̃ sa'de dɛ́ mɔ do a gɔ.

USU MƐNƆ 12:6

Nɛ wuke yu dɛ tɛ fala Gale 'dafa zi hã a li gba zɔ̃ i ni, we ɔ do i mɔ, takɔ wa dala a gbaa 'do tũ koto do kama bɔa do 'bu nɛ gazɛlɛ.

USU MƐNƆ 13:7

Nɛ wa hã 'bɔ wala hã a na, a bi bolo do owinɔ 'da Gale, nɛ a nɛ ngɔ wa. Nɛ wa hã ngawi hã a we dungu nwa ngɔ nu fɛlɛ kulanɔ, do lɛnggɛnɔ, do nu kpalanɔ, do lenɔ vɛ.