USU MƐNƆ 13:3 - WE NU GALE 1995

³ Mbe zu mbé sa'de ni kpo, ma ɔ nɛ kɛ ma kpa zɛ́ gã dani fio, nɛ ma ɛ̃a ni. Nɛ winɔ ngɔ nù gɛ vɛ̃ wa ɔngbɔ do a nɛ ge nde ni, nɛ wa ma ngɔ nɛ 'dɔkɔlɔ a.

USU MƐNƆ 13:3 Iomraidhean Croise

EZEKIƐLƐ 30:24

Nɛ mi hã sɛ mbé ngawi hã nwa ngɔ nù Babilonia, nɛ mi e sɛ du kɔya 'da mi kɔ̃ a. Nɛ nde mi gbini sɛ 'baka nwa ngɔ nù Ezipeto, nɛ a gɔfɔ sɛ, nɛ a fe dɛ ti nyanga Owi sɛnɛ a.

LUKA 2:1

Do 'da fala ni, nɛ Ogustɛ, gã nwa ngɔ nù Roma ba nu a na, wa tɔ́lɔ́ owinɔ ngɔ nùi 'da ɛ vɛ̃.

YOANƐ 12:19

Nɛ Fariziɛnɔ wa tɔ̃a dɛ sanga wa na: “Nɛ zɔ́, winɔ vɛ̃ wa nɛ 'dɔkɔlɔ a iko! Le wè tɛ dɛ mɔ kpɔ gɔ.”

Owi Nɛ Tonɔ 8:13

Nɛ Simɔ kɔ̃a tɛ mɛ 'bɔ zu li Yezu, nɛ Filipɛ batisa a. Nɛ a 'bana fala nɛ kpo do Filipɛ, tɛ zɔ oɔngbamɛnɔ do ogba sɔ̃ mɛnɔ kɛ Filipɛ dɛ ni, nɛ a ɔngbɔ do ma wena.

USU MƐNƆ 13:12

Nɛ a dɛ mɛnɔ do ngawi 'da kuti sa'de sɔ ni, nɛ a dɛa ma dɛ dati sa'de ni. Nɛ a ba nu a hã nùi do winɔ ngɔ nùi vɛ́ na, wa dɔnggɔ kuti sa'de, kɛ wa ia dani fie tɛ̃ a, nɛ ma ɛ̃a ni.

USU MƐNƆ 13:14

Nɛ a ɔlɔ owinɔ ngɔ nù gɛ do gba sɔ̃ mɛnɔ, kɛ wa hã wala hã a we dɛ ma dɛ li kuti sa'de sɔ ni. Nɛ a ba nu a hã winɔ na, wa dɛ hi sa'de kɛ wa dumu zi a do du kɔya na a fe, nɛ a fè gɔɛ ni, hã wa dɔnggɔ ma.

USU MƐNƆ 17:10

Ombe mɔlɔ sanga wa ni, wa tia ia, nɛ mbe kpo tɛ dɛ to nwa 'da ɛ ngangga ni, nɛ tala mbe kpo tɛ hɔ̀ gɔ. Kɔ 'da fala kɛ a hɔ, nɛ a ɔ́ sɛ tũ dɛlɛ gɔ.

USU MƐNƆ 17:11

Nɛ sa'de kɛ a zi do tunu li a, nɛ ngangga ni a 'bɔ bina ni, a ngboo hã a nɛ dungu sɛ nwa kɛ ngbɛ'dɛ'dɛ. Nɛ nde a sanga Onwanɔ sambo dati ni, kɔ a nɛ la dɛ fala wa gbɛ sɛ do a ni.

USU MƐNƆ 17:13

Nɛ wa vɛ̃ 'bu ni, wa do linggamɔ kpo na, wa la ngawi 'da wa do dɛa to nwa 'da wa vɛ̃ dɛ kɔ̃ sa'de ni.

USU MƐNƆ 17:17

Mba gɔ, Gale ia dɛ kɔ sila wa na, wa dɛ mɛ kɛ zã ɛ kɔ̃a ni. Mɛ a kɛ na, wa mba linggamɛ 'da wa kpo, nɛ wa hã dɛa to nwanɔ 'da wa hã sa'de ni gbaa na, we nu Gale ma dɛ tɛ̃ ɛ vɛ̃ do'do sɛ nɛ de.

USU MƐNƆ 17:6

Nɛ mi zɔa wuke ni, nɛ nde tɔkɔ tɛ winɔ 'da Gale, do kɛ 'da winɔ kɛ wa gbɛ zi wa, we duzu Yezu, nɛ a nɔ zi ma ni, ma ba a ɔ nɛ dɔ̃ ni. Kɔ mi nɛa we zɔ a, nɛ ma ba we nu mi do'do.

USU MƐNƆ 17:8

Sa'de kɛ mɔ zɔa a ni, a zi do tunu li a, kɔ ngangga ni a 'bɔ bina. Nɛ nde ma 'bana bi sĩ, nɛ a hɔ sɛ nza kɔ gba 'du kɔ̃ɛ, takɔ a la dɛ fala wa nɛ gbɛ do a ni. Nɛ winɔ ngɔ nù gɛ, kɛ 'da fala Gale ndua zɛ́ nyanga dɛ mɛnɔ, nɛ a kɔ̀mɔ̀ zɛ́ li wa kɔ 'Buku Kpasi gɔ ni, wa ɔngbɔ sɛ wena we zɔ sa'de ni, we kɛ a zi do tunu li a, kɔ ngangga ni a 'bɔ bina, nɛ a hɔ sɛ 'bɔ mbé nɛ ni.